ОТМлардаги педагоглар билан муддатли шартнома тузиш амалиёти борасида мутахассис фикри

МК 111-моддасига кўра агар муддатли меҳнат шартномаси ушбу Кодекснинг 112 ёки 113-моддаси қоидаларини ҳисобга олган ҳолда тузилган бўлса, ходим билан ушбу шартномани тузиш асослидир.

Яъни кодекснинг 112-113-моддаларида келтирилган ходим билан муддатли меҳнат шартномасини тузиш тўғрисидаги рўйхат қатъий чегараланган. Агар ходим билан тузилган муддатли меҳнат шартномаси 112-113-моддалар талабларини ҳисобга олмаган ҳолда тузилган бўлса, бундай ҳолда ШАРТНОМАНИНГ МУДДАТИ ҲАҚИДАГИ ШАРТЛАРИ ҲАҚИҚИЙ ЭМАС ДЕБ ТОПИЛАДИ, ХОДИМ ЭСА ИШГА НОМУАЙЯН МУДДАТГА БИРИНЧИ ИШ КУНИДАН БОШЛАБ ҚАБУЛ ҚИЛИНГАН ҲИСОБЛАНАДИ.

Ўзбекистон Республикаси Олий суди Пленумининг 2023 йил 20 ноябрдаги 26-сонли “Судлар томонидан меҳнат шартномасини бекор қилишни тартибга солувчи қонунчиликни қўллаш амалиёти тўғрисида”ги қарорининг 15-бандида шундай дейилган "меҳнат шартномасининг муддати тугаганлиги (МКнинг 158-моддаси) сабабли бекор қилинишининг қонунийлиги тўғрисидаги низоларни кўришда судлар қуйидаги ҳолатларга эътиборини қаратмоғи лозим: муддатли меҳнат шартномаси ходим билан асосли ҳолда тузилганми, яъни меҳнат шартномаси тузишда МКнинг 111, 112, 113-моддалари талаблари ҳисобга олинганми...".

Гарчи Вазирлар Маҳкамасининг 2019 йил 3 декабрдаги 967-сон “Олий таълим муассасаларини босқичма-босқич ўзини ўзи молиялаштириш тизимига ўтказиш тўғрисида”ги қарорининг 3-бандида, замонавий педагогик технологиялардан кенг фойдалана оладиган ва илмий изланиш олиб борадиган профессор-ўқитувчиларни танлаш мақсадида олий таълим муассасаси ҳамда профессор-ўқитувчилар ўртасида бир йиллик муддатли шартномалар тузиш амалиётини жорий этиш масаласи қўйилган бўлсада, бу амалдаги Меҳнат кодексига зиддир. Буни қуйидагича асослаймиз.

Кодекснинг 112, 113-моддалари охирги қисмларида муддатли меҳнат шартномаси ушбу Кодексга ёки бошқа қонунга мувофиқ ўзга ҳолларда ҳам тузилиши мумкинлиги белгиланган.

“Норматив-ҳуқуқий ҳужжатлар тўғрисида”ги Қонуннинг 6-моддаси 2-қисмига кўра, Ўзбекистон Республикасининг Конституцияси ва қонунлари, Ўзбекистон Республикаси Олий Мажлиси палаталарининг қарорлари қонунлардир. Яъни Ўзбекистон Республикаси Вазирлар Маҳкамасининг қарорлари қонун ҳисобланмайди.

Демак, муддатли меҳнат шартномаларини тузиш мумкин бўлган бошқа ҳолатлар қонунда назарда тутилиши шарт экан.

Масалан, қуйидаги қонунларда муддатли меҳнат шартномалари тузиш белгиланган. “Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Қонун 94-моддасига кўра, депутатнинг ёрдамчиси депутатнинг ваколатлари даврига тузиладиган муддатли меҳнат шартномаси асосида ишлайди. Муддатли меҳнат шартномаси депутатнинг ёрдамчиси ва сиёсий партиянинг тегишли раҳбари ўртасида тузилади.

