يمته يــــــاثار الله تاخذ ثارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

كـــــــــوم ســـــــل بتارك وليها استعد
عدنه ثــــــــــار وثــــــــــارنه لازم يرد
نحرك الهــــــــــجمو عله اديـــار الورد

ولاترحمه الشــــــغل نار بدارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حان وكــــــــت الثار يـــــــابن فاطمه
بعد مانســـــــــكت وحك رب السمه
بالبقـــــــــيع اكبور عـــــــدنه مهدمه

كافــــي نايم بالغــــــمد فقارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

الدم يندهــــــك اكــــــعد ولم الحجي
كافي يوميه عله جــــــــرحك تنتجي
كلي عــــــــــد يابير همك تشتجي

وعدمن مخلي يمهدي اسرارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سنين صـــــــــارلنه الضهورك ننتضر
واحنه منـــــــــتضرين منك بس أمر
الذبحو اهلك مــــــــــايفيدلهم عذر

الطلعتك منتــضره كل انصارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

هـــــد يمن بيك الله جاعــــــل قوته
يابوجــــــــــف المـــــــايثني بسطرته
الحرك دارك كــــــوم واحـــــرك لشته

خل يهب عله الخليفه اعصارك
وتحرك أصحاب السقيفه بنارك


ــــــــــــــــــــــــــــــــــــــــــــــــــــــــــــ

كــــــــــوم ياحيل الله واسرج مهرتك
وخلها فــــــوك امتونك اترف رايتك
بســـــــم ثــــــار حسين أعلن دولتك

وخل تصل سابع سماء اخبارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سيفك اشـــــــتاك اليمـــــــنتك ياالابي
يابو صـــــالح كــــــوم رد ثار السبي
ودوس باجــــــر شكو شارب ناصبي


وخل بذنهم يدك صوت انذارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

ذنــــــــــي ثاراتك وابـــــــــد ماينسن
عيون كـــــــل عاشك الـــــك يتنطرن
بيدك الحــــــــــل والعكد يبن الحسن

بالعدل تحـــكم الباري اختارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ

يمته تشرق شمسك وتضوي الارض
اشكد بعـــــــدلك يبو الغيره وتنتهض
متنه وبجيتك يــــــــــرد بينه النبض

انعيش من نشتم يمهدي ازهارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي 📱

https://www.tgoop.com/y1_7y

بقيعنا مطلبنا
بقيعنا مطلبنا
،،،،،،،،،،،،،،،،،،،،،،،،،
اله ناخـــــــــذ ثارنه ودم الرضيـع
هذا حگ الشيعه والحگ مايضيـع
يجي يوم وتنبني گبور البقيــــــع
وبوصالح بيــــــــــــــــده اليبنيها
،،،،،،،،،،،،،،،،،،،،،،،،،
خلص حدها وبعد ماضل بيها حد
اطلابه هاي وعنها مانسكت بعــد
وعد منك رايـــده الشيعه وعــــد
والزياره مسابـــــــــــــــگ نخليها
،،،،،،،،،،،،،،،،،،،،،،،،،،،
الحسن يستاهل تجيـــــه مشايه
الحسن لاگبـــه عليه لارايـــــــــه
الحسن محد ســـــوه يمه اقرايه
وهاي صعبه وانتــــه تعرف بيها
،،،،،،،،،،،،،،،،،،،،،،،،،،،،
شوكت نمشي الفاطمه وام البنين
غيرهن ماعدنــه بس ذني الثنين
زين منـــه وهچي متحملين زين
وانته تدري گلوبنــــــه شچاويها
،،،،،،،،،،،،،،،،،،،،،،،،،،،،،،
دموع ماضلت بعــــــد بعيونــــه
للبقيــــــــــــع نروح مايردونـــــه
من الزياره الوادم يمنعونــــــــــه
گبور عود شلون نسجــــــــد ليها
،،،،،،،،،،،،،،،،،،،،،،،،،،،،،،،
مصطفئ الصالحي 📱


https://www.tgoop.com/y1_7y

من البقيع اهات حي على الثارات
يابو صالح يابو صالح



يستغيث أرض البقيع الماله اثر
وينه راعي الثار وينه المنتظر
ذمه يا شيعه توصلوله الخبر
للبقيع وثاره خل ينوي السفر

