tgoop.com/yazaynae/15730
Last Update:
قصـيده للعليلـه عليها السلام
❥❥ـــــــــــــ❁❂❁ـــــــــــــ❥❥
يـاصـوركـم ضلـت بنص الحياطيــن
يـا عطـركم من اشمه تهمل العـيـن
صوره طبعوهه بخيالي
اخ يــاعطـر الغــوالـي
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
اه يـا ذاك الشمل شيـلمه ويعــود
بالضـعن راحو اهلنه الجنهم ورود
شدو محاملهم وخلو كلبي ممرود
مروني لــو طــيـف
وحسين الي ضـيف
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
هملت عيوني دمه خلونــي اجيكم
افياي اصيرن للحرم وافرش عبيكم
روحي مشتاكه وتريد اليــوم ليـٰكم
ماكــو الي امجــان
اولا ذكــر عـــنـوان
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
اخ يا ذيج المحنه وذيج الكلـوب
تختنك روحي يهلنه بجيت الغروب
كلي شصبر الكلب فاكدله محبوب
جاوينكم حاجوني
وابكربلــه دلونــي
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
ارد اعاتبك واكلكم ويــن تـردون
نلتم بعد لو ضنه تكطعها الضنون
عميه عيني عالمشو لا مايرجعـون
ما خذوني اويــاهم
سل العضم فركاهم
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
بالحوافر داسو اصدور الهواشــم
وعالترايب ضل ابوي حسين نايــم
يا دليلي وعكلي عكبه اليوم هايــم
هايــمه يم كربـلـه
اه يروحي معلعله
هنــا يروحـي عاد مابســج تونيـن
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿
https://www.tgoop.com/yazaynae
BY ديوان اسيره الطفوف للشاعره العلويه ام كنان الهاشمي
Share with your friend now:
tgoop.com/yazaynae/15730