tgoop.com/yashmaq/2467
Last Update:
ساوالان ایگیدلری انتشاراتی امکداشلاری ایله تبریزین ائل‌بیلیمی و ائوده‌آل مؤسسه‌لرینده صمیمی گؤروش و نشر حاققیندا تخصصی دانیشیقلار، فیکرداشلیق و ایش‌بیرلیک اوتورومو کئچیریلدی
بو تخصصی کیتاب اوتوروموندا سایین مهندس صرافی «ائل‌بیلیمی» مؤسسه‌سی‌نین مدیری، سایین مهندس نوید محمدی ائوده‌آل و یاز‌اکو مرکزلری‌نین مدیری، دوکتور عمار احمدی آراشدیریجی، مترجیم و ساوالان ایگیدلری انتشاراتی‌نین مدیری، دوکتور علیرضا اقدمی باهر مترجیم و روانکاوی اوزمانی، سایین صالح سجادی آراشدیریجی و شاعیر، دوکتور رضا حسینی مترجیم، موسیقیچی و ائتنوموزیکولوژی اوستادی، سعید موغانلی شاعیر و ناشیر اؤز دوشونجه‌لرینی، آذربایجاندا کیتاب نشرینین چاغیمیزدا اولان مسئله‌لری و چتینلیک‌لری باره‌ده اشتراک ائدنلرله آرادا قویدولار.
مراسیم بیر سیرا یازیچی، مترجیم، ناشیر، آراشدیریجی، تاریخچی، شاعیر، کؤچورن، ژورنالیست، بلوگر، موسیقیچی و عمومیتجه کیتاب، نشر و مطبوعاتیمیزلا باغلی اولان سایین متخصص‌لرین اشتراکی ایله ۱۴۰۳-جو ایل دی آیینین ۲۵-جی گونو تبریزین قونقا باشیندا یئرلشن ائل‌بیلیمی موسسه‌سی‌نین اؤزل سالونوندا تشکیل ائدیلمیشدیر.
بو مرکزین کیچیک اولدوغو اوچون اوتورومدا یوز نفره یاخین شخص دعوت ائدیلمیشدیر.
#یاشماق_سیرا_کیتابلاری آدینا بئله اوتوروملارین دال با دال تشکیل اولونماسی‌نین کیتاب نشرینده یارانان چتینلیک‌لرین آرادان قالدیریلماسینا اینانیریق و بئله ال‌وئریشلی اوتوروملارین داها چوخ تشکیل اولونماسینی آرزولاییریق.
مولا گؤره‌لیم نئیلر
نئیلرسه گؤزل ائیلر
درین سایقی و سئوگی ایله
#یاشماق_کیتاب_ائوی
#یاشماق_سیرا_کیتابلاری
https://www.tgoop.com/yashmaq
BY یاشماق
Share with your friend now:
tgoop.com/yashmaq/2467