واهني من شاف وجهك من قريّب
وسامع صوتك ومتقهوي وقادع

من غلاك من العرب قمت اتهيب
و أنا من قوم يسوون الجنادع

غير قدام اتدانى و اتغيّب
طالبك وادخل عليك من المخادع.

جعلت لك في القلب بيَت
سكنت به مَن يوم جيت.

صاحبك يعطي ع شوفك بشاير
ديرة ما أنتو بها ما هيب ديره

من خذا منكم خفيّات السراير
والله أن يبطي ولعكم في ضميره

لبةٍ ما بين المعنق و الزراير
مثل شمس الصبح قدام السفيره.

ليت الأماني تجيب اللي على بَالي .

هبايب الليل عوقٍ على المشتاق .

عزتي لي ليتني قد دريت اني غديت
كان بعت الحب دام الهوى كله وداع .

هو يدري أن الغلا له سر وأجهار
‏وان الفرح يمكن يجي من رساله.

أخطيت يا خلي وأنا مثلك أخطيت
وما فادني صبري.. ولا فاد صبرك

لا تحسب اني كارهك يوم صديت
قلبي على حطت يدينك .. وخبرك

سويت كل حاجة تجيبك ولا جيت
وش باقي اسوي .. سواه اللّٰه ابرك.

وان طروا النسيان مانيب ناسيك
طيفك معي حتى وأنا في صلاتي.

-

عقب فقده شان حالي وقلتّ دبرتي.

صوته بوسط الفكر كانه صدى داعين
وانا احيان ألبي له ليا صاح ودعاني

الاشواق تفضحني لو إن العرب لاهين
وقلبي على وصله من الحب شفقاني.

يا من تسخر كل امري بأمره
همي وحزني والفرح والمسرات

ما ترحم اللي وسمت فيه عبرة
أشتاق حتى صار به منك لمحات.

من يسلف صمتي الموحش كلام
داخلي فوضى تسولف دون صوت.

كني في صدري من الحزن ليل مقتفيه
الظمأ والجوع والخوف والحظ الردي.

ليت مافي العمر تلويحه كفوف
لا فراق و لا وداع و لا سفر

ليت مايعوق الوصل أية ظروف
لا مسافه و لا أختلاف و لا عذر.

‏حاول تبرر خطاك انا وديّ أسامح .

‏غبت ووجيه الصباحات غاشيها سمار
ما بقىٰ صبح يجيبك عشان أدوره.

انا معك مثل الصالح اللي يبر أمه
على كثر ماسوى يشوف انه مقصر.