tgoop.com/zaainab505/1180
Last Update:
هل شهر عاشور شهر المظلمه
والبسمه نشرت قميصه فاطمه
+++++++++
بالقميص الفوگه آثار السيوف
من حسينيه الحسينيه تطوف
ياهو اكثر حرگه بالمجلس تشوف
اتروحله الزهره ابأديها اتحزمـه
++++++++
للمجالس تمشي محنية ضلوع
تدخل بكل مجلس اتلم الدموع
من تون يحسين يالغالي وتلوع
وينه ليساعدني للگـلبه ضـمه
++++++++
وينه ليساعد دمعتي بدمعه وين
والله يستاهل بچي اوليدي الحسين
ثنين عدكم وآنه ابچي بوحده عين
وعين الاخره فوگها چف لاطمه
++++++++
ويـنه لبگلبه مـثل گلبي لهيـب
ناره ماتبرد عله جرح الغريب
امفطّرات اشفافه عالغبره سليب
وشيبته بيا ذنب تتگاطر دمه
++++++++
اوياي اريده كون تتصورله حال
الواگع وصانع وساده امن الرمال
منشغل عن حاله وايصد للعيال
بآخر انفاسه ويصد لمخيمه
+++++++
الصوت مامسموع عالتله يصيح
كون بيك اتگوم وادريبك جريح
حيل ماعنده غده ايگوم ويطيح
ياثگل لسهام فوگه النايمه
++++++++
ثائر الوبيعي
https://www.tgoop.com/zaainab505
BY القلم الزينبي
Share with your friend now:
tgoop.com/zaainab505/1180