የብርብር ደብረ ብስራት ቅዱስ ገብርኤል ማህበረ ካህናት እንዳልካቸው ዘነበን ከቅድስት ቤተክርስትያን እንዲታገድ ምክንያት የሆኑ ህጸጻዊ የእምነት ልምምድ።

በቲክ ቶክ live ውይይት ላይ ከተናገረው

1ኛ
"ትርኪምርኪ ነገር ላይ ጊዜዬን ማሳለፍ አልፈልግም፣በህይወት እያሉ ቅዱሳን ያማልዳሉ አያማልዱም አልልም። ሴጣን ነው የሰጠኝ አጀንዳ። በጥቃቅን ነገር ላይ ጊዜዬን አላባክንም።"

የመልእክቱ አንድምታ

ቅድስት ቤተክርስቲያን ስለቅዱሳን የህይወት ግብራቸው፣ገድላቸው እና ቅድስናቸውን ነገረ ቅዱሳን፣ክብረ ቅዱሳን እያለች ርዕስ ሰጥታ እንደምታስተምር እና መሰረታዊ ከሆኑ የነገረ ሃይማኖት ትምህርቶች መሃል አንዱ እንደሆነ እየታወቀ ነገረ ቅዱሳንን የሴጣን አጀንዳ የሚል የድምዳሜ መልእክት ማስቀመጡ።

2ኛ
"ስለ ማህበር ፣ስለጽዋ፣ስለእንትን እያወራን እኮ ኢየሱስን ጋረድነው።"

የመልእክቱ አንድምታ

ስርዓተ ዝክር እና ጽዋን የኢየሱስ ክርስቶስ መሸፈኛ የስህተት መንገድ አድርጎ የማሳዬት ዝንባሌ ፈጽሟል።

3ኛ
"የሆነ ሰው መጥቶ መስቀል ምናምን ቢለኝ አላወራም። ደከመኝ በቃኝ።"

የመልእክቱ አንድምታ

ነገረ መስቀሉ አድካሚ አሰልች እንጅ ለነገረ ድህነት ምንም ጥቅም የሌለው ትርፍ ስርዓት እንደሆነ በንግግሩ በመግለጥ

4ኛ
"ታቦት ላይ የዘለዓለም ህይወት የለም፣መስቀል ላይ የዘለዓለም ህይወት የለም።"

የመልእክቱ አንድምታ

የታቦተ ህግ ስርዓት፣ነገረ መስቀሉ በክርስትና ውስጥ የማይጠቅም እንደሆነ በማሳዬት

5ኛ
"ከፕሮቴስታንት ቤተ እምነት ጋር የምንግባባት አንድ ነገር አለ "እሱም ኢየሱስ ነው"

የመልእክቱ አንድምታ

ቅድስት ቤተክርስቲያን በውግዘት ከተለያዬች አብያተክርስቲያናት ጋር የምትጋራው አምላክ እንዳላት በማሳዬት

እዚህ ውስጥ ኢየሱስ ስለጠራ እንዳልካቸው ዘነበ ታገደ የሚል አንድም አንቀጽ የለውም።