tgoop.com/xcrhyhvfewfhjkbqhj/16114
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
#قصيده كأني بلسان حال مولاتنا أم البنين عليها السلام... تقرأ بعدة اطوار
ما رجعو شلون... بس تبجي العيون
موتني الفراك ... يمته يردون
ليلي ..ليلي
متغطي بجروحي
ويلي .. ويلي
عافوج ياروحي
بلفركة حيل استعجلوا يمته يرجعون
➖➖➖➖➖➖➖
ما شايفه النوم ...مسهرتني الهموم
من يوم راحو الولد...كلبي ملجوم
كل هاي الدموع ... و الوادم تلوم
نامي ..نامي ..مو كافي ياعيني
سهرج..سهرج ..ليلج ياذيني
هو شبقالي بهل العمر
بفراكهم كلشي نهدم ومايعودون
➖➖➖➖➖➖➖
ياسهم الغياب...ذابحني المصاب
اربعه مني ارحلو..والجرح ما طاب
مر بيه يلموت ...عافوني الاحباب
غالي ..غالي ...نتوادع وياهم
حالي .. حالي...ابجي على فركاهم
دفنوني يمهم لو متت
يافركة احباب المشو.. وشلون بشلون
✍ #عـلــویــه_ام_فــاضل
➖➖➖➖➖➖➖
من الفركه اعاني ظليت اتاني
اولادي ترجع بالعجل آ يا زماني
ايداوون طعنات الدهر لبسهمه رماني
صعبه صعبه أفراك الاولاد
عتبه عتبه قلبي ألهم أزداد
تحركني يا نار الهجر
والروح ما تحمل بعد يمته يعودون
➖➖➖➖➖➖➖
أتمر الايام وتزيد الآلام
شوفة بنيني ارتجي لو حته بأحلام
امساهره عيوني بقت ما تقبل تنام
دمعه دمعه من جمر تنزل
لوعه لوعه بالروح تكتل
اتمنيت اولادي تجي وخابت الظنون
✍️ #الشاعره ازهار الجياشي
➖➖➖➖➖➖➖
تــمت بعــون اللــہ
بأقلام خادمات أهل البيت عليهم السلام
✍ العلويه أم فاضل
✍ أزهار جبار الجياشي
#غیرمبری الـذمـه الیـحـذف الاسـم الشـاعرات❌❌
https://www.tgoop.com/xcrhyhvfewfhjkbqhj
BY خادمة أهل البيت عليهم السلام الشاعره أزهار جبار الجياشي لنشر القصائد المشتركه
Share with your friend now:
tgoop.com/xcrhyhvfewfhjkbqhj/16114