لێک جیا دەبنەوە دڵخواز و خەیاڵ
پێکەوە نابەنە سەر دوو ئاواڵ

گیانی شیرینی، دڵی، دڵخوازی
خوات دەگەڵ جارێ هەوارگەی قازی

@z_harman

مامۆستا هێدی

هاوڕێیان،هاوزمانان و هاوخوێنەکانم وەک بەڕێوبەری ژوور و کاناڵی هەرمان و خزمەتکارێکی ئێوە،ئەرخەیانتان دەکەمەوە کە کاناڵی هەرمان خاوەنی کتێبخانەیەکی بەهێز و گەورەیە و بۆ دانانی هەر چەشنە بابەتێکی ئەدەبی(شێعر،نووسراوە،ئەدەبیاتی زارەکی و ...)کەڵک لە خوێندنەوەی کتێب وەردەگرێ و بۆ خزمەتی زیاتر کە ئەرکە، کات و وزەیەکی زۆر دادەندرێ و بۆم دەرفەت و شانازییەکی گەورەیە وەک چکۆلەترین تاکێکی کۆمەڵگا جوانیەکانی نەتەوە دەوڵەمەندەکەمان بڵاو کەمەوە.

دڵنیا بن کە بابەتەکان سەرچاوەکەی کتێبی گەورەکانمانە کە تەواو تێیاندا نوقم دەبم و گوڵبژێر و گوڵچینیان دەکەم و گەر بابەتێکی سرنجراکێش لە شوێنێک ڕاگوێز کەم بەستەرەکەی ناسڕمەوە و ئاماژە بەو کاناڵە دەکەم و تەنانەت نێوی وێنەگرانی بەڕێزی کوردستانیش دەنووسم و ناهێڵم مافی هیچ بەڕێزێک پێشێل بکرێت.

هیوام وایە هەموو کاناڵ و ژوورەکان بۆ بابەتەکان پشت بە خوێندنەوە و زانست ببەستن و کەڵک لە سەرچاوە و بەڵگەیەکی پتەو وەک کتێب وەرگرن بۆ ئەوەی زانیاری هەڵە بڵاو نەبێتەوە.

ئێمەی بەڕێوبەر لە حاند ئەندامەکان بەرپرسیارین و دەبێ ناسنامە و بوونێک بۆ کاناڵەکەمان مسۆگەر کەین کە ئەندامی بەڕێز هەست بە کەسایەتی تۆ بکا و بزانێ تۆ خۆت زەحمەت دەکێشی و کات و وزە تەرخان دەکەی،لە کۆتاییدا هیوادارم حازرخۆری بەر سێبەر نەبین و بەستەر نەسڕینەوە و ئاماژە بە سەرچاوەی هەموو بابەتێک بکەین.

@z_harman

شینگێڕی مەلا کەریم ساردە کۆسانی(ڕاوچی) بۆ مامۆستا هەژار

@z_harman

ڕۆژی ڕەشی کوردە، بێ‌هەژاری
شانازی بەوی بوو،زانیاری
پێنووسی بزۆزی ئەو بوو ڕاسا
نووسراوە بە کوردی بوونە یاسا
ئەی خۆزگە ئەمەش وەکوو هەژار باین
وەرزێکی بەپیت و بێ‌ بژار باین

@z_harman

شینگێڕی مەلا کەریم ساردە کۆسانی(ڕاوچی)بۆ مامۆستا هێمن

@z_harman

بە داخم حاتەمی باخی ئەدەب،باروبنەی لێنا
مەحاڵە بۆ ئەدەب بلوێ وەکوو ئەو حاتەمێکی تر

دەبێ هەڵکەم شەمی ژینم لە سەر گۆڕت نەکا بێژی
لە سەر کێکی تەمەن هەڵناکرێ ئیتر شەمێکی تر

@z_harman

قەت ڕوو لە وڵاتێک مەکە
قەلەم،نووکی خۆی بشکێنێ،
شاعیر،شێعری خۆی سەر ببڕێ
شێعریش ،وشەی بخنکێنێ
نان لە گەنم بتۆرێت و
ئاو له کانی
هەتاو ،لە ئاسمان بێزار بێ و
ئاسمان لە ئەستێرەکانی.

