والعرب علمهم بي يوم صدري شمالي
والليالي ماقفت به لا يمكن تعيده

هجير الغرام ولوعة الخافق المملوك
‏ثعت في دموع ماقدرت اتمالكها

‏اعرج على الاطلال والمنزل المتروك
‏ومرابي غرام حيها ،، قبل تتركها

‏آنادي بـ صوت الفقد واصد لا طروك
‏وكبدي ضما الهجران والبعد مهلكها

‏آركاب الغلا الي بين عوج الضلوع بروك
‏لاطال المفارق ،، دكّها ،، من ،، مباركها )؛

انا ادري ان المفارق صعب والبعد شين
‏لكن ظروف الحياه اقسى محطاتها

‏استحلفك واحدن بالحب جمع اثنين
‏لا تكرهين الحياه ولا ملذاتها

‏عيشي وابا اعيش من بعدك لو اني حزين
‏في صورتن يشرح الواقع معاناتها

‏ماعندي الا الصبر والله مع الصابرين
‏يا اخر محطات عمري واجمل اوقاتها

ادري انه من كثر ما صار له شايف وعايف
‏ايتعذر كل يوم وغير مقبول اعتذاره

‏ازهمه وانخاه وابغى من الاخبار الطرايف
‏مير ياخذ له ثلاث شهور ما ينطق عباره

‏صايرً همي لغم مدفون فالحدب النحايف
‏ما بقى بينه وبين الانفجار الا شراره
‏ -سفر الدغيلبي

أنا لي ورا نجد العذيّة حشاشة جوف
‏لاهب الهوى من صوبها جيتها كلي .

لا تقول القلب من ماضيه خالي
‏دام ميلات الزمن هذا عجيبه

‏جيت اخيط الجرح واسلى بالتعالي
‏وآآتحاشى كل ذكرى لي صعيبه

‏شفت رمحٍ في ضلوعي ما يبالي
‏وشرهة العاشق على نفسه مصيبه

‏كيف ابضحك مع شعوري فالليالي
‏والسنين الماضيه اكبر ضريبه

‏دوّرو لي واحدٍ يضحك بدالي
‏صارت الضحكه على وجهي غريبه

ما عاد له داعي تجيني ولا أجيك
ما دام رحت وخاطرك طاب مني

يا صاحبي قلبي ترى اليوم ناسيك
خاب الرجا منك وخيبت ظني

ما عاد باقي من تباريحنا شي
‏غير الجروح الماضيه والجديدة

لا صحّ لي من غرايبها تذاويق
‏أبطي ما أحطّ المخدّة تحت راسي

اشهد اني دريت ان الكلام يشاف
‏شوف عيني فمان الله ف عيونه.

أستودعك من جعل حبّك بداية غرام
‏و نهااااااية أنسان ما يدري وش نهايته

‏يا رفيق الروح وش ذنب المحابر ؟
‏كل جرحٍ مر في بالي كتبته

‏في ضلوعي من تناهيدك مقابر
‏و في عيوني دمع في غفلة نهبته

‏كم سريت بجرهد الميعاد صابر
‏يا سرابٍ كل ما عرّض شربته

‏سامح جروحٍ تدارت و أنت خابر
‏إن خسرت الحبّ تقديري كسبته

لي سنه قلبي معنا وكبدي جريحه
‏ولا ابغي الناس تدري ليه حالي تدانا

‏استر الدمع ستر المؤمنين الفضيحه
‏واذرفه لا صفى ليل السهر للحزانا )؛

من باب العدل والإنصاف
‏تقبل ردة فعلي مثل ما أنا تقبلت مرارة فعلك .

ادخل حساباته الي كان مهملها
‏يا نازح البيد بعدك ويش تاليته

‏امرها من بعيدً و تاملها
‏وراقب اخر ظهوره ويش توقيته

‏مرور عودً لذوده في مهاملها
‏ينبها من بعيد ويسرح لبيته .

سلامتك ماعاد ابي منك حاجه
‏لكن قبل ماروح تامر على شي
‏يمكن بعد هذا اللقاء منتواجه
‏ماهو بأكيد الحي بيواجه الحي