“Аҳоли бандлиги тўғрисида”ги Қонун 61-моддасига кўра, ҳақ тўланадиган жамоат ишларига жалб этиладиган шахслар билан ҳақ тўланадиган жамоат ишларида иштирок этиш учун камида икки ҳафталик, лекин олти ойдан кўп бўлмаган муддатга, айрим ҳолларда эса Ўзбекистон Республикаси Бандлик ва меҳнат муносабатлари вазирлиги билан келишилган ҳолда, ўн бир ойгача муддатга муддатли меҳнат шартномалари тузилади.

Лекин на “Таълим тўғрисида”ги, на “Педагогнинг мақоми тўғрисида”ги ва на таълимга оид бирорта қонунда педагог ходимлар билан муддатли меҳнат шартномаси тузиш назарда тутилмаган.

Бироқ юқоридаги қонунчилик ҳужжатларига зид бўлишига қарамасдан, ОТМлар педогог ходимлар билан ғайриқонуний равишда муддатли меҳнат шартномаси тузиб келмоқда.

Меҳнат ҳуқуқи мутахассиси Мухаммадамин Каримжонов

👉@yuristkadr

Рақобат қўмитаси истеъмолчилар ҳуқуқи бузилишининг кафе, ресторан ва ошхоналар мисолидаги бир кўринишини чиройли қилиб очиб берибди.

Бу ☝️видеотушунтиришни кўриб, ўзингиз учун керакли хулоса чиқариб олишни тавсия қиламиз.

👉@yuristkadr

“Эсарлар”га эслатма!

Агарда тегишли қарорда “«Шодлик барака» масъулияти чекланган жамияти унинг фаолиятини тугатиш орқали «Юлдуз» масъулияти чекланган жамиятига қўшиб юборилсин” деб ёзилган бўлса ва гарчи ўртада “тугатиш” жумласи бўлсада, бу жараён тугатиш эмас, қайта ташкил этиш бўлиб қолаверади.

Чунки, мавжуд вазиятда «Шодлик барака» МЧЖ «Юлдуз» МЧЖга қўшиб олинар экан, унинг ҳуқуқ ва бурчлари ворислик тартибида “Юлдуз” МЧЖга ўтади.

Бу эса, қўшиб олиш шаклидаги қайта ташкил этиш ҳисобланади ва бундай ҳолларда «Шодлик барака» МЧЖнинг ходимларини МК 161-моддаси иккинчи қисми 1-банди билан тугатиш деб ишдан бўшатиш мутлақо ғайриқонуний бўлади.

Асос: Фуқаролик кодексининг 49, 50 ва 53-моддалари ҳамда Меҳнат кодексининг 156-моддаси.

👉@yuristkadr

Тадбиркорлик субъекти бўлмаган давлат ташкилотини тугатиш бўйича бошқа низом бор.

Айрим давлат ташкилотларини тугатиш ҳақида қарорлар чиққанида, мутасаддилар Вазирлар Маҳкамасининг 2019 йил 21 августдаги 704-сонли қарори билан тасдиқланган “Тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисида”ги низомга таянмоқда.

Лекин ўртоқлар, давлат ташкилотлари бор, тадбиркорлик билан шуғулланадиган ва шу билан бирга тадбиркорлик субъекти бўлмаган нотижорат давлат муассасалари ҳам бор.

Юқоридаги 704-сонли Низом тадбиркорлик субъекти бўлган давлат ташкилотлари (масалан, ДУКлар, давлат акцияларидан иборат АЖ ва МЧЖлар)ни тугатишга қўлланилади.

Тадбиркорлик субъекти ҳисобланмаган давлат ташкилотларини тугатиш бўйича эса бошқа бир низом бор.