@z_harman

مامۆستا ئەمین گەردیگلانی

بەرەو ڕوومە دێ لەم بنارە، پەیاپەی
لە هەر لاوە تاوێر
ئەگەرچی ژیانی بە ئەم چەشنە ڕژدە
وەکوو کەکرە تاڵە
بەرەو ژوورە، بۆ دوندە ڕێگەم
هەتاکوو لەغاوی مەبەستم
لە زاری چیاکۆ نەبەستم
هەدادان و وەستان
مەحاڵە، مەحاڵە

@z_harman

مامۆستا جەلال مەلەکشا
زڕەی زنجیری وشە دیلەکان
(قولەی قافی ئاوات)

@z_harman

مار لە عومری خۆی جارێ دەتگەزێ
ئیتر لادەچێ و بۆخۆی دەبەزێ
بەڵام هاواڵی خراپ سەد کەڕەت
وات پێوە دەدا مێشکت بتەزێ

هەر کەس بە جۆرێ لە دنیا دەگا
زۆری وا هەبوون شەیتانیان ....
بڕێکیش وەکوو حەمە ئاشەوان
بە گون دەناسن مانگایە یا گا

نینۆکت نەبێ کەس ناتخورێنێ
یا کە لە "پێت"دا دڕکێ دەرێنێ
هەر بۆخۆت مەگەر خەمی خۆت بخۆی
چاوت،فرمێسکت بۆ هەڵوەرێنێ

ئەوەی کە دوو کار لە کاتێ دەکا
خەرمان هەڵگرە و بەران تێ‌دەکا
وەک هەڵێ لەدووی دوو نێرەکەروێشک
لە تووربینەکەی هیچیان تێ‌دەکا؟

دۆستت زۆر دەبێ سفرە دابخەی
فەڕشی چاکت بێ و دەرک دانەخەی
بەڵام خزمەکان وەک دۆستەکانت
ناتناسن ئیتر حەسیر ڕابخەی

@z_harman

هۆنراوە:مامۆستا ئیبراهیم ئەفخەمی

شرۆڤە:بۆ یەکەم جار ئەو هۆنراوانە لە تێلێگرام بڵاو دەبنەوە و مەبەست ڕێزدانان بۆ هەموو گەورەکانە،هەرمان کاناڵێکی جیاواز

@z_harman

گای سوور،کلکم بڕی چوو ژوور(کشمیش خواردن)

قەڵای گێچی،ڕێی نییە تێی چی(هێڵکە)

سواری نەزۆکێ دەبم،دەچمە نەبڕانێ،دێنم نەڕوانێ(یەستر،ڕێگا،خوێ)

کەری مردوو،باری زیندوو(لانکە و منداڵ)

کلکی دارە،ملی خوارە(داس)

بە پیسی دەخورێ،بە خاوێنی ناخورێ(سەری مرۆڤ)

@z_harman

پیرەپیاوی قوون بە مشکی(سۆبەی دار)

چەرمە،گەرمە،نەرمە، دۆخینی بکەوە، تێیبەر بە(گیپە)

خڕه و ڕەقە ،وەک کەللایە،چوار منداڵی لە زگی دایە(گوێز)

هەڵدەبەزێ و دادەبەزێ،قەپ دەبا بۆ گەڵ بەڵام نایگەزێ(مەشکە)

گا دەگێڕێتەوە ،با گێڕەوە نییە(چیغ)

@z_harman

مەتەڵی کوردەواری
نووسەر:هۆشیار نووری لەک

@z_harman

1‌:ڕۆژانی هەفتە لێکدراون و پێکەوە دەنووسرێن:
یەکشەممە(نەک:یەک شەممە)
شەممە،یەکشەممە،دووشەممە،سێشەممە
چوارشەممە،پێنجشەممە،هەینی.

