tgoop.com/ya_katealkafen/56606
Last Update:
قصيده للاب بثواب الامام علي عليه السلام
وينك يبعد الروح
گلبي يون مجروح
فراگك عمه عيوني(2)
❈━━━❁°••°❁━━━❈
ذبلانه بويه وشوفتك مثل العذب ترويني
ياعشگ روحي ومنيتي يادنيتي وسنيني
مجروح گلبي بغيبتك بس انته التداويني
دمعي من الهم والالم ينزل مطر من عيني
ماينگطع مسفوح
گلبي يون مجروح
فراگك عمه عيوني(2)
الخـ✍️ــادمه ام زيد الشمري
❈━━━❁°••°❁━━━❈
مشتاگه اشمن ريحتك عطرك دوه الكل عله
جرح الگلب كلش كبر يابويه منهو ايشله
عميانه من بعدك اظل دربي أنه مااندله
من ضيمي مليت النفس بس نوحي ابد مامله
زايد عليك النوح
گلبي يون مجروح
فراگك عمه عيوني(2)
✍️ام محمد تقي الموسوي
❈━━━❁°••°❁━━━❈
اشتاگيت لايام السمر يامحله ذيج الگعده
راحت غفل مني بعجل والوكت مر وتعده
ماكو بحنانك يالابو شخصك الي شيرده
عنت عليه شوفتك اعليك الگلب مايهده
حملي يظل مطروح
وگلبي يون مجروح
فراگك عمه عيوني (2)
أم صــــ✍️ـــــادق المنصوري
❈━━━❁°••°❁━━━❈
يا والدي وبروحتك ظليت اون بحسره
تهمل عيوني لفرگتك ابچي بالم وبعبره
من رحت عني يالولي گلبي الفگد شيجبره
انظر مكانك والصور ودموعي عالخد تجره
عن بالي ابد متروح
وگلبي يون مجروح
فراگك عمه عيوني(2)
📚🖌️ام زهراء
❈━━━❁°••°❁━━━❈
حملي يبويه بغيبتك مطروح
ششرح صعبه
يالخيمتك جانت وطن فركاك
اصعب غربه
تقبلها هاي عزيزتك كاس المرار اتشربه
بعدك ولاشفت الفرح حاربني تدري حربه
عطر المحنه يفوح
وگلبي يون مجروح
فراگك عمه عيوني (2)
✍️ام احمد العبودية زبير
❈━━━❁°••°❁━━━❈
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/ya_zahraa1977
BY 📚قناة شاعرات الطف📚
Share with your friend now:
tgoop.com/ya_katealkafen/56606