Бу – Вазирлар Маҳкамасининг 2022 йил 28 сентябрдаги 542-сонли қарори билан тасдиқланган “Тадбиркорлик субъектлари бўлмаган айрим юридик шахсларни тугатиш тартиби тўғрисида”ги низомдир.

👉@yuristkadr

Адвокатнинг аччиқ ҳақиқатлари

Дўстимиз Камолиддин Абдумаликовичнинг куюнганича бор, айрим судьялар ҳалигача прокурор ва адвокатнинг суддаги тенглик даражасини қабул қилолмаяпти.

Ҳозир давр шунақами дейдиган бўлсангиз, янги даврдамиз, биласиз. Қонун шунақами десангиз ҳам, “йўқ” деб жавоб берамиз. Судларда адвокатнинг прокурор билан тенг даражадаги иштироки ҳақида қанчадан-қанча қонунлар чиқмади дейсиз.

Аслида гап ўша судьянинг савиясида ва суд мустақиллиги деган нарсани ҳалигача қонига сингдира олмаётганида.

Агар адвокатнинг қарама-қарши томонида давлат органи ёки ҳуқуқни муҳофаза қилиш органи вакили турган бўлса, баъзи судьялар шундоқ ҳам ўзлигини йўқотиб қўяди.

Бу ерда “ўзлиги” жумласини кенгроқ маънода ишлатдик.

👉@yuristkadr

“Норасмий”лар муаммосидан қачонгача кўз юмамиз?

Асосан, қуйидаги соҳаларда ишчи-ходимларни норасмий, ҳужжатсиз ва ҳеч қандай меҳнат нормаларига риоя қилмасдан ишлатиш авж олган деган фикримиз бор: 1. Қурилиш корхоналарида; 2. Умумий овқатланиш корхоналарида (кафе, ресторан ва ошхоналарда); 3. Савдо дўконлари ва савдо тармоқларида; 4. Қишлоқ хўжалиги корхоналарида.

Қурилиш корхоналаридаги норасмий ишчи-ходимлар биринчидан, дам олишсиз жисмонан оғир меҳнат шароитларида ишламоқда, иккинчидан, бу ерда меҳнатни муҳофаза қилиш нормаларига ва хавфсиз иш шароитларига умуман риоя қилинмаяпти, учинчидан, тўланадиган иш ҳақи бажарилган иш учун етарли эмас ва вақтида тўланмайди. Қурилиш корхоналаридаги норасмий ишчи-ходимлар учун асосий хавф оғир ва хавфли шароитларда жиддий жароҳат олиш ва касалланишдир ва ёмон томони, аксарият иш берувчилар бу масалага беэътибор.

Умумий овқатланиш корхоналарида ҳам аниқ бир меҳнат нормаси йўқ ва норасмий ходимлар дам олишсиз, тунги вақтларда ишлатилмоқда, энг ачинарлиси, кафер, ресторан ва ошхоналарда асосан аёл ходимларнинг ҳуқуқлари топталмоқда. Баъзи кузатишларимиз, афсуски, умумий овқатланиш корхоналарида аёл ходимларга нисбатан жинсий қонунбузарликлар кўпроқ учрайди деган фикрларни юзага чиқармоқда. Айрим ошхона ва кафеларда ҳужжатсиз ишлаётган официант ва идиш ювувчи аёлларнинг бу ердаги фаолиятига ҳавас қилиб бўлмайди, тўғриси.

Савдо дўконлари ва савдо тармоқларида ҳам юқоридагилар каби ходимлар одатда, дам олишсиз, кечаю-кундуз ишлатилмоқда. Таътил деган нарсалар ҳақида гапирмаса ҳам бўлади. Кузатишларимизга кўра, савдо дўконлари ва савдо тармоқларида ҳужжатсиз ишлаётган ишчи-ходимлардаги асосий муаммо, аниқланган камомадларни ҳеч бир асоссиз уларнинг бўйнига илинишидир. Яъни, бундай иш берувчиларда ишлаётган “норасмий”ларнинг кўпчилиги охирида бўйнидаги қарз билан чиқиб кетиши мумкин.

