tgoop.com/yazaynae/15715
Last Update:
قصيده الام البنين عليها السلام
❥❥ـــــــــــــ❁❂❁ـــــــــــــ❥❥
كوم واقرالي العديله .. وراسي يوليدي تشيله
حانت اعلـيه المنيـه .. روح شوف امك عليله
يـبنـي عـبـاس ……………….. يـبنـي عـبـاس
❥❥ـــــــــــــ❁❂❁ـــــــــــــ❥❥
كــوم واقره فوك راسي وغمض العـيـون
يبني يا سلــوه دليـلـــي وفـرح الجـفـون
وكول هـــاي امــي خطيــه من تـمـرون
كوم واقرالي العديله .. رايحه روحي نحيله
❥❥ـــــــــــــ❁❂❁ـــــــــــــ❥❥
ضاله الــروح وتحـن وتـريــد الاحـبــاب
مــا تنــام وبــس تفـز لـو دكــو الـبـاب
كـلـبـي ما يحمل اذيـه اوكـافـي الـغياب
كوم واقرالي العديله.. كلبي جايمته تجيله
❥❥ـــــــــــــ❁❂❁ـــــــــــــ❥❥
كون عاليمنه الحسين ويسرتـي الحـيـد
وارد اكله يابـو فـاضــل روحـــي اتـهـيد
الزمـان اويـاي يــمــه ابنـارهـه ايـزيــد
كوم واقرالي العديله.. عايشه امك الليلـه
❥❥ـــــــــــــ❁❂❁ـــــــــــــ❥❥
الليـلــه اشتٰـم الـهــوه وبـــاجــر اروح
ارد اشـم حـسـيـن ابنـي بكــل جــروح
عطر امــه الزهره مــن صـدره يـفــوح
كوم واقرالي العديله.. بايد الحيل ودلليله
❥❥ـــــــــــــ❁❂❁ـــــــــــــ❥❥
بس يكلبــي وبـطــل اعـتـابك بــعــد
خلصـت ايـامـــج يـروحــي ابلا عـدد
راحـو الجـانـو الـــج خيـــمـه وسـنـد
كوم واقرالي العديله.. ترابي بيدينه يهيله
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿
https://www.tgoop.com/yazaynae
BY ديوان اسيره الطفوف للشاعره العلويه ام كنان الهاشمي
Share with your friend now:
tgoop.com/yazaynae/15715