والمثلي يحوي انجوم صعبه ويضل مهدوم
يابو صالح يابو صالح





ذمه يا شيعه لون شفتو الامام
مني ودوله 1000 شوگ وسلام
ليمته اضل گلوله لا گبه ومقام
عني يمته ايزيحه كابوس الظلام

چن كربله ابيا يوم تبنيني يا جيدوم
يابو صالح يابو صالح







ابلا غطه امن الشمس گاعي الطاهره
چني جدك يوم ضل فوگ الثره
كل مسيت اغروب اضل متحيره
چني زينب من مشت متيسره

خيمه انه وسط النار گوم اشهر الفقار
يابو صالح يابو صالح





اليوم نترجاك يا راعي الامر
تشمر امن امتونك اثياب الصبر
تذبح آل اسعود واحفاد الشمر
وبالبقيع الطاهر اتعلي الگبر

تبني الگبب من نور واربع مناير سور
يابو صالح يابو صالح







الهدموها اگبور اجدادك يحيد
تفرح الزهره لون كلهم تبيد
يمته ثار احسين يهتفلك نشيد
عجل اللهم هليوم السعيد

يا رب بجاه احسين ندعي الفرج كل حين
يابو صالح يابو صالح
ــــــــــــــــــــــــــــــــــــــــ
سيد علي عبدالزهره الناجي 📱

https://www.tgoop.com/y1_7y

((الحب بلوغ))


الحُــب بلوغ المرحله
من تمشي ويّ القافله
وتصّــــبح عبد للعائله .. هذا الحُب

الحُــــب عـــــــذابات وألم
وتسجد على اعتاب الخيم
وتعصر ضميــــــــرك بالندم .. هذا الحُب

تبدي المــلامح تكـــبر بروحيتك
ومحبــوبك اتگله بقهــــر حبيتك
هذا العمــر يحسين بيــــدك انته
ياريت عمري يگضي بحسينيتك

ياريتــه ريتـه .. بالحُـــب چويته .. حبيتك
ياريته يجري .. وي دمعي عمري .. حبيتك

ياحبيبي ياحسين ...

""""""""""""""""""""""""""""""""""""""""""""""""'''""""

الحب سجن مـــاله مفر
من تسحگ الجمره بقهر
وبالزوايه اتركنه الدهـــر .. هذا الحُب

روحك حزن من تنتـقل
لو شاهدتّ معصم طفل
متّلون وقــــاسي الحبل .. هذا الحُب

يمشي وخيالك يقترب بوجاعه
ومركب دمعتك يـرتفع بشراعه
هذا الألم محسوب مثـل ايامك
نايم وروحك تلتفت كــل ساعه

روحك تلچـمك .. يالتنسه اسمك .. بحزانك
روحك ضهيده .. وتكتب قصيده .. بحزانك

ياحبيبي ياحسين ...

""""""""""""""""""""""""""""""""""""""""""""""""'''""""

مــــــن يضطرب بيك الگلب
وبمجــلس الحُب مـن تطب
شما تحبس دمــوعك تصب .. هذا الحُب

من تنسرق من فَيّ هَلك
ويبدي السؤال اليسـئلك
جوه الخيـــول الــــدللك .. هذا الحُب

يــــــاتاج تلبس بالـــدمع واتصور
وترسم بريشتّ دمعتك چم منحر
ونحر الطفل ماينرسم بجـــروحك
شما يعتلي سن الرمح شــــو يكبر

عبدالله عالي .. بحب الغوالي .. يتمايل
عبدالله كلمه .. وبحــــبه زلمه .. يتمايل

ياحبيبي ياحسين ...

""""""""""""""""""""""""""""""""""""""""""""""""'''""""

ضم حبك ابير الهجر
ولاتفشي سرك للـيمر
لاتغلط ودوم اعتــذر .. هذا الحُب

بضلوعك واخفي الجـــــرح
وبگلبك وخـــــلي الــــــرمح
وليل الاسى يفضحه الصبح .. هذا الحُب

اتوضه اذا تــذكر عقيلةّ هـــاشم
لتگول اسمها بمسمع المــو وادم
هاي العفيفه وطاهره ومعصومه
هنيالك ومسموح تصـــبح خادم

خادم ذكرها .. وتذكر جمرها .. بلوعاتك
تذكر خيمها .. وتواسي أمهـا .. بلوعاتك

ياحبيبي ياحسين ...

