انا أبكي مع العالم ولكن بليا صوت
ولو تدري أمي عن طواريي ما نامت

انا من كثر ماخفت مما يسمونه موت
أصلي صلاه الشكر لا من شفتها قاامت

ماني على هذي المعاناة مكلوف
‏ وما كان هذي رغبتي وأختياري
‏
‏واقف على سفح المقابيل وأشوف
‏ضوح الحتوف ووقفتي وأنهياري

‏جفت عروق الذاكره خوف وظروف
‏ومنهو يرد من السنين إعتباري .

راحت حياتي بين غربه وملاحيق
تلحق بي الهم الكبير الشحوحي .

غيركم يازين مالي مع الناس محبوب
راهن نفسي وراضي على عذابها

لا استمر غيابكم مخطر كبدي تذوب
ولا يداويها سوى اللي يرمحه صابها

أشهد إنك ماهر في المحبه ومحسوب
غير ماتدرى المخاليص قبل انشابها.

الظاهر أنك مشاور نفسك ومستخير
جاي تبي تقول ما عقب الفراق إلتقاء

عزّمت تبعد وتتركني لبئس المصير
من بعد ذيك الموده والغلا وش بقاء.

‏تبقى المبادئ ثابته كل الاوقات
‏مانشتري بايع ولا نبيع شاري .

اعتذر واللي لك ان عذرك يمشي
ما يدقق في العذريين الوليف

ما تعودت اترجى و اترشي
لا تهملني وتاكلك الحسايف

الامل مثل الهوى لا طال عشى
وانت بصرك يالغلا وش انت شايف.

يدري ان الحب يخلف هقاوي من هقا
مثل ماتخلف ظروف الزمن بعض اخوياي

فدوتك ما راح واحسب حساب اللي بقا
دام الارض أرضي وباقي سحابك في سماي

الغلا ثلثينه معااتب .. وثلثينه شقا
وانا مشكلتي مع الحب جبت اللي وراي

صدتك من غير سبه عن الوصل محقا
وانت وصلك رش غرا وصوتك صوت ناي

والله ان الحب ماله مع الناس عتقا
كل ماصديت فتره يعود لي بلاي.

-محمد مريبد.

تاركٍ ذكريات ومداهيلٍ من وراي
خاطري فيها وانا ماقدر اعوّد ورا

ليتني لا احتجت لراي ماخذ غير راي
شايب في سوق الايام قد باع وشرا.

مانشد راسي من البعد والحظ الزهيد
غير قلبي هاب والحال منه منطويي

لأن قلبي لك وانا من ملينة حديد
وانثنى عزمي وانا خابر إن عزمي قوي.

لا هو مخلينا نتوب و لا هو منسينا غلاه
عفري كسب فينا ذنوب الله يبيحه من خطاه.

كن في رجلي جبيره وفي صدري سهم
الهموم افواج طلاب والقلب المدير

كل ما فارقت لي هم اصبح لي بهم
تهت في لغزا محير وفي درب عسير.

ضيعتني مثل تكفى في حلوق الرجال
لا سندوها على اللي ماهوب كفولها.

والله أني ميّيس من رجعته من يوم دبر
ودي أدري هو بخير وغيرها ماودي أدري.

راحت سنين التلاقي مشيها مشي الثواني
ما درى عن حبنا الا ظلِ محبوبه و ظله.

‏لاغاب عنك اللي غيابه مصيبه
‏وطالت به الغيبه ولاجابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ما تجي بالغصيبه
‏لو السماء تطبق عالارض من فوق .

راحت حياتي بين غربه وملاحيق
تلحق بي الهم الكبير الشحوحي .

من أمس واليوم والليله وانا أفكر :

وانا من كثر ماأغليك وأحب طاريك
حبيت ديرتك و أهلك وشيبانك.

تذكر هذاك القلب الابيض كيف كان
وتذكر بلطف وطيب كيف يعاملك

اليوم جف من العواطف والحنان
ماعاد مثل اول تجي ويجاملك

اصبح أقوى من كثر صدمات الزمان
و من كتر صداتك و من تعاملك

انا مغادر و أنت دور لك مكان
لكن تأكد ان العفو ماهو شاملك.