يالعليله. يالعليله
يالعليله. يالعليله
==========================
بالبيت عفتج بويه مكسوره وحزينه
راح اسافر عنها يبنيتي المدينه
رويحتج ظلت عليَّ كلش حنينه
بويه بل الطف باچر احنه امچتلينه

يالعليله . يالعليله
يالعليله. يالعليله
============================
زغيره بعدج ما تحملين المصايب
يل العليله او انتي عندي اغله الحبايب
هناك بل الطف بويه اشكال وعجايب
انذبح ضامي وعلى الايتام اراقب

يالعليله . يالعليله
يالعليله. يالعليله
=============================
اعليه مكسوره شفت والله هضيمه
آه وا ويلاه من عگبي يتيمه
ادري جنت اعليج يا بنتي انه خيمه
هسه انتي وحدج وسفه وحريمه

يالعليله. يالعليله
يالعليله . يالعليله
===============================
ادري هالليله عليچ اهوايه صعبه
چن تكوليلي عشت يابويه غُربه
عليج عباس الگمر مهضوم گلبه
وٱنه حته الماي ما يهنالي اشربه

يالعليله. يالعليله
يالعليله. يالعليله
================================
باجر ابعاشر محرم تبچي الأطفال
انذبح ضامي يبنتي وتنسبي اعيال
ابهل الليالي يالعليله يصعب الحال
الذبح هو الذبح ما مر على البال

يالعليله. يالعليله
يالعليله. يالعليله
================================
الى خادم مولاتي فاطمه العليله وخادم اهل البيت
✍️ الشاعر مصطفى النائلي

هل محرم والحزن بهلاله
بيمن ايوصي السبط بعياله
••••••••••••••••••••••••••••••••••••••••
من يهل اهلال عاشور الحزن
اعيال ابو السجاد متغمض جفن
بالخيول حسين صدره ينسحن
وبالمثلث طعنته الجتاله
••••••••••••••••••••••••••••••••••••••
ابهل الشهر ويلاه محروگه الخيم
حسين يندب وين شيال العلم
عگب اخيه حسين كل حيله انهدم
بقت عينه اعل الخيم واطفاله
•••••••••••••••••••••••••••••••••••••••
بقت عينه اعله الخيم واعله الخدر
صدك زينب تمشي بدروب اليسر
ليش شو كافلها نايم عالنهر
والسهم بالعين ضل يبراله
•••••••••••••••••••••••••••••••••••••••
آه يا شهر الحزن والفاجعه
طيح النه الكمر فوك المشرعه
رايته ابصفه وجفوفه امگطعه
والرمح صابه ابوسط دلاله
•••••••••••••••••••••••••••••••••••••••
اشلون زينب تنسبي وتركب هزل
جتفوها وبكت تنكاد ابحبل
حاضر الشدات وينك يانفل
بنتك المتيسره باصعب حاله
•••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

هاي الخدامه واجب اعلينه
نخدم  ترانه  والد  اسكينه
••••••••••••••••••••••••••••••••••••
يا محله والله انعيشها الخدمه
خدمه حسين الغالي  ابواليمه
ندعي الله كون أيديم هالنعمه
كون المحب بس يبچي  لحسينه
••••••••••••••••••••••••••••••••••••
واجـب اعلينه نهمل الدمعه
وننصب عزانه انعزي البضعه
شمحلاها خدمك لون  تنعه
ويه صوته كلنه بصوت ونينه
••••••••••••••••••••••••••••••••••••
هذا الشرف من نخدم الغالي
لحسين هنيالي الذي ايوالي
صيت المحب بالغالي ظل عالي
كل محب يفدي كون چفينه
••••••••••••••••••••••••••••••••••••
كل عام لجل حـسين دمعتنه
وبأسمه رفــــــت  دوم رايتنه
كلش  چبيره   هاي   خدمتنه
وشكرآ لان بالخدمه حسينه
••••••••••••••••••••••••••••••••••••
هــــذا لطمنه  كل سنه انعيده
عالمنذبح عطـــــــشان بالبيده
لحسين يارب حزني بس زيده 
ويدير كون حسين الي عينه
••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