عبد زينب
محمد الابراهيمي 📱


https://www.tgoop.com/y1_7y

#شهادة_الامام_الصادق_عليه_السلام

رسالتنه الرســـــالة العَمَلية
أصلها من علومه الجعفرية
و لجل فقه المجـالس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
شمس المعــــــرفة بين العَوَالم
أمام و چان هم لحسـين خادم
گال ابكل عزه موجـودة فاطم
و هيه أديـر بيديـــــــها المــأتم

هاي الونة گِلـــها سَجِّليها
يم الباب تگعد ندري بيها
و أمامك يَمــها جالس
فتح حوزة و مدارس
من عــــــدها عرفنه نقره لطمية
ـــــــــــــــــــــــــــــــــــــــــ
كُــل (أصل و فرع) ينبوعه منه
و آلاف الكُتُــب مـنقــــولة عنـه
دمعــة وحــــدة گــال و أَكَّـدلنه
بگد جنح البعوضة تصيــر جنه

دَمِعتَك من عله حسينك تهلها
أقل من جنة لتصــدّگ فضلها
أبشروا يالعَـــــــوَابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
مشاعر صادقة الصـــادق كتبها
مجالســــكم يگول شگـد احبها
يطلع خالي مــــن ذنبـه اليطبها
و يلگه شگد كرامة ابنص دربها

يتحول شخـــص جداً مثالي
و بجنح الخِدَامة يطير عالي
مثل طيـــر النـوارس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
يخدام الحُســـــــين أحيـــوا أمرنه
قالَ الصـــــــادق و أحنـه ألتـــزمنه
مجالسهم شـــــــرف بالنســـبة ألنه
و يرخص كُلشي من خاطر شرفنه

أُمَرنه الصادق و گلـناله حياك
و ابلطم الصدر نكحلها عيناك
عله الخـدمة ننـــافس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
عايـــــــش كربله ليـوم التـلاقي
و ابعينه الدمــــــع ما خَلّه باقي
صاحب ذوق و الاحساس راقي
و يحب نقراله بالطـــور العراقي

يسمع كل تفاصيــــل القصيدة
و يعجبه المُستهل كلما نعيده
ثياب الخـــدمة لابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
ثق يا مَنْ عليه دمعــك تِجــاره
عبـرتك هاية عنــــد الله تجارة
رضاة الزهرة حَصِّلها ابجــدارة  
و عِندْ ام الحسن ماكو خسارة 

دگ باب الزچية و گلها رايد
لجروح السبية ادموع فاگد
گلــــــبها بِينه حاسس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
الحمدلله
#علي_حسين_الكناني 📱

https://www.tgoop.com/y1_7y

يا جداه .... جروحي ما الهه شفه امن الناصبية
يا جداه .... تشبه اجروحك  ابدوس الاعوجية
صدرك بحافر تدمه
وبالبقيع اكبور أئمه ..... هدموهه ... هدموهه

.....
ياجد يحسين ... بدموع العين
احجيلك قصة اَلأمي
ابطفك مجموع ... حافر واضلوع
ومنحر مكطوع ودامي

فجعوني جدي ابذبحتك ... واليوم هم فجعوني
اكبور الايمه الطاهره .... هدمو اكبال اعيوني
بين البقيع وكربله .... حاير صرت خلوني

ما انساه ..... يوم طاحت عالارض ذيج المناير
ما انساه ..... عايشه ابروحي مثل صورة العاشر
جسمك امطشرين لحمه
وبالبقيع اكبور أئمه

......
انه الموعود .... ايامي شهود
ما شفت بعمري الراحه
ماظلي احباب  ....  يوميه امصاب
مخلص ايامي انياحه

