tgoop.com/z_zaynabb/14777
Last Update:
قصيده لمولاتي السيده زينب عليها السلام والحداث الي جرت في الشام
ــــــــــــــــــــــــــــــــ
العقيله وسفه سدوا بابها
اليمها بس عدوان موش احبابها
مدد يا حيدر مدد
امحي الهم كل عدد
اليمها بس عدوان موش احبابها
┄┉❈❥ًً❀)🧿(❀❥❈┉
التمت عليها احفاد الشمر
والحرك باب الزچيه ام الطهر
احقادهم مدفونه من ذاكه العصر
الغايه شيعة حيدره هم تندحر
تبقه الشيعه سند
مدد يا حيدر مدد
اليمها بس عدوان موش احبابها
ام ✍🏻زين العابدين لمحمداويه
┄┉❈❥ًً❀)🧿(❀❥❈┉
نورها ما ينطفي بت حيدره
تبقه ربعتها مزهره معطره
وأبد ما ننساه ياهاذا الجره
وحق جفينه سبع الگنطره
اله تاريخه شهد
مدد ياحيدر مدد
اليمها بس عدوان موش احبابها
ام ✍🏻 رحمه الگاظميه
┄┉❈❥ًً❀)🧿(❀❥❈┉
هاذا باب الله حشه يسدونه
ارواحنه البت حيدره مرهونه
احنه شيعت وما نذل يدرونه
وياج نبقه للأبد
مدد ياحيدر مدد
اليمها بس عدوان موش احبابها
ام✍🏻 رافد السامر
┄┉❈❥ًً❀)🧿(❀❥❈┉
مانريده الناصبي يدوس الحرم
هاي بت حيدرعلي تبقه علم
ثوره زينب جسدت كل الأمم
ما كسر زينب موقف لا ألم
احنه والمهدي نهد
مدد ياحيدر مدد
اليمها بس عدوان موش احبابها
✍️ام نور الزهراء الزينبيه
┄┉❈❥ًً❀)🧿(❀❥❈┉
ليش ترضى ياعلي بهذا الوضع
حاوطوها اجناب اتباع الربع
كون هسه اهناك عباس السبع
وحسين والأكبر الحلو الطبع
احنه خدامج سدد
مددياحيدر مدد
اليمها بس عدوان موش احبابها
ام ✍🏻سيف الزبيدية
┄┉❈❥ًً❀)🧿(❀❥❈┉
يبقه محمي ضريح الطاهره
ندعي من الله ورسوله وحيدره
تبقه اسوار العقيله عامره
وما تضل بت الزجيه محيره
الشيعه تبقه اعله العهد
مدد ياحيدر مدد
اليمها بس عدوان موش احبابها
العلويه ✍🏻ام زين العابدين
┄┉❈❥ًً❀)🧿(❀❥❈┉
اليمها بس عدوان گلهم حاقدين
اتجمعوا من كل بلد وناصبين
احقاد عدهم ويه امير المؤمنين
اتباع ذاكه المستبد الماكو دين
الشيعه تحمي البلد
مدد يا حيدر مدد
اليمها بس عدوان موش احبابها
✍ام مرتضى الخزرجي
┄┉❈❥ًً❀)🧿(❀❥❈┉
شلون صارت حالتج يم الخدر
التفت عليج الاعادي بكل كتر
شگد صعب هذه الوظع البي تمر
شيعتج بگلوبها صارت جمر
الثار ماننساه وعد
مددياحيدر مدد
اليمها بس عدوان موش احبابها
ام ✍️حسين الحسني
┄┉❈❥ًً❀)🧿(❀❥❈┉
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14777