tgoop.com/z_zaynabb/14762
Last Update:
فاعلن فعلن،،، فاعلن فعلن
ـــــــــــــــــــــــ
وزن حسيناوي
المولانه الحجه عجل الله تعالى فرجه الشريف
ــــــــــــــــــــــــــــــــ
ندعي كل جمعه يضهر المهيوب
وتزهي دنيانه ابجيته المحبوب
ــــــــــــــــــــــ
تفرح الشيعه ابجيت الوالي
والأمان يعم بينه للتالي
ويعله صوت الحق وأبني آمالي
بالورد واليأس نفرش احنا دروب
ام ✍🏻رحمه الگاظميه
✿❥❥❥❥❥❥❥❥❥❥❥✿
ويعله صوت الحق وتفرح الأمه
ابسيفه ابو صالح يزيح كل غمه
وتزهر الدنيه وما تضل ضلمه
ورايه بيمينه والعدل منصوب
✍🏻 ام زين العابدين لمحمداويه
✿❥❥❥❥❥❥❥❥❥❥❥✿
أظهر يبو صالح وفرح الشيعه
امرك على الهامات انجله ونطيعه
شيعتك تنطر ضاعت فرد ضيعه
عجل ياوالينه اوجودك المطلوب
✍️ام نور الزهراء الزينبيه
✿❥❥❥❥❥❥❥❥❥❥❥✿
بطلعتك يا زين تكمل الفرحه
الشيعي بوجودك يالتئم جرحه
ونور من نورك ينفلق صبحه
والله يا مولاي العدل مطلوب
✍🏻أم حسين الابراهيميه ناصرية
✿❥❥❥❥❥❥❥❥❥❥❥✿
تفرح الشيعه ابشوف واليها
وكل حزنها ايروح حزن مابيها
اطيب اجراحات وما تخليها
ويرجع النه الحق من زمن مغصوب
✍️هدى المطر ام محمد
✿❥❥❥❥❥❥❥❥❥❥❥✿
ها يبو صالح جيتك ابمطلب
دعوه للباري وانته اله اقرب
يدفع الظالم عن قبر زينب
ضاگت اعلينه والصبر جم دوب
✍🏻 ام ستار الكعبي
✿❥❥❥❥❥❥❥❥❥❥❥✿
✿❥❥❥❥❥❥❥❥❥❥❥
تمت بعون الله بأقلام شاعرات رابطة سيد الشهداء عليه السلام
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14762