ليل هدعش يحسين خويه سبوني
اداء: ملا مقتدر النائلي
كلمات خادمكم: الشاعر مصطفى النائلي

اليوم طايح عالنهر كفالي
چان شيال العلم يبرالي
•••••••••••••••••••••••••••••••••••••••••••••••
اليوم سافر عني راعي المرجله
چان حارس كل خدور العايله
دمعتي اعله الگمر هل سايله
مرمي على شاطي هضيمه الغالي
••••••••••••••••••••••••••••••••••••••••••••••••••
مرمي على شاطي ابلا جف ونحر
صحت يا ويلاه عـباس الگمر
فوگ نهر العلگمي زنده انبتر
شلون راعي الزود طاح الوالي
•••••••••••••••••••••••••••••••••••••••••••••••••
شلون راعي الزود باقي بس جسد
صاح يا زينب اظل اعله العهد
او ثلث تنعام منك يل أسد
لون موجود انته من يدنالي
•••••••••••••••••••••••••••••••••••••••••••••••••••
لون موجود انت يا راعي الشيم
چان يا عباس ما حرگوا خيم
شفت متروس ابدماك آنه العلم
خويه بعدك وشأوصف حالي
••••••••••••••••••••••••••••••••••••••••••••••••••••
خويه بعدك حالي لا ما ينوصف
اختك ابلا والي صارت تنجتف
يا گمر هضمه سبوها اختك ألف
هضمه ضاعت يالكفل آمالي
••••••••••••••••••••••••••••••••••••••••••••••••••••••
الى خادم الحسين وخادم اهل البيت (ع)
✍️الشاعر مصطفى النائلي

سبيه ابيا وكت زينب يكافل
عگب موتك تباري للمحامل
چريمه شلون راحت ويه اجناب
تحشمك هل مسيه يابو فاضل
هظيمه مگيده اختك يعباس
يجتفوها هظيمه بل سلاسل
واحد ابيده يشمرها اعله واحد
الدمع منها صبح عباس سايل
تريدك انت تحضر ليها وتشوف
الشمر اشكد عليها احقاد شايل
يا مسبيه صارت مثل ام عون
وحيده وللضعن صارت له كافل
بت حيدر علي مهيوبه عباس
هاي اختك يغالي يا ابو فاضل
••••••••••••••••••••••••••••••••••••
✍️خادم زينب الشاعر مصطفى النائلي

على الدنيا العفه بعدك يعباس
يخويه بذبحتك داروا عليه
وحيد وظل ظهري حيل مكسور
تمنيت اوياك تلفيني المنيه
اني حسين اخيك جيت أحاچيك
عگب موتك يخويه منهو إليه
واسمعك من صحت ادركني مولاي
طحت اعله النهر گطعوها اديه
وابعاشر محرم تدري يا عباس
هضيمه تنفجع بنتي رقيه
تشاهدني ذبيح او راسي مطروح
تهيم او تنحني بلهفه عليه
واختنه الحرره صعبه تدري مچتول
او عگبك تمشي يالكافل سبيه
دخيلك خويه ارجع لينه لحظات
حته ترد روحي يا گمر بيه
او اضلوعي انحنن يا خويه هاليوم
او حگها إعليك تبقه الروح محنيه
•••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

اليوم الأكبر ياعلي حل يومه
إلفعله تشهد هالمسيه الحومه
••••••••••••••••••••••••••••••••••••
إله تشهد لامته وهاي الحرب
من يطبها الحومه يگلبها گلب
هذا ابن حسين حاشه ينغلب
بالطفوف اليوم اقره اعلومه
••••••••••••••••••••••••••••••••••••
بالطفوف اليوم تشهد صولته
بيه شمرت حيدره من ميلته
ليله الأكبر بالحرب من شافته
ظلت اتنضره او تشوف ارسومه
••••••••••••••••••••••••••••••••••••
ظلت اتعاين اله اوچن تبتسم
شلون برض الطف يطشرها الزلم
امنيه عدها قبل جان وحلم
تشوفه يذبح بالعده المعلومه
••••••••••••••••••••••••••••••••••••
غيرة الكرار بيه من الزغر
علي الأكبر هذا تربات العمر
ليله صاحت يبني ناذرتك نذر
وهاي ساعات الشدد معلومه
••••••••••••••••••••••••••••••••••••
علي الأكبر طاح يا وسفه انجتل
او ليله كام اتصيح والمدمع همل
صولتك صولة علي ذاك الفحل
وللعساچر درس تنطي ادمومه
••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي

مهيوبه العقيله…..... مهيوبه العقيله
&&&&&&&&&&&&&&&&&&&&&&&&&&&&&&
ياهو گال الحره مذلوله اجت
هاي زينب بالشجاعه توصفت
هاي ماينشاف ضلهه لو مشت
على ذلهه شكد أميه حاولت
رغم رحله الطويله...... مهيوبه العقيله
&&&&&&&&&&&&&&&&&&&&&&&&&&&&&&
هاي بت حيدر و حقها تفتخر
علمت كل النساء اعله الخدر
فضحت ايزيد وزمرته بالقصر
خطبت وجان الوضع كلش خطر
رغم ماهي نحيله…….... مهيوبه العقيله
&&&&&&&&&&&&&&&&&&&&&&&&&&&&&&
عافت بطف كربلاء كل الزلم
واعله اهالي الشام شدت العزم
او بحچيها الكون كلهه والنعم
سور اميه كام يبدي ينهدم
عالناكه الهزيله……. مهيوبه العقيله
&&&&&&&&&&&&&&&&&&&&&&&&&&&&&&
هيبة الحره ابد ما تنوصف
حرمه وحده بس يعدوهه بألف
من حجه وياها النذل صاحتله قف
عليكم اني اليوم اهدم هالسقف
ابحر دمهه وغليله….…... مهيوبه العقييله
&&&&&&&&&&&&&&&&&&&&&&&&&&&&&&
بزود ابو فاضل ابد ماتنولي
هاي بت طه النبي وشمعة علي
مكيده ومافاركت راس الولي
يا ملائكة السماء اتنزلي
للتكفلت العيله………. مهيوبه العقيله
&&&&&&&&&&&&&&&&&&&&&&&&&&&&&&
الى خادم الحسين وخادم اهل البيت (ع)
✍️الشاعر مصطفى النائلي

إجه عاشور خلينه إنتحضّر
لأن ابهالشهر تحضر الكوثر
أو يظل موقفنا ثابت بس للحسين
بغير حسين واحدنا إيتكبر
ومن طبع الخدم عدها تواضع
ابهالخدمه يظل شاهد المنبر
وبهاي الخدامه انوضح اسباب
اليخدم صدگ بالخدمه ايتأثّر
وكون ابهالشهر نبجي ونواسي
حسين وصدره بالحافر تكسّر
وإحنا إخدمته عالعهد باقين
وگلب كلمن يحب بيها تفطر..
✍️كلمات خادمكم : مصطفى النائلي

من زغرنه واحنه نعشگ هل خدامه
نخدم حسين السبط راعي الكرامه
العاف نهچ احسين تايه بالحياة
او ابجهنم يخلد ابيوم القيامه
عهد خطينه بدمانه للحُسين
ناخذ ابثاره او نطالب بالضلامه
من اجلنه حسين ضحه بالحياة
او من نضحي ارواحنه ماهو ندامه
عله امصابه بكل وكت ندمي الصدور
او اللطم بالآخره محله وسامه
✍️كلمات خادمكم: الشاعر مصطفى النائلي

مثل هالخـدمه اتْحَصَلْ ﭼـا گلي ويـن
تلـوگ بس لحسين والله الخِدامه
اليخـدم حسين بصـدگ يلبسله تـاج
عالي شانه ايصير ويـزيد احترامه
حسين رايـد واحـد گليبه نظيف
بي ترافـه وبي محنه وصادگ إبفعـله وكلامه
حسين ثـار اعله الظلم والـذله ثـار
حسين گـص إرگـاب عـدوانه بحـسامه
هـاي عِـبْـرَه وكـون يـاخذها الحليـم
وكـون تتنـاثـر علـه الـذلّـه سهامـه