Қишлоқ хўжалиги корхоналарида ишлаётган “норасмийлар”нинг деярли барчаси қишлоқ жойларда яшаётган содда инсонлардир, афсуски, уларда ҳам аёллар сафи кўпроқ. Уларнинг аҳволи ҳаммасидан ҳам оғир. Ён-атрофда бошқа иш ўрни, яъни бошқа танлов бўлмаганлиги учун улар ҳар қандай хўрликларга чидаб ишлаяпти. Юқорида келтирилган муаммолар уларда ҳам одатийдир. Бошқаларда учрамайдигани эса, улар ўзларига вада қилинган бир парча ерда экин-тикин қилиш илинжида иш берувчиларининг барча қилиқларига кўниб келмоқда.

Ушбу “норасмий”лар ҳужжатсиз ишлаётгани учун ҳам бузилган ҳуқуқлари давлат томонидан ҳимоя қилинишига у қадар ишонишмайди. Қолаверса, уларда бошқа танлов имконияти ҳам деярли йўқ. Шу сабабли улар кўпинча ҳеч қаерга шикоят қилмасдан жимгина ишлайверади.

Афсуски, биз ҳам уларнинг аҳволини кўра-била туриб, кўрмасликка олиб келяпмиз.

👉@yuristkadr

Олий суд раиси Бахтиёр Исломов томонидан жорий йилнинг бошидан бугунга қадар 331 нафар фуқаро қабул қилинди.

Олий суд матбуот хизмати

👉@yuristkadr

Нима учун одамлар суд ишларига блогерларни жалб қилмоқда?

Олий суд матбуот хизмати раҳбари Азиз ака Абидовнинг фикрларини эшитар эканман, қизиқ мулоҳазалар ўтди ҳаёлимдан.

Азиз аканинг судга иши тушган одамларнинг блогерга пул сарфлагандан кўра, бу пулни профессионал адвокатга ишлатса мақсадга мувофиқ бўлади деган фикрларига тўлиқ қўшиламан. Тўғри гап.

Лекин бошқа томондан, одамларнинг блогерларни суд жараёнига жалб қилиши билан боғлиқ бугунги вазият, ишонинг мутлақо табиий равишда юз бермоқда.

Энг қизиғи, одамлар буни ўзлари учун бир вариант сифатида қабул қилмоқда. Одатда, киши бошига тушган муаммодан қутулиш учун ҳар хил вариантлар излайди. Кимдир тўғри, кимдир нотўғри вариантни танлайди. Масалан, суддаги муаммосини пора бериб ёки қандайдир таниш-билиш йўли билан ҳал қилиш, бу нотўғри вариант. Малакали адвокатни ёллаб ёки бунга имкони бўлмай, шу соҳадаги қонунчиликни ва суддаги йўл-йўриқларни пухта ўрганиб ҳаракат қилиш бу тўғри вариант.

Хўш, нима учун одамлар бугун суд жараёнларига блогерларни ёлламоқда?

Асосий сабаб, судга иши тушган одамларнинг кўпчилиги суднинг адолатли бўлишига ишонмайди.

Улар агар судда блогер қатнашса ва у суд жараёнларини борича ёритса, буни ижтимоий тармоқдан фойдаланувчи одамлар ҳам кўрса ва ўз навбатида, ишни кўрган судья ҳам одамлар унинг иш юритувини ва қарорини муҳокама қилишини олдиндан хис қилса, суд адолатли бўлади деб ишонмоқда. Мана, мана шу воқеликни бугун мутлақо табиий ҳолатда содир бўлмоқда деяпмиз.

Бизда судлардаги туб бурилиш 2016 йилдан кейин бошлангани аниқ ва олдинги даврда қотиб қолган ва асосан бир томонламаликка қурилган суд тизими ҳали ҳам ўз ўрнини тўлиқ топа олганича йўқ.

