tgoop.com/yahassN/9300
Last Update:
*زينب مع مهر الحسين*
الوزن (الهجري )
▪︎▪︎▪︎▪︎▪︎▪︎▪︎▪︎▪︎
واحسيناً. واحسيناً واحسيناً واحسين
صرخت الحره الحزينه. خالي رد ليه المهر
گلي وين حسين وينه. جيت معمي النظر
أخذني وديني لولينه. صهيلك الگلبي فطر
ارد أشدن ليه جروحه. وسهم المثلث اجر
گلي اخوي اشلون حاله.راسه من صابه الحجر
الشمر لمن تربع. شلون حز منه النحر
واحسيناً. واحسيناًواحسين
✍️الشاعره ام ليث المالكي
ليش عفت انت اخيـــــي وحده مابين العده
منهو الي جا يعينه ومنهو اخيي مدده
خذني دلينــــــي بمجانه ابحضني اريدن اسنده
للأخو ابجسمي افيـــي على جتفي اگعده
ياجرح ضاهد اخيــــي ارد اشوفه وانشده
وعتني اوياك الشريعـه الكفيلي اگصده
واحسينا واحسينا وا حسين
✍️الشاعر فالح العامري
يالمهر كلي اعلى حاله. اشلون عفته بالخلي
ليش اجيت اصول وحدك بعد ماعندي ولي
هو نايم بالحريبه. واني دم عيني اتهلي
ليش خليته توذر. هذا تالي كل هلي
اشلون اعيش اسنيني بعده باجر اني انولي .
ليش عايفني ابو اليمه. الكال خويه ادللي
واحينا. واحسينا. واحسينا
✍️الشاعره ام حيدر الحمزه الطائيه
اجه مهر احسين دامي. ارتفع صوته بالصهيل
تركض الحره وتوگع. والأرض گامت تميل
اخبار عندك يالمكدر . وين خيالك چتيل
عفت ابواليمه اخيي . عالثره طايح نحيل
وين خيالك العفته . والنحر دمه يسيل
ادري اخيي طاح ضامي عالگومه ماله حيل.
واحســـيناً واحســــيناً واحسين
*✍️الشاعره ام كرار الطائيه*
يامهر وصلني يمه وخل اشوفن حالته
يامهر دليني وينه ماحضرت ابطيحته
هذا ابن امي وابويه وروحي تهوى شوفته
يامهر صارت فجيعه ابن فاطم ذبحته
غصب راح امشي واعوفن عالترايب جثته
گلبي للمظلوم صارت بالعلالي ونته
واحسينا واحسينا واحسينا واحسين
✍️ااشاعره ام عدنان سياحي
يالمهر رديت خالي. عفت اخويه بالثره
كلي ياهو الحز وريده وياهو كطع منحره
خذني دليني بمچانه اريداخبره بالجره
شلون محتاره تركني ويدري بيه امخدره
ليش يالوالي عفتني وحدي خويه امحيره
بيا كتر يامهر طايح كلي ضنوه حيدره
✍️الشاعره ام البنين
خويه رد ليه المطهم غارگ بفيض الدمه
فزعت عليه الفواطم تركض من مخيمه
لو شفت خويه فزعهن شاطن لحد السمه
شلون عفت حسين وحده هذا ابن حامي الحمه
مدري احير انه بمصابك ميت انته من الضمه
عيونك من الدم خضيبه الدنيا صارت مضلمه
وا حسيناه وا حسيناه
✍️الشاعره لعلويه ام مرتضى
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
شوال19 هـ1441
11/6/2020
نسألكم الدعاء
https://www.tgoop.com/yahassN
BY قناة الحسن ع للشاعره ام ليث المالكي
Share with your friend now:
tgoop.com/yahassN/9300