tgoop.com/yahassN/8522
Last Update:
قداسة الخدمه
تجليبه
~~~
روحك لا تخليها هيه متعجبه
🔳🔳🔳🔳🔳🔳
يمن تخدم ابو السجـــــــــاد لاتنغر
اوسمعـــــــــه لاتدور والأجر تخسر
خلــي دوم الك بس طيب المحضر
روحك طيب من هالخدمه مكتسبه
*✍️الشاعر فالح العامري*
🔳🔳🔳🔳🔳🔳
روحك لو خدمة حسين تتباهه
تحله بالتواضع تبگه مــحلاهـه
حب حسين فوك الناس علاهه
لحد يوم الحشر ميخيب اليندبه
✍️الشاعره ام مرتضى الموسوي
🔲 🔲 🔲 🔲
اخدمه بصافي نيه حسين لوخدميت
لاتهمك اموال وحجي لو واليـــــت
تخدم للخدم لاتـــــكول انا مليـــت
خل عينك لبو السجاد مـنـسچــبــه
✍الشاعره ام محمد الحسناوي
🔲 🔲 🔲 🔲
يمن تتسمى خادم عند ابو السجاد
خلي خدمــتك لجله عله المــــعتاد
تستاهل الخدمه يا نـسل الامـجـاد
اجر لا تنتظر مـــن عالي الرتبــــه
✍️الشاعره ام البنين
🔲🔲🔲🔲🔲
اهدي الروح لحسين وفلا تخسر
لون تبجي عليه أوتبگه تتحســـر
ابداله اتنول منه الاجر بالمحشــر
واجر منه الانس والجان متحسبه
✍🏻الشاعره ام مهدي عبد العالي
🔲🔲🔲🔲🔲
يمن تخدم امامك صفي النيه
ماتسوه الخدامه بغير تضحيه
اسمع هل كلام خله ترجيه
ضل من الأرض الدومهه خصبه
✍️الشاعره ام رحمه
🔲🔲🔲🔲🔲
يلنيتك تخدمه وتوصل الحضره
اخلص للخدمته والدمع يــجــره
يجيلك ساعة المحشر وبالـحفره
يكفلك دوم ابو السجاد بالصعبه
✍️الشاعره ام علي البيضانيه
🔲🔲🔲🔲🔲
يمن رايـــد تخدمه النيه صفيها
عوف المفخره والسمعه خليها
روحـــه لبو اليمه كـــون تفديها
اذا واحدنه رايد ينغفر ذنبـــــه
✍️الشاعره شيماء ام نور
🔲🔲🔲🔲🔲
لوتخدم صدك خليك متفاني
و اليخدم ابو السجاد ميعاني
وتمنى اسم خادم و عنواني
وبيوم الحشر يناديك للصحبه
✍️الشاعره ام محمد الساري
🔲🔲🔲🔲🔲
خادم والخدامه تلوك لحسينه
اكنس باب داره اوجذب الونه
علم اسمه يضل احسين والينه
الخدم بخلاص اينال الرتبه من ربه
✍️الشاعره ام زين
🔲🔲🔲🔲🔲
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
https://www.tgoop.com/mslmapnAGyel
BY قناة الحسن ع للشاعره ام ليث المالكي
Share with your friend now:
tgoop.com/yahassN/8522