tgoop.com/z_zaynabb/14736
Last Update:
لسان حال امير المؤمنين عليه السلام
المولاتي الزهراء سيدة نساء العالمين عليها السلام
طور ملا باسم رايح الغالي
▪️▪️▪️▪️▪️▪️▪️
شمعتي ذابت //زهرتي ماتت
اويلاه
ام حسن روحي// زادت اجروحي آويلاه
▪️▪️▪️▪️▪️▪️▪️
امن الهجر بسج يزهره ردي للبيت
ارويحتي بعدچ حزينه اشكثر عانيت
ليتني ويه العزيزه بروحي واريت
دمعتي بعيني // من يواسيني اويلاه
اعثر ابروحي// زادت اجروحي
آويلاه
✍🏻هدى المطر ام محمد
▪️▪️▪️▪️▪️▪️▪️
اه يازهرت حياتي المامثلها
روحي ابدونك يحره ضاع املها
كوثر الله ورسوله الماأملها
الشمعه البيتي // ابلحت ضليتي اويلاه
اعثر ابروحي// زادت اجروحي اويلاه
ام✍🏻 زين العابدين لمحمداويه
▪️▪️▪️▪️▪️▪️▪️
من يسليني يزهره عكبج انتي
عفتي حيدر والنزل عنه مشيتي
انطفت شمعه سنيني ويه بيتي
رحتي يازهرة // وبالكلب عبرة اويلاه
اعثر بروحي // زادت جروحي اويلاه
✍🏻 هدى المرزوق
➖➖➖➖➖
وين رحتي يالحنينه اليا مكان
بشيلتج يم الحسن ضاع الأمان
بيج يالحره وسف خان الزمان
لذت ايامي // زهرة احلامي اويلاه
اعثر الروحي// زادت جروحي اويلاه
✍🏻 ام رافد السامر
➖➖➖➖➖
يوم رحتي يالعزيزه بيتي اظلم
وانه يازهره تراني اغرف الهم
ليلي مانامه بغيابج والحزن عم
زهرت اسنيني // من يداويني اويلاه
اعثر ابروحي//زادت اجروحي اويلاه
✍🏻 ام محمد الساري
➖➖➖➖➖
يلي شلتي والدرب كلش بعيد
والدمع بجفاج يازهره يزيد
والكلب مشتاك عكبج مايهيد
الحيل بعدج راح // كلبي كله اجراح اويلاه
اعثر بروحي // زادت جروحي اويلاه
✍🏻 أم حسين الابراهيميه ناصرية
➖➖➖➖➖
انطي عمري كله لأجلج يالزجيه
شمعه تضوي ابيتنه صبح ومسيه
هسه مظلم يانزلنه ردي ليه
زهرة اسنيني// يانضر عيني
اويلاه
اعثر بروحي // زادت جروحي اويلاه
العلويه✍🏻 ام زين العابدين
▪️▪️▪️▪️▪️▪️▪️▪️
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14736