الدنيه لومه حسين كلي أشبيها
ندري رب الكون ألــــه أمسويها
&&&&&&&&&&&&&&1&&&&&&&&&&&&&&&
لومه حــــب حـــــــسين دنيانه عدم
الأسم أبو الأحــرار صرنه أحنه خدم
كل سنه بعــاشور نرفـعله علـــــــــــم
وربنه خــــــدامه ترى أمعليها
&&&&&&&&&&&&&&2&&&&&&&&&&&&&&&
ونعتقدها الخدمه عز ومفخره
خــــدمة الطاهر وأبن الطاهره
نضل أحنه أوياه دنيه أو آخره
أبكل زمن هالكلمه هم نحچيها
&&&&&&&&&&&&&3&&&&&&&&&&&&&&&&
ابكل زمـــــــن لحسين نكتبله عهـد
احنه شيعه او حاشه نخلف بالوعد
حــــسين دين او صـار هو  المعتقد
شيعته او حگ  يفتخر هم بيها
&&&&&&&&&&&&&4&&&&&&&&&&&&&&&&
شيعته وحــــگ يفتخـر  بهل الوفه
حسين حبه أتعرفه اهـــــل المعرفه
بمجلس حسين أنخلق معنى الشفه
او فاطمه ابهذا العزه ايواسيها
&&&&&&&&&&&&&&5&&&&&&&&&&&&&&&
من نواسيها نحـس عشنه العمر
وما نعوفه ونبقى نلطم عالصدر
حسين علمنه شنو مــعنى النصر
وكل حوائجنه أبنصر يگضيها
&&&&&&&&&&&&&&&&&&&&&&&&&&&&&
الى خادم الحسين وخادم اهل البيت
✍️الشاعر مصطفى النائلي

راح عباس راح عباس راح عباس يزينب راح عباس
&&&&&&&&&&&&1&&&&&&&&&&&&&&
آه يا زينب يخيتي راح عنه الغالي
اعله الشريعه ابو فاضل طاح اشوفه اگبالي
بزوده چان البشر كله ما يشوف اخيالي

راح عباس راح عباس راح عباس يزينب راح عباس
&&&&&&&&&&&&&2&&&&&&&&&&&&&
شلون طايح ابن حيدر هذا راعي الغيره
عافچ الكافل يزينب طحتي بعده ابحيره
هالمصيبه علينه كلش يعباس اجبيره

راح عباس راح عباس راح عباس يزينب راح عباس
&&&&&&&&&&&&&3&&&&&&&&&&&&&
هذا اخويه يا هضيمه مگطعات اچفوفه
طاح ظامي اعله الشريعه والعيون تشوفه
بالعمد عباس وسفه هامته مخسوفه
راح عباس راح عباس راح عباس يزينب راح عباس
&&&&&&&&&&&&&&&4&&&&&&&&&&&
چانت اتخوف خزرته لو خزر بعيونه
هذا اخوي وانه اعرفه واشحلات امتونه
والعساكر من يطبها حگهم يهابونه
راح عباس راح عباس راح عباس يزينب راح عباس
&&&&&&&&&&&&&&5&&&&&&
گمر هاشم طاح وسفه وهوه حامي لوانه
انزرف جوده وبده مايه وكطعو ذرعانه
ردته يرجعلي يزينب يختي والله ويانه
راح عباس راح عباس راح عباس يزينب راح عباس
&&&&&&&&&&&&&&&&&&&&&&&&&
الى خادم الحسين وخادم اهل البيت
✍️الشاعر مصطفى النائلي

