الليلة وداع ويه حسين
باچر زينب ابلياه
____
ياعاشر عسن لاجيت زينب بيك مهضومه
لاناصر ولاله امعين ويلي حسين بالحومه
اومن المهر من ايطيح مايگدر على الگومه
ويلي والرمل يچويه احاه يبو اسكينه احاه
_
باچر عل رمال ايلوج يحسين اويجر ونه
الف اوتسمع ميه اجروح وسهام اليصيبنه
اوزينب من تصيح ابصوت طاح حسين اشوفنه
اومن العطش ها يحسين ويلي امفطرات اشفاه
__
ها  يم عون اخيهه حسين باچر مايضل يمهه
باچر من تجول الخيل هالموقف يألمهه
ابصدر حسين من ادوس واضلوعه تهشمهه
وصله من قميص حسين حافرهن يشيل وياه
__
باچر لو شمر يدناه ياموقف عليهه ايهون
اويگضب شيب اخوها احسين وايحز رگبته الملعون
دم تبچي السماء اعليه اويهتز العرش بالكون
اوزينب تلطم اعله راس ايحسين واويلاه
_
باچر لو لفاها اليل منهو اليحرس اخيمهه
لاكو حسين لاعباس ماواحد يضل يمهه
باچر چم جرح عدهه اجروح اهواي تلچمهه
مچتوفهه بحبل يم عون واعدها الضعن يبراه
_
مچتوفه ابحبل ياحيف تمشي ابلايه واليهه
اوضلت صرعه ياهالناس فوگ الغبره اهاليهه
وامخدرت هاشم هاي شو مسبيه تاليهه
تصد للرض النجف واتصيح بويه ياعلي اوتنخاه

للشاعر
ابو عبدالله الشمري

https://www.tgoop.com/y1_7y

يگولون زينب طلعوها... وحرگو گلبها برأس اخوها
===========================
لمن طاح ابو اليمه وعلمنا
لفا الجيش واجه يفرهد خيمنا
يسب گام ابونا ويشتم امنا
قرابة محمد  مارعوها
========================
ركضنا بكثر ما بينا من حيل
ورانا غدت تتراكض الخيل
يسحگون بالأطفال المداليل
بالسياط حرمكم روعوها
=======================
سمعنا اذى  ومر المحاچي
يتاماك ترى شبعن بواچي
رقيه خذو منها التراچي
يجرون باذنها وألموها
========================
شمرهم شفت من عنده الأعجب
ولا له غرض والجيش ينهب
يگلهم ادور انه على زينب
غنيمة حربكم تاخذونها
======================
الفلا هاذ وركضته وجدمي حافي
كتر نار عباتي وكتر طافي
والسياط كلت ظهري وچتافي
ركضت واختكم تعبوها
======================
الشيخ رعد الزيدي

