tgoop.com/yahassN/9298
Last Update:
*رضيع الحسين ع*
الوزن (الهجري)
~
🔳🔳🔳🔳🔳🔳
گابلت مهدك يغالي. گمت الولي يارضيع
مره اناغي مره اصيحن مصابك الگلبي فجيع
احضن اگماطك واسولف حرمله سهمه شنيع
يبني در صدري وأجيتك. والگلب مني وجيع
فطرت گلبي بونينك من العطش تبچي وصريع
الدهر منك حرمني ربي اصّبر ياسميع
للخيم ارجع ييمه انه ابروحي اشتريك
*✍️الشاعره ام ليث المالكي *
🔳🔳🔳🔳🔳🔳
للخيم ارجع عليه انتظر منك خبر
ابجي، ودمعي يلالي، عيوني ذبلهه السهر
امك تنوح وتنادي نفذ يوليدي الصبر
تالي جابه ابو اليمه السهم نابت بالنحر
شفتك وضاعت سنيني. بعد شلي، بالعمر
آه ياعبدالله يمه شوف نشيان الدهر
كلت تشرب ماي يمه باالخيم انه ارتجيك
*الشاعره ✍️ام وليد الموسوي*
🔳🔳🔳🔳🔳🔳
كابلت مهدك ييمه وكثر من عندي العويل
اه ياعبد الله يبني. شوف حال امك نحيل
والدهر يفجعني سطره. وانت لنفاسي خليل
راح اسلم امري لله. وراح اخليه الكفيل
كلبي بفراكك تجوه. والحمل كلش ثجيل
انت ياسباح كلبي. اوليدي روحي والدليل
اشلون عفت امك ييمه. وما كدرت انه احتويك
*الشاعره✍️ام حيدر الحمزه الطائيه*
🔳🔳🔳🔳🔳🔳
للخيم ارجع ييمه خل اشوفك واستچن
عليك دلالي نشدني يالزغير بس يون
ارسومك الحلوه فكدته دمه عيوني دمعن
بعد حضن أمك يغالي مايصح بعده حضن
اشذنبك إسهام المنيه بنحرك الليلو غفن
آه ياعملة اوليدي اهروش كلبي كطعن
السهم نحرك مكطعه اشلون اشوفك واعتنيك
*الشاعره ✍️ أم نور الزهراء الزينبيه*
🔳🔳🔳🔳🔳🔳🔳
للخيم ارجع ييمه خل اشوفك يالطفل
حرمله بسهمه فجعني. وضاع من عندي الامل
انفجع كلبي بمصابك والالم ماينحمل
ماوصل للحول عمرك ياابن خير العمل
افطمك سهم المنيه والدمه بنحرك يهل
راح مني الجان سلوه افركه الروحي يسل
ليلي مااكدر انامه ريت روحي تفتديك
*✍️الشاعره ام البنين*
🔳🔳🔳🔳🔳🔳🔳
تدري يايمه يغالي عذب عيوني السهر
حرمله بسهمه فجعني انعمه مني النظر
انكسر گلبي بمصابك والكسر ماينجبر
ماكمل عمرك يغالي يمه يفداك العمر
بسهم المثلث فجعني من شفت دم النحر
شنهو ذنبك ياحبيبي يبني ياشبه الگمر
بگه يبني المهد خالي افز مرعوبه اجيك
*الشاعره✍🏻ام مجتبى*
🔳🔳🔳🔳🔳🔳
يلولد يبني اصيحن أنصدع مني الگلب
يمه ياعظم المصيبه. اعیوني من دم التصب
يبني من أنظر مچانك بالچبد نار التشب
روحي راحت ياعزيزي طفل تگصد للحرب
انخمش گلبي ييمه احظنت مهدك وانتحب
كون أظمك بضلوعي يالزماني شح بيك
*الشاعره✍️ام كرار الطائيه*
🔳🔳🔳🔳🔳🔳
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
شوال21 هـ1441
13/6/2020
نسألكم الدعاء 🙏🏻
https://www.tgoop.com/yahassN
BY قناة الحسن ع للشاعره ام ليث المالكي
Share with your friend now:
tgoop.com/yahassN/9298