Яъни, мустақил суд тизимига ҳали ҳам тулконли эриша олганимиз йўқ ва ҳозирги ривожланиш босқичида айрим судьяларимиз суд ишини кўришда кўплаб хатоларга ва масъулиятсизликка йўл қўймоқда, орқа-олдига қарамай адолатсиз қарорлар чиқармоқда. Айримлари деяпман-а, инсофли судьяларимиз ўзларига олмасин бу гапни.

Агар судья суд ишини кўриш чоғида у чиқарган қарорни жамоатчилик муҳокама қилиши мумкинлигини, унинг иш кўришидан ва чиқарган қароридан камчиликлар топиши мумкинлигини билиб турса, хато қилмасликка ва ишни қонуний кўришга ҳаракат қилади. Бу бор нарса.

Шу сабабли ҳам, блогерлар иштирок этган судларда сифат нисбатан яхшироқ бўляпти, қарорлар нисбатан адолатлироқ чиқяпти. Ўз-ўзидан буни одамлар ҳам кўриб турибди, улар буни сўз эркинлигининг воситаси ўлароқ қабул қилмоқда. Ва бу ҳам уларга бир вариантдек кўринмоқда.

Ҳулоса шуки, суд тизимида аҳвол яхшиланиб борган сари, одамлардаги блогерларга ва шу каби бошқа вариантларга бўлган эҳтиёж ҳам ўз-ўзидан йўқолиб бораверади.

Мен бу ☝️фикрларим билан, блогерларни пул тўлаб судга жалб қилиш тўғри ёки фойдали демоқчи эмасман, шунчаки кўп нарсалар бугун суд тизимининг ўзига боғлиқ эканини эслатиб ўтмоқчиман холос.

👉@yuristkadr

Пенсия ёши ошиши ҳақидаги гап-сўзларда жон борми? Партиялар бу борада нима дейди?

Бундан тўрт кун олдин, яъни 2024 йил 23 сентябр куни Вазирлар Маҳкамасининг “Давлат пенсия таъминоти тизимини ислоҳ қилиш концепциясини ишлаб чиқиш бўйича ташкилий чора-тадбирлар тўғрисида”ги 600-сонли қарори қабул қилинди.

Қарорда Бош вазир ўринбосари — иқтисодиёт ва молия вазири Жамшид Қўчқоров бошчилигидаги 15 нафар раҳбарлардан иборат Ишчи гуруҳига 2025 йил 1 мартга қадар Давлат пенсия таъминоти тизимини ислоҳ қилиш концепцияси лойиҳасини ишлаб чиқиш вазифаси юкланди.

Бу қарордан кейин пенсия ёши оширилармиш деган миш-мишлар ҳам тарқалди. Лекин қарасангиз, қарорнинг матнида бундай гап-сўзлар йўқ. Хўш, ўзи бу миш-мишларда ҳақиқат борми?

Гап шундаки, 2024 йилнинг июль ойида Президент ҳузуридаги Стратегик ислоҳотлар агентлиги томонидан мамлакатдаги пенсия тизимини жиддий ислоҳ қилиш таклиф этилганди. Унда Ўзбекистондаги пенсия таъминоти тизимини ислоҳ қилиш ва эътибор беринг, пенсия тайинлаш шартларини ҳамда пенсия ёшини умр давомийлигига мос ҳолда қайта кўриб чиқиш тавсия қилинган эди.

Агентлик таҳлилларидаги Пенсия жамғармаси даромадларига нисбатан ҳаражатлар кескин ошиб бораётгани ҳамда борган сари давлат бюджетидан кўпроқ молиялаштириш юз бераётгани каби “ташвишли” маълумотлардан пенсия ёшини қайта кўриб чиқиш деганда, уни ошириш назарда тутилганини билиш мумкин. Ошириш деганда, аёллар учун ҳозирги 55 ёшни масалан, 56 ёки 58 ёшга, эркаклар учун ҳозирги 60 ёшни мисол учун 63 ёки 65 ёшга ўзгартириш кабилар бўлиши мумкин.

