tgoop.com/yahassN/9308
Last Update:
*يابدر العشيره*
الوزن (الموشح)
*انت زمزم عطشت ماي الفرات*
*يالي بيك الفخر والعز والثبات*
انـــــــــــت يابدر الهواشم ياگمر
قـــــــدمت چفين طاحن عالنهر
الغيره تسجدلـــك يكفال الخدر
يا لفديت حسين لحد يوم الممات
*✍️الشاعره ام ليث المالكي*
يبو فاضل ادري يالبيك الــــــوفه
وادري لجل حسين جفنك ماغفه
شيمتك شيمة علي ابهاي الصفه
انت بالدنيا الوسيـــــله والنجات
✍🏻الشاعره ام عباس الحسيني
ياشهم يلي بصفاتك حيدره
والنعم سموك سبع الگنطره
جيوش متوجهه عليك وسايره
بسيفك المسلول خليته شتات
✍️الشاعره ام حسين عباد
ياكمر عدنان يابدر التمام
حكهم يخافون منك ياهمام
ياسبع يالناصر احسين بالامام
رجفت عدوانك الصارو فتات
✍️الشاعره ام رسل السلمي
ابو فاضل والنعم منــــك كفيل
تخسر العدوان لو بيــــك تعيل
يلي مثـــلك ابد مانلــــكه مثيل
أنت ماخذ من علي كل الصفات
✍️الشاعره ورود الظالميه
قدم الراس وعيـــــــنه والجفوف
ابن فارس مضر يــــــــوم الطفوف
ابن حيدر علــــيّ تهابه السيوف
يامثل للـخــــــوه ياطيب الذات
✍️الشاعره ام كرار الطائيه
🔳🔳🔳🔳🔳🔳⚖️
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
ذو القعده16 هـ1441
7/7/2020
نسألكم الدعاء 🙏🏻
https://www.tgoop.com/yahassN
BY قناة الحسن ع للشاعره ام ليث المالكي
Share with your friend now:
tgoop.com/yahassN/9308