tgoop.com/yahassN/8528
Last Update:
ملك الموت
تجليبه
~~~
صحت ابصوت وين اهلي ينجوني
🔳🔳🔳🔳🔳🔳
اشوفه من دنه يمي واعصر بيــــه
يكلـــــي اوياي امشي ولاالك جيه
انتي ماعرفت الدنيه مكضيـــــــه
وكل هاي البشر لا مايجهلونـــــــــي
*✍️الشاعر فالح العامري*
🔳🔳🔳🔳🔳🔳
جنت عايش ابأمالي واحلامي
ناسي الموت وهسه هوه جدامي
ياهو العني ياخذ ذنبي واجرامي
گبل ماروحي تصعد يالتحبوني
✍️ الشاعره ام مجتبى الجزائري
◾◾◾◾◾◾◾◾
جنت اعرف يملك الموت اجالـــــي
لاجن دنيه الحقيره صنعت امالـــي
اوهيه الزينت ابعينــــــــــي اعمالي
اونفسي اوهواي الـــــــــي يضلوني
*✍️الشاعر فالح العامري*
🔳🔳🔳🔳🔳🔳
ضعت وشلون ارد للدرب ماادري
رياء وسمعه اعمالي صفت واجري
گصير وحسبت للدوم انه عمري
الشباب وصحتي راحن وخذلوني
✍️الشاعره ام مجتبى الجزائري
🔳🔳🔳🔳🔳🔳
گضیت ايام عمري والشباب الجان
ماحسبت تاليها يجــــــــــي الديان
واروحن للگبر ماعندي بس اجفان
وشنطي اهناك للناس اليطلبونــي
*✍️الشاعر فالح العامري*
🔳🔳🔳🔳🔳🔳
مطلوب اوشوافــي للخلگ للـــه
مخنوگ بحسرتي وآه فوگ الآه
نادم اصرخ الربــي او واويــــلاه
فارغ جفي من الـزاد لـــحگونــي
✍️الشاعره ام مجتبى الجزائري
◾◾◾◾◾◾◾
اخذ روحي اوخلي نمشــي انه اوياك
بس كلـــــــي منهو الي اشوفه اهناك
اذا الزهــــــــره وبنـــــــها انا اتحداك
لاانتــــــــــــــــــــه ولاغيرك اليولوني
*✍️الشاعر فالح العامري*
🔳🔳🔳🔳🔳🔳
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
https://www.tgoop.com/mslmapnAGyel
BY قناة الحسن ع للشاعره ام ليث المالكي
Share with your friend now:
tgoop.com/yahassN/8528