https://www.tgoop.com/y1_7y

يا خيل كافي من الاخو عوفنه
ما ظل عظم بي سالم تسحگنه
عوفنه  عوفنه
::::::
ما عافته خيول العده      ظلت تروح وترجع
بالخيمه اختك جالسه   كسرة عظم گمت اسمع
عوفن حسين شگد صحت  بس صيحتي ما تنفع
حسين روحه من السحگ   من جسمه ظلت تطلع
شلون نسحگ بالخیل باب الجنه
::::::
مو بس تره جسمه انسحن   داسن عليه بعيونه
اثكال حذوات الفرس   كسرن حتى سنونه
ما يگدر يشيل الچتف   منسحن عظم متونه
حسين مطشر وذر      وين اهله ويلمونه
الزهره خلها تزيد حيل الونه
::::::
ما اعرف شگد الزلم       كلهم عليه من هدت
حسين من كثر الضرب       عافيته كلها تبدت
شلون اعله سبط المصطفى   هالزلم كلها تعدت
والشمس وياهم صفت   عن جسمه لا ما ردت
ما شرب ماي حسين بي يتهنه
::::::
شفت الشمر يم الاخو    من الخيمه عيني تلمحه
فوك الصدر جالس شفت  وبسيفه ظل يذبحه
الليل لا يطلع بعد         ما دام ذبحو صبحه
بيده ورفع راس الاخو   وانوب شاله برمحه
الشمر يم حسين ظل يدنه
::::::
سبعين الف كلها اركضت    مطروح ظل فوگ الگاع
حسين من كثر الدبچ        ما ظلت بجسمه اضلاع
جيت اركض انه ودورت   ما ادري من جسمه شضاع
من كل كتر ظل يلجم       الجسم متروس اوجاع
شفت السيوف اعليه صارت حنه
::::::
تسعه الاصابع شاهدت    بس خنصره ما شفته
ضليت ادور بالارض        ما شفته من دورته
جبت الحصيره وگمت الم   وذره بوذر جمعته
  ضيعني بسنين الغرب    بهالحاله هم ضيعته
لو بيدي ما ابتعد ابدن منه
::::::
علي جبار الكعبي
الفاتحه لوالدي
#جديد_محرم_الحرام_
https://www.tgoop.com/y1_7y

يا مايله الدنيا وي زينب
**
ابجروح گلبي اتعذبت وبروحي حيره
والعايشه  اسهام الغرب  اختك اسيره
ردت   فزعت   كافلي   شيخ العشيره
تريد زينب  يخوتي    كل عنده غيره

يا مايله الدنيا وي زينب
***
محنيه وآهات الهضم تشرحهه الأحزان
رجعت  يخوتي  كربله من  دون  خوان
يسبوني يردون الغرب والحسره عنوان
مهضومه  زينب  حشمت ياگمر  عدنان

يا مايله الدنيا وي زينب
***
مهدوم حيلي بالهجر  والحسره  بيه
واهموم   گلبي اتزاحمت يوم المنيه
لسه  وبعدني بحيرتي  زينب  سبيه
والشام ماخذ  نحلتي تبچي الزچيه

يا مايله الدنيا وي زينب
***
مرمرتني الدنيا خويه وشوف حالي
حال  الغريبه الحايره من دون والي
راحو احباب اشكثر من عندي غالي
احسين يجرحني الدمع طول الليالي

يا مايله الدنيا وي زينب
***
ذبحتي  بالطف  عشتهه طول السنين
والمصيبه الحنت ظهري عمري خميس
زينب     انه    ويني   وين   الدواوين
ردت يم  حجر المنيه  يحضر احسين

یا مايله الدنيا وي زينب
***
تمت بعون الله تعالى الشاعر_يوسف_الفتلاوي
#جديد_محرم_الحرام_
https://www.tgoop.com/y1_7y

تدرون لو ما تدرون
ام عون وادور عون
يخوانها .. يخوانها
................................
فوك الهزل بت حيدره وابلا محامل
مسبيه تمشي وي الغرب بعد ابو فاضل
ام الدلال ام الخدر وما عدها كافل

عالنوك زينب عالنوك
وللسوك طبت للسوك
يخوانها
والغرب بيها يحدون
ام عون وادور عون
يخوانها
...................................
تمشي وي جتال الاخو هاي المصيبه
والكفل ضل عالمشرعه بله شيجيبه
من ديره ولديره الضعن صارت غريبه

كفال ما كو كفال
والبال مشدوه البال
يخوانها
وبالسوط زركه المتون
ام عون وادور عون
يخوانها
..................................
عباس من حر الشمس كلبت عباتي
وبالسوط جايبنه الشمر انه وخواتي
ياريت يمك عالنهر خلصت حياتي

الموت اهون الموت
ولا بين شماته تفوت
يخوانها
نبجي وعلينه يضحكون
ام عون وادور عون
يخوانها
.....................................
محتاجه فزعتكم الي يا اهل الحميه
عباس باجر للقصر ادخل سبيه
وبين الزلم لمن اطر بحبال اديه