2:دارمیوەکان ئەگەر ئامرازی دانەپاڵ لەنێوانیاندا نەبێت،لێکدراون و پێکەوە دەنووسرێن:
دارهەنار(نەک:دار هەنار)، دارگوێز(نەک:دار گوێز)،دارمێو(نەک:دار مێو)

3:هەر کاتێک خاوەندارێتی لە وشەکە بسێنرێتەوە پێکەوە دەنووسرێت:
کوڕێکی بێکەس(نەک:کوڕێکی بێ کەس)
بێخانوو،بێباوک،بێپارە(نەک:بێ خانوو،بێ باوک،بێ پارە)

@z_harman

پوختەی ڕێنووس و خاڵبەندی
دانەر:مامۆستا دیاکۆ هاشمی

@z_harman

پێم خۆشە کە عومرم بە جەفا سەرفی غەمت بێ
بەو شەرتە کە مایەی زەرەرم ماچی دەمت بێ

(سالم)

سەهمی نیگەهت خستمی، هەستامەوە ڕاکەم
ئەگریجە و زوڵفت بە جەفا هاتنە یاری

(نالی)

بەرگی ڕووتی بە هەزار خەرقەیی شاهی نادەم
چونکە مەحبووبە بە ناز پێم دەڵێی گاهێ (مچە ڕووت)

(کوردی)

ماهەکەم ئەمشەو شوکر پڕتەوفشانی خانەیە
قەت لە دەرگا دەردەچم گەر بێتە ئەم سەربانە ڕۆژ

(مەحوی)

هەتا زنجیری زولفی تۆم هەبێ هەر شاد و ئازادم
سەرم هەر داوە بەو داوە، دڵم پابەستە بەو بەستە

(وەفایی)

تاقی میحرابی برۆت جێی نازە بۆ ئەهلی نیاز
سۆفی وەیزانی کەچە هێند کەر بوو خۆی گێڕایەوە

(حەریق)

من شکاتی دڵپەرێشانیم لە گێسوی کردووە
ئەو حەواڵەی مەحکەمەی زوڵفی پەرێشانم ئەکا

(ناری)

خوێنی من گەر خۆت لە پێی ئەگری زەریفە بمکوژن
من بسووتێنن ئەگەر دەمکەن بە کل بۆ چاوی تۆ

(حەمدی)

تەنافی گەردنم کە زولفی زوننارت، کە بێزارم
چ خۆشە گەر بڵێن عاشق بە زولفی یار خنکابێ

(سەیفولقوزات)

شەو ئەزانی بۆ چی هەر دەور و خولی ڕووی تۆ ئەدەم!؟
تا بزانی من کە پەروانەی چراتم، ڕۆحەکەم

(بێخود)

@z_harman

تا کەی بە دیار ئەم کلیله ژەنگگرتووانەوە دانیشین؟
@z_harman

فەرەیدوون ئەرشەدی

وەرە میوانی منی تەنیا بە
وەرە با پێکەوە تەڕ تەڕ تەڕ بین
حوڕمەت و خوڵق و ئەدەب جێ بێڵە
وەرە ئەوڕۆکە کەمێ بەدفەڕ بین

@z_harman


عەبدوڵڵا گولابی(هونەر)

بۆچی داست کول نەبوو پاڵەی قەدەر بۆ شینی کورد.

@z_harman

مامۆستا محەممەد نووری(عەتری گڵۆڵانی)

کاروان دەبێ ڕانەوەستێ
ڕێ دیارە
هەرچی ڕاوەستێ، دەوەستێ

@z_harman


مامۆستا عەلی حەسەنیانی(هاوار)
وێنە:ڕەحمەت بەهێشتی

ڕەقیبی سەگ حەزی بوو، کوشتمت، سەیری کە چۆنی بۆم
دوعا بۆ دەست و تێغت من دەکەم، بڕوانە چۆنم بۆت

@z_harman

مامۆستا مەحوی

وا موشەووەش بوو کە میحرابی برۆتی دی ئیمام
ئیزنی خەڵقی دا کە دنیا ئاخرە، بۆ دێنە نوێژ

@z_harman

مامۆستا مەحوی

[شێرکۆ بێکەس بۆ مارفی ئاغایی]

بڕیار بوو ،ئەم جارە دوورتر بفڕین
بەڵام مەرگ ئەو وەرزەی داڕنی.
بەڵام مەرگ،ئاسمانی کرد بە گۆڕستان و مانگەشەویش هەڵوەری.
خۆزیا ئەو دەریاچە مەنگەم هەر نەبینیایە
خۆزیا ئەو پەڕەسێلکەی موکریانەم هەر نەناسیایە.

@z_harman

هەتا دەستم مەمێ بگرێ شەوانە
دەرک ناکەم کە من پیر و گەڕاوەم

@z_harman

مەلا کەریمی ساردەکۆسانی(ڕاوچی)