tgoop.com/ya_zahraa1977/7337
Last Update:
نخوه لسيدي ومولاي امير المؤمنين عليه السلام
بطور يمه ذكريني
المستهل 👇👇👇
ياعلي أنخاك والگلب مملي باحزان
جينا نتوسل ونرجو عطايا الرحمن
دعوه ندعيها/بجاهك يبو حسين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
جيت انخاكم فدوه لاسمك يكرار
اشفع لامتك وزيل المرض والاخطار
واگف ببابك/والدمع بالعين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
انته ابو الايتام والبشر كلها تشهد
وآنه يم بابك واگف ومالي احد
اسمع النخوه/وبس گول آمين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
ما إلي غيرك يابو الكرم يابوالجود
كلها تتخله عني بس انته موجود
غذتني محبتك/امي وآنه جنين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
اتمنى ازورك والثم تراب الگبر
وابقى للتالي بخدمتك طول العمر
محله هالكلمه/خادم للحسين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
زيل هالامراض ياعلي وشافي العليل
والله ملينه سيدي والهم ثجيل
احنا بحماكم/يالحصن الحصين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
جتك الشيعه تندب بمدمع ذروف
عجل لمولاي صاحب العصر الرووف
طالت الغيبه/ننتظرك سنين
اقضي الحاجات بجاهك يداحي البيبان
┄┉❈❥ًً❀💠(❀❥❈┉
✍ الخادمه ام زيد الشمري
نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج
https://www.tgoop.com/ya_zahraa1977
BY قٰنٰہاة الشٰہٰٖاعٰہرٰة امٰہٰ زٰيہدٰ الشٰہمٰہرٰيہ
Share with your friend now:
tgoop.com/ya_zahraa1977/7337