tgoop.com/z_zaynabb/14771
Last Update:
مستهل وزن عگيلي
{لسيده زينب عليها السلام}
لسان حال الكل مع العباس عليه السلام
﴿ هيبة الله اوبابه﴾
للحـره انــون ماننــساهـا
وشحده اليكرب مثـواهـا
ويه الكافل نحمي الواهـا
┈┉┅━━❀💔❀━━┉💔💔
واليــگـرب عبــاس يصـيـده
شامـچ عــنه ماهــي ابعـيـده
وألطــف عل عـدوان يعـيـده
جـف اوعين اوكلشي انطـاها
يـمحـي العـايـل لـو وصــلاها
✍🏻 *_الشاعــرة ام مهــدي العيــداني_*
┈┉┅━━❀💔❀━━┉💔💔💔
حي الله اامعروف ابزوده
انطه الروح ومنطه حدوده
وكفاته اازينب معدوده
بچفوفه وعينه وافاها
يمحي العايل لو وصلاها
ام ✍🏻زين العابدين لمحمداويه
┈┉┅━━❀💔❀━━┉💔💔
محروسة بسم الله وعينه
عباس المايندك وينه
ويوم الطف ضحه بجفينه
كل شيعي حر ما ينساها
يفني العايل لو وصلاها
ام✍🏻 رافد السامر
┈┉┅━━❀💔❀━━┉💔💔
حـي الله الكافــل وعلـومه
يگلــب شامـج مثل الحومه
يعيد الطف بچفـــه ويومـه
شحده اليوصل لو يدناها
يفني العايل لو وصلاها
✍🏻آلــــّعــلّويِـــه آلّمٌوسويِــــۿ
┈┉┅━━❀💔❀━━┉💔💔💔
اشحده اليوصل للحره
من رموش عيونه نجره
نفدي الروح لهاي الدره
چلمه وبالدم وقعناها
يفني العايل لو وصلاها
مريم العبوديه اسيرة الاحزان
┈┉┅━━❀💔❀━━┉💔💔💔
ماعاف اخته ماضي وحاضر
حامي مرقدهه وضل ناطر
فنه اليوصلها ويتجاسر.
ترخص ارواح لعيناها
يفني العايل لو وصلاها
الخادمة ✍ زينة الگريشاوية
┈┉┅━━❀💔❀━━┉💔💔💔
الضلت باالشام الوحدها
عباس ايحامي المرقدها
وجيوش الكفار ايردها
ضحه ابروحه البت طاها
يفني العايل لو وصلاها
✍ام مرتضى الخزرجي
┈┉┅━━❀💔💔💔┈┉┅━━❀💔❀━━┉
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14771