tgoop.com/yahassN/8700
Last Update:
رحيل زينب ع
بحر الطويل
بقلم شاعرات اهل البيت
ام مرتضى وام مجتبى
⚜️⚜️⚜️
حضروا زينب الليله. ابو اليمه وابو فاضل
صاحوا للدفن جينه. نشيع والدمع هامل
🟰🟰🟰🟰🟰🟰🟰🟰
اجو من كربله ليهه يحضروهه ويشيعوهه
يم الخدر هل جينه. صاحوا خويه نادوهه
اجاهه حسينهه محني. وذاك الضيغمي خوهه
لگوهه موسده القبله
جسمهه الهضم سله
فگدهم هوه العــــله
يگلهه خويه فتحيهه عيونج ماني الكافل
✍️الشاعره ام مجتبى الجزائري
🟰🟰🟰🟰🟰🟰🟰🟰
آنه الكافلج يختي اعليــج عيوني معميه
اجيتج من طريج بعيد عله فرگاج مابيه
اوسدنج واحملنــج يا اطهر وأحن خيـــه
دموعي اعله الوجن طاحت
روحي بغيــبتج راحــــــت
واملاك السمــه نــاحــــت
رحتي من ادي يختي حملي هالصبح مايل
✍️الشاعره ام مرتضى الموسوي
🟰🟰🟰🟰🟰🟰🟰🟰
گعد يم راسهه وينحب. ابو اليمه شعظم صبره
يگلهه ياعقيلــــتنه. يومج صعب يالحره
عليج وروحي مالومه. ابصدري مكسره العبره
حته بموتتج غربه
أهل مايمج وگربه
ادفنج وارتحل صعبه
ادفنج يختي بروحي. لجن امر الله الحاصل
✍️الشاعره ام مجتبى الجزائري
🟰🟰🟰🟰🟰🟰🟰🟰
تمنت تندفن يمكم وبكربله توسدوها
بين حسين والعباس خوان ويداروها
لچن وسفه بعدهه البين وغربه اللي يدفنوها
تكول بكربله حلمي
اتوسد يبن أمــــي
وريحتهم تضل يمي
متت وبحسرتي ضليت وجروح الگلب حامل
✍️الشاعره ام مرتضى الموسوي
🟰🟰🟰🟰🟰🟰🟰🟰
گلبهه محمل الهضمات. غمضت عينهه زينب
واخوتهه عليها تحوم. واحدهم يون ينحب
حملوهه عله الاكتاف. ودمعهم ابد ماينضب
غسلوهه بمدامعهم
الصبر ضاع ونفذ منهم
حان اخر وداع الهم
وداعة الله يازينب. همج ثگل ماينشال
✍️الشاعره ام مجتبى الجزائري
🟰🟰🟰🟰🟰🟰🟰🟰
ماتت بت علي الحره ياويلي شكبر همها
گضت بالحسره واللوعه ما واحد حضر يمها
لچن تبگه علم للدوم چالزهره البتول امها
بالشوغات واللوعه
راحت وهي مفجوعه
عالخوان موجوعــه
ما ننسه الجره والصار ودمعنه اعله الوجن سايل
✍️الشاعره ام مرتضى الموسوي
🟰🟰🟰🟰🟰🟰🟰🟰
قناة رابطة مسلم ابن عقيل عليه السلام
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري
تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدع
https://www.tgoop.com/mslmapnAGyel
BY قناة الحسن ع للشاعره ام ليث المالكي
Share with your friend now:
tgoop.com/yahassN/8700