tgoop.com/z_zaynabb/14802
Last Update:
للسيده زينب عليها السلام
ـــــــــــــــــــــــــ💔
الله يساعدج اشكد حملتي
جبل من الصبر يحبيبه صرتي
❥━──➸➽❥💔
الله يساعدج يم المصايب
بعد ذاكه الخدر صرتي بخرايب
مشيتي وعفتي اخوتج علترايب
دهر كسراج كسره
هلج ضلوا بغبره
على العباس يحره عتبتي
❥━──➸➽❥💔
شيفيد العتب بس لا تعتبين
شلون يگوملج ما عنده ﺟفين
اخيج كون حاضر يهد كونين
بعمد مضروب راسه
ومكطعه انفاسه
عفيه شلون من شفتي شكلتي
❥━──➸➽❥💔
الله يكون بعونج يحره
تسع ميه والف اسهام صدره
شضمدين منه الخلص عمره
انعي ولا تبطلين
منج راح الحسين
دمه الدمعات عليهم هملتي
❥━──➸➽❥💔
وبعد شلون من سارو بالضعون
نسوان ويتامه اشلون يم عون
اضن صوب النجف درتيها العيون
وندبتي داحي الباب
يجي ويحضر المصاب
على جور الدهر اشكد صبرتي
❥━──➸➽❥💔
الدهر من الزغر بالج بالوه
مصدوع الگلب لهلج تچوه
بعد ما ضل الج يالحره سلوه
ندبتي اليوم تحضر الزجيه
وشوف الجره بالغاضريه
العودج حيدره بحزان صحتي
❥━──➸➽❥💔
تمت بعون الله بقلمي الأقل خادمة اهل البيت عليهم السلام ✍🏻الشاعره ام زين العابدين لمحمداويه
غير مبري الذمه اليحذف الاسم او ينسبها اله
،✍️الشاعره ام زين العابدين المحمداويه
قناة تحتوي على جميع القصايد الحسينيه
قصايد رجاليه ◇ نسائيه ◇ على كافة الأوزان
موشحات ◇ تجليبات ◇ نعي ◇ فزاعيات
بأشراف وتدقيق الشاعره ام زين العابدين المحمداويه
يشرفنا انظمامكم الينه
https://www.tgoop.com/z_zaynabb
BY 😭قناة الحوراء زينب (ع)😭
Share with your friend now:
tgoop.com/z_zaynabb/14802