tgoop.com/ya_zahraa1977/7326
Last Update:
قصيده لسيدتي ومولاتي خديجه سلام الله عليها
مهداة لكل من فقدت والدتها في هذا الشهر الفضيل
يايمه موكافي هجر
ناري بغيابج تستعر
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
بشهر رمضان المبارك عفتي گلبي للشجن
اعليج انوح انهاري كله ضلوعي بالفرگه انحنن
وسفه عفتيني وحيده وزادت اعليه المحن
حيف ضماج التراب وخيب امالي الزمن
رحتي وتركتيني بألم
صوبتي گلبي بالسهم
ابقى انوحن عمري كله بدمع مسجوم
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
لو اونن عمري كله من ونيني ماامل
ظلمه عگبج كل حياتي وزايد اعليه الحمل
ادعي لو لحظه اشوفج يلتم وياج الشمل
مري لو مره بخيالي للبعد مااحتمل
مشتاگه يمه لگعدتج
وسوالفج وي ضحكتج
لحظه لو اگعد وياچ وانسى الهموم
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
انظر مكانج واصيحن والدمع يهمل دمه
گعدي يمه وكلميني انه بتج فاطمه
ليش عفتيني وحيده وماالي عون وحمه
شلون راح احمل غيابج وانه ماني معلمه
ابچي وانوحن كل وكت
وياج كون انه متت
فرگتج هدمت حيلي وگلبي مالوم
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
انتي عمري وكل حياتي انتي گلبي وفرحته
تحت جدمج يالحبيبه ربنا خله جنته
اعليج ابوي الهادي يبجي ومن ينشف دمعته
اليدفن بايده خليله وحشه تصبح دنيته
الله يعين المصطفى
من بيته كل نور انطفه
وانه من كثر البواچي حيلي مهدوم
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
وسفه عفتيني ييمه والمدامع هامله
صرت من بعدج يتيمة واليتيم الله اله
يمه رايدتج وياي بذبحه ابني بكربله
ومن تظل زينب وحيده بالطفوف ومعوله
كل فاگد يحس بالشجن
ودموعه تنزل كالمُزن
وتظل دمعاته جريه وگلبه ملچوم
گلبي مايبطل ونينه اعليج كل يوم
❀❥❃❥❀━┅┉━❀❥❃❥❀
تمت بعون •اللّـہ تعالى
✍الخادمه ام زيد الشمري
الفاتحه مع الصلوات الى روح المرحومه والدتي(ام عباس)
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج
https://www.tgoop.com/ya_zahraa1977
BY قٰنٰہاة الشٰہٰٖاعٰہرٰة امٰہٰ زٰيہدٰ الشٰہمٰہرٰيہ
Share with your friend now:
tgoop.com/ya_zahraa1977/7326