tgoop.com/yahassN/8529
Last Update:
وزن الموشح
فاعلاتن فاعلاتن فاعلات
يا زينب
➖➖➖➖➖➖
بهظمه اصيحن ريتج تسمعيني
خلص گلـبي من القهــر تدرينــي
سمعي ونتي من بـعد مولاتـــي
جيتچ اشكي من هظم دنيــاتي
بصحنچ انعي وتنســمع وناتــي
وادري متقصرين يا ضي عيني
✍️الشاعره ام مرتضى الموسوي
◾◾◾◾◾
خلص گلبي امن القهر واحزاني
وانتي تدرين الهضـم عنــواني
گلبي يحجيلج او موش الساني
مالي غيرج انتي التجبريني
✍️الشاعره ام مجتبى الجزائري
◾◾◾◾◾
ادري متقصرين لو دك بابج
دوم تنطي ام الكرم لحبابج
توسلت لله بعظيم امصابج
مجلبه بذيالج فلاتعوفيني
✍️الشاعره ام محمد الساري
◾◾◾◾◾
ادري متقصرين يابنت حيدره.
سمعي شكوايه وشوفي الي جره
من القهر والضيم روحي محيره
توسلت بسمچ و لا تنسيني
✍️الشاعره ام البنين
◾◾◾◾◾
بصحنچ انه جيت اريد امرادي
اشكي البگلبي الــــچ والسادي
دمـــــع عيني بالضريح اينادي
بجاه ســــــبع الگنطره عينيني
✍️الشاعره شيماء ام نور
◾◾◾◾◾
ندبتج انه يالعقيله ودمعي سال
بعيده عن اهلي وحبابي ولاوصال
بالغرب خلصت حياتي وحالي حال
وأدري محــــتاره فــلا تخــلـيــنــي
✍الشاعره ام محمد الحسناوي
◾◾◾◾◾◾◾
بالبنات اقسم عليج وبالطــفل
وابنحر الحسين ذاك المنجتل
انخه يامولاتي وعيوني تهــل
وبس دمعتي هيه التسليني
✍️الشاعره ام رحمه
◾◾◾◾◾◾🔳
من المرض تعــبانه ماعندی قرار
انتی اتعلمین بیه و شــلي صــار
زایده اوجاعي وحگ حامي الجار
طيبتي عــنــدچ ولا تحرمــيني
✍️الشاعره ام مهدي عبد العالي
◾◾◾◾◾◾◾
انه متوجهه الــچ يخت الحسين
روحي مألومه واهل دمعة العين
والطلب منــچ وحاشا اتقصرين
طفــي جمرة گلــبي التچويني
✍️الشاعره ام عباس الحسيني
◾◾◾◾◾◾
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
https://www.tgoop.com/mslmapnAGyel
BY قناة الحسن ع للشاعره ام ليث المالكي
Share with your friend now:
tgoop.com/yahassN/8529