يوميه ذابحني شمر .... بمصابكم يحبابي
جبت العمر قهر بقهر ... مكتوبي الي بكتابي
ماعندي بيت الاكصده .... فوك الهضم ومصابي

ياهو انخاه .... من اطيحن بالشدد غيرك يجدي
ياهو انخاه ....ماكو واحد كلبه مثلك على المهدي
سري بس يمك اضمه
وبالبقيع اكبور أئمه .... هدموهه .... هدموهه
.....
لا عندي امجان .... لا عندي اخوان
اشكيلك حالي اوضعي
ياجد مكسور .... كلبي العاشور
محتاج اليمسح دمعي

مارحمت الدنيه ابد ... بية يعز من روحي
وحدي غريب ابلا اهل ... خلتني اني ونوحي
والهدمو كبر  الحسن.... هدمو يجد اصروحي

اه واه ...  لا صحن ضلتله لا  ضلتله حضره
اه واه ... وي ترابات اللحد ساووه كبره
بس عطر ظل النشمه
وبالبقيع اكبور أئمه

........
عايش محتار ... وبكلبي النار
بعداي ارد اطفي ناري
كل يوم ايفوت .... يلفيني الموت
يا جدي اتأخر ثاري

كل يوم اليمرني بسنه ... كضيت هاي ايامي
الليل اخلصنه بجي .... والسهر باك احلامي
ثار الضلع ثار النحر ... ثار السبي كدامي

الحيل اذاه ... كلبي صوت ارقيه من اتصيح بابه 
الحيل اذاه ... سبي عمتي زينب بذيج الخرابه
النه ما مسبية حرمه
وبالبقيع اكبور أئمه .... هدموهه ... هدموهه
.......
جيت ابلا روح... شبه المذبوح
يوم العاشر هد حيلي
كل يوم امصاب ... وطولت اغياب
ابتعجيل الثار ادعيلي

كلما اشوفن مقتلك ... بية تشب نيراني
حرك الخيم ركض الحرم .. خلتني اخاوي احزاني
وراسك الشالاه الرمح .... ابجي دمه خلاني

واويلاه .... الكطع منك منحرك كاطع حياتي
واويلاه.... والسلب عماتي سلب ذكرياتي
صور انظر هضمه هضمه
وبالبقيع اكبور أئمه .... هدموهه ... هدموهه
........
جرح الايتام ... واجروح الشام
اكبر جرحين البية
زينب لسوك ... جابوهه بنوك
هزل ويلي ومسبية

ديوانهم عمتي ادخلت ... هاي الي صعبه احجيهه
امكيديهه بحبال اليسر ... شمات تنظر ليهه
اجروحي من طف كربله ... ما واحد اليشفيهه

يا جداه ... لو رجع عمي ونظر حال العقيله
يا جداه ... جا محه الشام ابهلهه ورد عليله
لو يصح يكعد واكلمه
وبالبقيع اكبور أئمه .... هدموهه .... هدموهه
.......
كلمات
✍موسى الخادم 📱

https://www.tgoop.com/y1_7y

آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله

گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه

شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه

عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه

خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه

خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه
**
حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي

ماريد اظل بويه اريدك متعوده انام عله ايدك
والشوفتك عطشانه كلولي موش ويانه
****
تمت
ميثم العمري 📱