لحسين نمشي وحاضره اويانه
الزهره الزچيه او دوم ترعانه
•••••••••••••••••••••••••••••••••••••
لزيارتك كل عام نحييها
ابممسانه او الزهره نواسيها
او بكربله ننصب تعازيها
خدامها او ابداً متنسانه
••••••••••••••••••••••••••••••••••••••••••••
هاي التعازي حبكم اتظهره
بالأربعين او تعلن النصره
للثار تلهب بالگلب چمره
وللمهدي كلنه اليوم عوانه
••••••••••••••••••••••••••••••••••••••••••••
نهتف يبو اليمه يوالينه
راياتنه اترف او مواضينه
رهن الأشاره بأمر مهدينه
وننتظر يمته ايصدر اعلانه
••••••••••••••••••••••••••••••••••••••••••••
هاي الزياره گرب موعدها
او الخدم تنتظرك يقائدها
مشتاگه والدمعه عله خدها
او تتشرف ابشوفتك مولانه
••••••••••••••••••••••••••••••••••••••••••••••
او بحضرتك نصرخ يبو اسكينه
يمته الفرچ يحسين ملينه
يمته يكحل العين مهدينه
للأبد تبقى هاي دعوانه
••••••••••••••••••••••••••••••••••••••••••••••••
إلى خادم الحسين وخادم اهل البيت {ع}
✍️الشاعر مصطفى النائلي

عمه اسياط الشمر بمتوني
اليوم وافاني الأجل يعيوني
&&&&&&&&&&&&&&&&&&&&&&&
اليوم وافاني الاجل ابهالمسيه
عمه يا زينب اجه يوم المنيه
ابياوكت عمه اصبحت انا سبيه
طفله ما احمل عذاب الغاظريه
يم ابويه احسين اتدفنوني
اليوم وافاني الأجل يعيوني
&&&&&&&&&&&&&&&&&&&&&&&
يم ابويه حسين ريت الدفن وياه
لچن مجبوره اموت انه بلياه
يامحنه ويادلالي المكدر انساه
سلبوا مني تراچي وسفه اعداه
اعله المتن يا عمه هالطگوني
اليوم وافاني الأجل يعيوني
&&&&&&&&&&&&&&&&&&&&&&&
حيل مشتاگه لبويه والجفن هام
لفت اعليه المصايب وضيم الأيام
اني بنت حسين زحمه ادخل الشام
ابنص خرابه يا هضيمه يتامنه تنام
ابد ما غمض ترى اجفوني
اليوم وافاني الأجل يعيوني
&&&&&&&&&&&&&&&&&&&&&&&
گلبي من بعد الغوالي صار مكسور
بكربله عفته رميه الوالي مغدور
عمه يجرحني شفت هذا عاشور
الحزن بعيوني شفته صاير يدور
بالهجر عگب الأبو خلوني
اليوم وافاني الأجل يعيوني
&&&&&&&&&&&&&&&&&&&&&&&
بالخرابه اليوم احس حانت منيتي
اسمع اتناديني رقيه شو مشيتي
هيج وبلحظه رقيه انتي انتهيتي
سهام بس نكبات من لطف هديتي
ابهالجرح يا عمه هالكسروني
اليوم وافاني الأجل يعيوني
==========================
الى خادم الحسين وخادم اهل البيت {ع}
✍️الشاعر مصطفى النائلي

اليوم ظلمه الدار بغياب الحسن
غابت انوارك وشمعاتك طفن
••••••••••••••••••••••••••••••••
طفن شمعاتك يبو محمد شفت
ردت ترجع الي لو لحظه ردت
اكبالي جبدك صار خويه بالطشت
ريت عمري اوياك يا خويه أندفن
••••••••••••••••••••••••••••••••••
جـــبدك اتــفطر اتــنازع بالالــم
نعشك ادري ينرمي خويه بسهم
لجن باجر وحدي أبقه ابلاخــيم
وتهجم اعلينه يغالي اهــل الفتن
••••••••••••••••••••••••••••••••••
غــاب نـــورك عني لا لا مو سهل
على افراگك خويه لتضن احتمل
اشلون باجر بــيه لو أصعد هزل
وحدي أبــقه ومن يــباري للضعن
••••••••••••••••••••••••••••••••
سره السم بجسمك وهذا صعب
خويه وفـراگك كسر بيه الگلب
تروح اختك يبو محمد وي غُرب
تمشي والعدوان تــــضرب بالمتن
••••••••••••••••••••••••••••••••
يــبو محمد حــيف ممــرود الجبد
اليوم يذبل يل الحسن عطر الورد
لان انــته اليوم رايــح مـــا تـــرد
وســفه يا وســـفه غدر بينه الزمن
•••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي