📚قناة شاعرات الطف📚@ya

📚قناة شاعرات الطف📚

هذا الزمن .. يابا الحسن
كلّه ابتلائات ومحن
ومن يومك الهذا اليوم .. تذبح اعداكم بينه
ـــــــــــــــــــــــــــــــــــــــــــــــــــــــــــ
مـن عـالـم الـذر يـاعلـي واليـنــاك
تـأمـرنـه دم واعمار وانـــگلك هاك
ومنعوف دربك للابد احنه اويـاك

صحنه علي .. اعظم ولي
وهامتنه بسمك تعتلي
قد فازَ كلمن والاك .. وثبتت عقايد دينه
ـــــــــــــــــــــــــــــــــــــــــــــــــــــــــــ
واضح حديثه الهادي سيد الكونين
وصانه من بـعـده التــــــزام الثقلين
وثـنـيـنـهم مـعـناك يــــابو الحسنين

انته الكهف .. وانته الشرف
والقاصي والداني اعترف
اليتمسك ابأهل البيت .. ياخذ الصك بيمينه
ـــــــــــــــــــــــــــــــــــــــــــــــــــــــــــ
ندفع ضريبه الهل عشگ مانـهتم
يابا الحسن نفديلك ارواح او دم
الوالاك يـاحـيدر أبـد مايـنـــــدم

انت الاصل .. راعي الفضل
بيك الفرايض تنقبل
الخالف طريقك خسران .. متشوف نورك عينه
ـــــــــــــــــــــــــــــــــــــــــــــــــــــــــــ
عالشيعه كل يوم الخصم يتهادف
الشيطان الاكبر والدول تـتحــالف
واحنه اعله حــــبك ياعلي نتكاتف

الحد الگبر.. بل للحشر
ويآك نبقه ونفتخر
الحبك ربح بالدارين .. من اولنه والتالينه
ـــــــــــــــــــــــــــــــــــــــــــــــــــــــــــ
انت امام الحق وامـام الرحــــمه
الوصه الرسول ابطاعتك هالامه
حــقك فقط الله ورسوله ايعلمه

شنهي السبب.. ليش انقلب
هذا الامر .. چنه انحجب
خالفوا قول المختار .. وماسارو بتدوينه
ـــــــــــــــــــــــــــــــــــــــــــــــــــــــــــ
لليوم نـتـذبح تـره ونـتـهجــــر
واعدام حكم اولايتك ياحيدر
والثـار بـيـد المنتظر من يظهر

لابد تفض.. واهل الارض
عالظلم لابد تنتفض
واتخلص ايام الجور .. ساعة فرج مهدينه
ـــــــــــــــــــــــــــــــــــــــــــــــــــــــــــ
حيدر بشار الدراجي

www.tgoop.com/ya_katealkafen/56659

214 views.مولاتي زينب, Mar 22 at 19:39

tgoop.com/ya_katealkafen/56659

Create: 2025-03-22
Last Update: 2025-03-29 06:27:05

BY 📚قناة شاعرات الطف📚

Share with your friend now:
tgoop.com/ya_katealkafen/56659

Telegram News

هذا الزمن .. يابا الحسن