Демак, миш-мишларда ҳақиқат бор.

Шахсан мен пенсия ёши оширилишига қаршиман. Бироқ, сайлов яқинлиги учун сиёсий партияларнинг сайловолди дастурларида бу масалага қандай ёндошилганига қизиқдим ва Халқ демократик партиясининг дастурида мана бу вазифа жой олганини кўрдим: ➖“пенсияни ёшини ўзгартирмасдан сақлаб қолиш бўйича сиёсатни давом эттириш”.

Демак, ХДП пенсия ёшининг оширилишига қарши ва бу албатта яхши. Лекин кўрамиз, партия бу позициясини баралла айта олармикан ва охиригача кураша олармикан?

Партиялар етакчилари сайловолди дебатларда бу мавзуга ҳам албатта тўхталишлари керак.

👉@yuristkadr

Qishloqdagi paxta dalasi.

👉@yuristkadr

Qishlog’imizda, mahallamizda yangi qurilayotgan masjid.

👉@yuristkadr

ХДП йўлларда тирбандликларнинг олдини олиш бўйича ечим таклиф қилмоқда

«Халқ» демократик партияси ўз сайловолди дастурида йўллар ёпилгани сабабли юзага келадиган тирбандликларнинг олдини олиш учун йўлларда олиб бориладиган таъмирлаш ишлари ҳақида камида 10 кун олдин хабар бериш тизимини йўлга қўйишни таклиф қилмоқда.

Бундан ташқари, партия:

➖ жамоат транспорти тизимини ривожлантириш;
➖ жамоат транспорти бекатларини аҳоли учун қулай қилиш, уларни ноқонуний, ўзбошимчалик билан эгаллаб олиш ҳолатларига қарши курашиш;
➖ давлат хизматчиларининг ишга жамоат транспортида қатнашини рағбатлантириш;
➖ шахсий транспорт воситалари давлат рақами тоқ ва жуфт сонларини ҳафта кунлари ўртасида тақсимлаган ҳолда ҳаракатланишини чеклаш каби таклифларни илгари сурмоқда.

#sаylоv24
👉@yuristkadr

ОНЛАЙН ЎҚУВ КУРСЛАРИ ДАВОМ ЭТМОҚДА! ОНЛАЙН ТАЪЛИМ ОЛИБ, СЕРТИФИКАТГА ЭГА БЎЛИНГ!

Узоқ ҳудудлардан Тошкент шаҳрига офлайн курсларимизга келиш имкони бўлмаган тингловчиларимиздан келаётган талаб ва таклифларни инобатга олиб, онлайн малака ошириш курсларига старт берилади!

Бизнинг ўқув марказимизда тажрибали мутахассислар, малакали юристлар назарий ва амалий билимларингизни оширишга хизмат қилади.

Курс якунда тингловчиларга барча зарурий ҳужжатлардан намуналар, ишни тўғри ташкил этиш бўйича қўлланмалар ва албатта малака оширганлик ҳақида сертификат берилади.

"YURIST VA KADR" марказида онлайн ўқув курсларида малака оширишни истаган талабгорлар қуйидаги рақамларга қўнғироқ қилиб боғланиши мумкин 👇🏻

👩‍💻@yuristkadr_menejer

📱 +99890-010-86-15
+99897-731-40-30
+99833- 993-18-80

🗺Манзил: Тошкент шаҳри, Чилонзор тумани, Чўпонота кўчаси, Ц-мавзе, 4-Б уй.

Мўлжал: М.Улуғбек метроси

📍Ўқув маркази локацияси

Telegram 🚀I Instagram 📷 I Youtube 🎬

Суд раислари ротация қилиниши керак.

