tgoop.com/ya_zahraa1977/7307
Last Update:
قصيده لفقدان الام وشهر رمضان
هل رمضان واذكرنه الحنينه
وگلبنه من الحزن زايد ونينه
❥❥ـــــــــــ❁❂❁ـــــــــــ❥❥
هل رمضان واذكرنه الحبيبه
نهل دمعاتنه اعله الخدسجيبه
نيران الگلب تسعر لهيبه
عافتنه ومشت ماتدري بينه
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
لياليها المشت راحت فلاتعود
حسافه غربت نومتها بلحود
بدون الوالده ظل گلبي ممرود
بعد ياهو اليجي ويمر علينه
✍️☘️ام فراس الساعدي ☘️
❥❥ـــــــــــ❁❂❁ـــــــــــ❥❥
بعد ياهو اليمرنه عگب امنه
راحت من وكــت ام المحنه
صرنه ايتام وتطشر شــملنه
ذكرنه الغاليه امنه وبـچينه
أم صــ✍️ــادق المنصوري
❥❥ـــــــــــ❁❂❁ـــــــــــ❥❥
ذكرنه العشره والكعده سويه
اجه رمضان ماموجوده هيه
تمد السفره جانت عائليه
اويلي شلون راحت من ادينه
✍️الخادمة زينة الگريشاوية
❥❥ـــــــــــ❁❂❁ـــــــــــ❥❥
راحت من ايدينه ياحرامات
كل مغرب نجر اعليها حسرات
نبجي والبچي ميرجع المات
بس الدمع يشرح كل حچينه
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/ya_zahraa1977
BY قٰنٰہاة الشٰہٰٖاعٰہرٰة امٰہٰ زٰيہدٰ الشٰہمٰہرٰيہ
Share with your friend now:
tgoop.com/ya_zahraa1977/7307