https://www.tgoop.com/y1_7y

سا محني مولاي      غرتنـــــــي دنياي
ياحسين
.................................................
ياخذني الوكت مرات ورياء الشهرة يسحرنــــي
وأعيش بعالم النسيــان وأنسى أجروحك أعذرني
وأمشي بلا عقل لا راي ولدروبه الهوى أيجرني
وأرد خجلان يــــــــــم بابك دخيلك سيدي أقبلني
وأوكف وأدك بابك     وأسجد على أعتابك
وأجري الدمع وأشعل شمع
وأشتم هوه أترابك
يانور عيناي
سامحني مولاي
..............................
أهيـــــــــــــم بعالم الخدمة يالمن خدمتك خيري
وأكشخ بين صحبانـي وأسولف وانسى تقصيري
كل ما أحضر المجلس آكابر وأحجي عن غيري
ومن يخلص شهر عاشـــــــــــور تتغير تعابيري
وأرجـــع ألك نادم    ودمع الجفن ساجم
ومن أوصلك أتوسلك
تقبلني ألك خادم
منك ردت هاي
سامحني مولاي
............................................
أجيتك سيدي والروح تتنفس هـــــــوه أحروفك
أجيتك والدمع بالعين يتفايض علــــــى أجروفك
وين أنطي الوجه لا وين أذا بجروحي ما شوفك
أذا تطردني يا مولاي أجــــــــدي أبابك أطيوفك
وكل ما يطب زاير     أركض ركض حاير
أشتم هوه وآخذ ضوه
مولاي وشصاير
يالضاوي بسماي
سامحني مولاي
....................................................
شمـــا أبعد أرد يحسين وأكعد كعدة أمجدي
وأذكر خدمتك مولاي ويجويني دمــع خدي
هـــــوه أنه شنو بلياك شسوه سيدي الوحدي
لولا خدمتك مـــــــا جان هذا الخير ما عندي
يا رحمة يا نعمة     الويه الهوه أشتمه
من خدمتك من نعمتك
خيري يبو اليمه
للخدمة شراي
سامحني مولاي
.......................................................
من أذكر جرح فركاك وأذكر جرحك أتصور
ما عندي طفل عطشان وأتـــــروه بدمه المنحر
ولا عندي أخـــــــو أعله الماي قدم جفه وأتعذر
ولا عنـــــــدي أخت وأعيال حفاي وجرت بالبر
ولا خيل سحكتني    ولا بنتي شافتني
دامي طحت راس ورحت
للشام ودتني
وماشربت الماي
سامحني مولاي
.........................................................
خادم خدمة الحسين
الشاعر
محمد الموالي 📱

https://www.tgoop.com/y1_7y

في ليلة الحادي عشر
عندما جائت السيده زينب إلى الحسين هيه التي تروي قصتها



هوه گلي ياهي انتي
وانه گتله ياهــوّ انته
مــن لمسته
صاح زينب
وسمعت صوته وعرفته

"""""""""""""""""""""""""""""""""""''''''''''''

أَمَــيل بــــالحجر والليل دامس
أضمن روحي من يتعده حارس
هـيه شمـــالها مشيبه النــوارس
من ذبحـــوك شـافــنك تــرافس

گـلي انتي گتله انه
گلي زينب گتله انه
گلــي احچي
گتله شحچي
رگضت الوادم ورانه

"""""""""""""""""""""""""""""""""""''''''''''''

عمت عيني يـورد الزهره ذابل
دگلي چم جرح يحسين شايل
اخبرك فرهــدو كــــل المحامل
وأجيت أمسلبه وباچر هــوازل

هـوه گلي خويه زينـب
وآنه گتله حالك اصعب
نــومتــــهن
وانه اجيتك
ارد اگلك گلبي شيب

"""""""""""""""""""""""""""""""""""''''''''''''

نموت عليك يـالميت علينه
رهمت والحبــل شـدو بينه
اجانه الماي بس لا ماروينه
يحتى الماي هم مــزاعلينه

تراب نحـره وگلت امسحه
وما مسحته خاف اجـرحه
خويه گتـله
شلون ألمك
الصدر صاير طحن رحه

"""""""""""""""""""""""""""""""""""''''''''''''

احچي ويـــاك وتگــلي اليتامه
يـــالمســـلوب راسـك والعمامه
العش محروگ مچويه الحمامه
والحــراس مـــابيـــهم شهـــامه

گتله خـويه گلي اسمعچ
گتله صاحو گلي بسمـچ
خويه عگبك
والله حيــره
وگلي زينب خويه خدرچ

"""""""""""""""""""""""""""""""""""''''''''''''

اشيلن ياكتر يــــالصاير أوصال
هينه اوصالي بس گليلي العيال
اگـله ويــــــاك راح الگلب والبال
وهو يگلي زينب خشنه الاحـبال

تدري بينه من ولونه
گلـي ادري من اجونه
گلـي خويه
كلشي ادري
خويه ادري فرهدونه


عبد زينب
محمدالابراهيمي 📱


https://www.tgoop.com/y1_7y