tgoop.com/z_zaynabb/14757
Last Update:
قصيدة حزينه للسيدة زينب ع
ــــــــــــــــــــــــــــــــــــــــــــــــــ
زينب عن الاحباب هم صارت بعيدة
عليها الشيعه اليوم تون ونه شديده
مكتوبه عله ام عون.
تظل لا حامي وعون
زينب عن الاحباب هم صارت بعيده
😭😭😭😭
احفاد ايزيد حافت مرقد النور
حقد بگلوبهم اسنين ودهور
وعلى بت حيدره النايبه ادور
ويا زينب وكتها دومه ايجور
بغربه علينه متهون
تظل لا حامي وعون
زينب عن الاحباب هم صارت بعيده
مريم العبوديه اسيرة الاحزان 💔
😭😭😭😭
تدير العين بت حيدر الكرار
عليها والكلب مشتعل بيه نار
متحضره تجيج ازغار وكبار
اشحده اليوصلج من جيش الشرار
يخسه الي يكولون
تظل لاحامي لاعون
زينب عن الاحباب هم صارت بعيده
✍️ام نور الزهراء الزينبيه
😭😭😭😭
نفس الزمره ردت ذيج الارجاس
شافو كل محب شايلها عالراس
مايدرون كلها اتصير عباس
اشلون ايعود واحنه نحمل انفاس
عتبج مايدوسون
نظل انحامي ام عون
زينب عن الاحباب هم صارت بعيده
✍ام اسعد الشمري
😭😭😭😭
وحيده بت علي مابين الانذال
واخوها ابعيد عنها ابعازه ارجال
اتغار على العده وتسوي زلزال
ورايه نصر ليها الحوره تنشال
وخوفي العده ايغارون
نضل نحامي ام عون
زينب عن الاحباب هم صارت بعيده
✍ام مرتضى الخزرجي
😭😭😭😭
تدعی الناس کلها ازغار و کبار
مهيوبه تضل بت حامي الجار
ما نرضه ابد بالجره والصار
وین الله و یجیها صاحب الثار
من عندة يهابون
نضل انحامي ام عون
زينب عن الاحباب هم صارت بعيده
✍🏻 ام محمدالکعبی
😭😭😭😭
تمت بعون الله بأقلام شاعرات رابطة سيد الشهداء عليه السلام
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14757