يا حيل يبقه يا حيل
وبزينب الناس اتعيل
يخوانها
جا وين حامي الضعون
ام عون وادور عون
يخوانها
...................................
ابو حسن الجعاري
#جديد_محرم_الحرام_
https://www.tgoop.com/y1_7y

حسين اه .... حسين اه .... حسين اه
.....1...
محبوبي انسلب.. محبوبي انصلب .. محبوبي بتعب ..
مات بكربله
مكطوع النحر ... مكسور الظهر ... مصيوب بحجر ...
مات بكربله

ما جنه ابن طه الرسول المؤتمن
دارو عليه ديرت مخانيث الزمن
بالاعوجية صدره رضو وانطحن
عين الفواطم عالجراله دم بجن

على الغبره .... وكع متخضب ابدمه
على الغبره .... وعليه كل العده محزمه
على الغبره .... يصيح بصوته يايمه

حسين اه .... حسين اه .... حسين اه
....2....
اول منذبح ... ما هم بالذبح .... وابراس الرمح
راسه المنكطع
دمه اعله الترب ...من نحره يصب.. وابأيد الغرب
راسه المنكطع

جارت على ابن امي نواصب كربله
من عنده ما خلولي كلشي الاحمله
راسه بكتر جسمه بكتر ظل بالفله
من الله لا ينطي الشمر لا حرمله

خذو مني ... حبيبي الاغله من روحي
خذو مني ... دواي اليشفي اجروحي
خذو مني ... ضحكتي وما خذو نوحي

حسين اه .... حسين اه .... حسين اه
......
....3....

عالتل حايره ... اعيوني تناظره ... حزو منحره ...
رد اجواب الي
من طولي طحت... يبن امي صحت ... عايش لو متت
رد اجواب الي

انجانك عدل ارفعلي أيدك يا ترف
خليني اصبَّر روحي واعيوني الترف
بس جاي اشوفن ماخذك حيل النزف
ماظل نفس بيك الاجيه خويه زحف

صحت خوية .... شنهو اليوجعك كَلي
صحت خوية .... اموت اوياك احسلي
صحت خوية .... وراك الحيل ما ظلي

حسين اه .... حسين اه .... حسين اه
....4....
باكو ضحكته .... ساعت ذبحته ... روحي اتلكته
مدمعهه اليصب
جم صوره ألي ... وحدي ابلا هلي ... واعيوني اتهلي .... مدمعهه اليصب

شفت اشكر لوعات انه ابهذا العمر
بس ما علي مرت مثل ذاكه الظهر
روس وجفوف امكطعه شفت اشكثر
وخيل وخيام امحرَّكه ونار وجمر

شفت كلشي .... ما شافت كبل عيني
شفت كلشي .... خفت من عنده بسنيني
شفت كلشي .... بالعاشر ايأذيني

حسين اه .... حسين اه .... حسين اه
.......
✍️ كلمات : موسى الخادم

https://www.tgoop.com/y1_7y

ضرب سهم المثلث گلب الحسين
وأبد لتظن بعدها گلّ بلا حسـين
شلون وشمر نادى گلبي الحسين
يخيل وحـيل ركـي أبـن الزچيه
.
عمت عيني عليك يا ابا عبدالله
.
آجرك الله ياصاحب الزمان

حسن الموالي الفاطمي

https://www.tgoop.com/y1_7y

سبع استغاثات استغاث وداير العين
اولا زلمة رف گلبة وفزع ويلبّي الحسين

نسوانه صاحن بگفاه .. لبيك يا داعي الله
__
بالاستغاثة الاولى عطشان وصاح..هل من مناصر
بالطف رگب مفصولة مابيها ارواح..والدنيا عاشر
من الصبح للظهر واگف ماطاح .. وبروحه حاير

هزت نسوان الطف غيرة
وطلعن من اخيمهن فزعه

ودّن حته الطفل اليرضع
من سمعنهّ ايفزّع ربعه

من وشل الطف بالزلم نسوانه طلعن
مامش جهاد اعله المرة بس هنه فزعن

طلعن يلبن وياه .. لبيك يا داعي الله

__
ثاني استغاثة ايفرع اعليها الراس..والصخرة تعرگ
من شاف ابو فاضل حدر خيل الناس ..وچفوفه تزهگ
بچف الحسين ايفور دم العباس..وانفاسة تشهگ

كض خاصرته وطب للخيمة
طاح وطيح خيمة گلبة

وطلعتله اسكينه وصاحتله
موش احسين الما يتلبة

غيمة سواد اعليه اجن واسم الله صاحن
گاللهن اگفاي انذبح وبصفّة طاحن

الما حِبه ساحگ فوگاه .. لبيك يا داعي الله
____
بالاستغاثة الثالثة ايدور وين.. ربعه الذبايح
لوجه الله مامش واحد ايغيث حسين..عالغربة صايح
اگعد حبيب وانده اعله السبعين ..حته انت طايح

اگعد جون اگعد يا عابس
عفتوا احسين بعازة صاحب

انتم حاجب عيني ورحتو
وشتفيد العين ابلا حاجب

و اهنانه دم الغيرة هز طارف جثثهم
صح حلوه فزعات النسه لكن تغثهم

صاحولة يل ما عفناه .. لبيك يا داعي الله
———
بالاستغاثة الرابعه وعجّت خيل..والجو تترب
گام امن الفراش العليل ابلا حيل..للخيمة گرّب
صاح الحسين وظهرة يعدل ويميل..رجعيي يزينب

ابلا معصوم اتظل الدنيا
رجعي السجاد لعايلته

واعيتك يحسين اتأثر
حته البي علّة محركته

صوت الضحك من النهر واصل للاخيام
صاحولة يحسين الوحيد ايريدله ازلام

امن السبعه صوت اتلگاه .. لبيك يا داعي الله


____
بالاستغاثة الخامسة بصدرة ارماح..والشفه حمرة
طب السهم حلگ الاحسين ومن طاح..طاح اعله ظهرة
طفلين طلعوا فزعه من الذباح .. صار اعله صدرة

الطفل الاول امه اتشوفة
من ذبحوه والموقف جاسة

الطفل الثاني انگطعت ايدة
بصف احسين امطيّح راسة

چم زلمة يسون ذني اليودن بزرهن
طلعن ولكن بالخيم شدن خدرهن

الزارعله موقف حياه .. لبيك ياداعي الله

____
للاستغاثة السادسة ايريد عيون.. تمطر بواچي
للمذبح اعناية اركضت عنوه ام عون ..گوه تحاچي
يحسين مو للسحگ سوه الله امتون .. بس للخواچي

الما ينشافون يشوفها
الصاحت لبيك ومختنگة

الما تطلع بس من تتوضة
فزعتلك فزعة محترگة

بالاستغاثة السابعه امن انگطع نحبه
كل كائن بذاك الوكت لجروحه لبَّه

ما تعمه عينه اليلگاه .. لبيك يا داعي الله
—————-
علي هادي الخزعلي
#جديد_محرم_الحرام_
https://www.tgoop.com/y1_7y