Бугун суд мустақиллигига рахна солаётган омиллардан бири – бу Қорақалпоғистон Республикаси, вилоятлар ва Тошкент шаҳар судлари (судлов ҳайъатлари)нинг раислари, шунингдек, туман (шаҳар) ва туманлараро судларининг раислари лавозимларидир.

Уларни ўртача ҳар 3 йилда ротация қиладиган самарали тизим йўлга қўйилиши керак.

👉@yuristkadr

ХДПнинг сайлов-олди дастурида биз юқорида тўхталган масала бор экан ва дастурда қуйидагича келтирилган экан:

– вилоят, туман (шаҳар) судлари раисларини ротация қилиш амалиётини жорий этиш.

👉@yuristkadr

ЎзЛиДеП “суд прецеденти ҳуқуқи”ни жорий этишни таклиф қилмоқда.

Ўзбекистон Либерал-деморактик партияси сайлов-олди дастурида:

➖қонунчиликни қўллашда муайян суд иши бўйича чиқарилган суд ҳужжатини бошқа шу турдаги ишларда қўллаш имконини берувчи “суд прецеденти ҳуқуқи”ни амалиётга жорий этиш таклиф этилмоқда.

Бугун суддаги асосий муаммолардан бири икки стандартлиликдир. Яъни, айни бир турдаги ишлар юзасидан икки хил қарорлар чиқаётгани адолатнинг оёғини қирқмоқда. Бу ҳақида кўп айтиб келяпмиз. “Суд прецеденти ҳуқуқи” ана шу муаммога барҳам беришда яхши қадам бўлиши мумкин.

Бирооооооқ... Бироқ, бунинг учун бугунги судьяларнинг билим ва малакаларини оширилмаса, ушбу амалиёт тескари ишлаши ҳам мумкин. Масалан, бугунги кунда меҳнат ҳуқуқи соҳасида қарори суд прецеденти сифатида қўлланадиган даражадаги юқори малакали судьялар жуда-жуда кам. Хатто Олий суднинг ўзида бу борада “тақчиллик” мавжуд.

Тасаввур қилинг, Олий суддаги бир суд иши бўйича қонунда оқ деб ёзилган бўлса, лекин судьяларда билим етишмаслиги сабабли қора деб қарор чиқарилса ва бу қарор қуйи судлар учун прецендентга айланса нима бўлади? Айни шу турдаги иш бўйича қуйи судларда фақат қора деб қарор чиқариладими кейин?

Партия бу ташаббусни илгари сурар экан, асосан иккита босқич судларида малака борасида “чистка” ўтказилиши заруратга айланишини ҳам унутмаслиги керак: булар Олий суд ва ўрта бўғин судлари.

Бусиз “суд прецеденти ҳуқуқи” ҳақида ўйлаш утопия бўлиб қолиши мумкин.

👉@yuristkadr

Азизбек Уриновни яна ишдан бўшатишди, суд уни яна тиклади.

Шу, Халқ банки Сурхондарё вилояти филиали мутасаддиларига ҳеч тушунмайманда.

Азизбек Уринов эсингиздами? Бир пайтлар Халқ банкининг Сурхондарё вилояти Шўрчи тумани бўлинмасида ишлаб юрган вақтда ноқонуний ишдан бўшатишган эди уни. Анча югуриб-елиб ишга тиклаганмиз.

Лекин яқинда қисқартириш деб йўқ жойдан яна ишдан бўшатишган уни. Бўлиб ҳам, яна ғайриқонуний бўшатишган.

Ўтган жума – 27 сентябрь куни ФИБ Термиз туманлараро суди уни яна ишга тиклаш ҳақида қарор чиқарди, моддий ва маънавий зарарларни ҳам ундиришни белгилади.

Мен ҳеч тушунмайманда, шу болани сизларга нима оғирлиги тушяпти? Нима, қонун ўйинчоқми сизларга?!

👉@yuristkadr