ويلا يزينب ويلا
ويلا يزينب ويلا
،،،،،،،،،،،،،،،،،،،،،،،،،،،
حرگو خيام النســــــــــوان يهل الرحم طفوها
واخت ابو فاضل وحسين وادم غـرب شافوها
جدام خلگ الله ام عــون حافي الضهر مشوها
تدرون لو ماتــــــدرون ام الخـــــــدر شتموها
گومو لختكم گومو      دارو الغربه اعليها
گومو لختكم گومو     مامش زلم تحميها
،،،،،،،،،،،،،،،،،،،،،،،،،،،،،،،،،،،،
اسمع الناس يگولون حصتنــه هاي النسوان
وولهن اخت العباس مادام ماعــــدها اخوان
يم الخيم ويصيحون طلعو خوات العطشان
شصير زينب يحسين للغربــــــه لو للرضعان
فزعه ينايم فزعه.    لحــــگ عله بنياتك
فزعه ينايم فزعه.    راوي الزلم صولاتك
،،،،،،،،،،،،،،،،،،،،،،،،،،،،،،،،،،،،،،
همزين كلكم ميتيــــــن يحسين ماشفتوني
بحبال خشنه وكلساع مـــــن يمكم يمروني
والتهضم وتوجع حيـــــل بسياطهم طكوني
حيهم صحت وتمنين عدليــــــن وتسمعوني
كلفه يهاشم كلفه.     فوگ الهزل مچتوفه
كلفه يهاشم كلفه.    بتكم تطــــب للكوفه
،،،،،،،،،،،،،،،،،،،،،،،،،،،،،،،،،،،،،،،
مفروض زينــب ترتاح ماتنوخـــــــذ مسبيه
مو حالي ماحال النـــــوگ مانستراح شويه
حفاي نگعد ونگوم هــــــــــــــذا العمر تاليه
علويه شدو يحسين خويـــــه بضهر علويه
چاره لختكم چاره.     يهل البخت سولي
چاره لختكم چاره.    بلك الله وتگومولي
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
لچمة العاشر
#جديد_محرم_الحرام_
https://www.tgoop.com/y1_7y

بعد العاشر من محرم


     
      شكراً خلصت العشره
        گالت فاطمه الزهره
      كـلمـن يـذكـر اولادي
      باچر حيدر ايحـضره
              :::::::::::::::::::::::    
ماجور اليشاركني ويشيل الهم
جـزاه الله خير اليوگف ابماتم
اليطبخ واليصب الماي ومحزم
واليلطم علينه وصدره ينزف دم       
     كل واحد بچه اعله ابني
             يوم الشده يطلبني
                   باچر أمه يحسبني
         كل واحد نذر عمره
          :::::::::::::::::::::::::
كل خادم يهل ادموعه وي زينب
حيله امن الحسن وحسين مايتعب
خدمتكم عليهه الناس تتعجب
يطلع من وسطها النار لو تلهب
اجيه ابليلت الجمعه
    من خده امسح الدمعه
             وصيرن بالقبر شمـعه
    اشيل الضلمه من قبره
           ::::::::::::::::::::::::::::
الينصب چادر اعله حسين مايخسر
يزود الخير عنده وموكبه يكبر
ندعيله الجليل ايحرسه من كل شر
هـذا الـمـايهـم بـيه البرد والحر
كل خادم نسجل أسمه
     تجيه من العرش نعمه
          حبيب الحيدر يقدمه
     وياه كل وقت يبره
             ::::::::::::::::::::::::::::::
شكراً شيعتي يامن جزيتو الحد
خدمتكم أبكـل عاشور تجـدد
علئ زينب وخوها لابسين اسود
جمرتهم تضل للموت ماتبرد

جمرتهم تضل تسعر
   شيعتنه اعله ابوالاكبر
           الصادق گالهه وكرر
    لفضها امرار مو مره
         :::::::::::::::::::::::::::::
ياخـدام مـا ينساكـم المـرسل
نشفعلك يمن تبچي علئ المقتل
خدمتكم ابيوم الحشر تتسجل
الخـادم بالقيامه يصبح امـدلل
نساء ورجال نكتبهم
      ننفذ كل مطالبهم
           الله لا يعـذبـهـم
حبيبه المصطفئ يقدره
               :::::::::::::::::::::::::::
فاخر علي الشبيبي

https://www.tgoop.com/y1_7y