tgoop.com/zahar124/2651
Last Update:
نعي كرناوي
يافرگه الحنينه ايهدم. الحيل.
خلـــت بالگلب امي نياشين
اعدن بالجروح اوماكو احساب
اتعثر بالمشي يم الحياطين
هاييمه صحت اوصوتي مبحوح
افراگج يلحنينه ايريد حيلين
✍🏻😭زهره الكناني
ــــــــــــــ😭ـــــ😭ـــــــــــــــ
صعب افراگها وما بیه حمله
بعدنی ابعازه امی والرباها
زغيره وارحلت والدتي هاليوم
الوع من اليتم وابچي وراها
تبعته النعش من حمل ابليل
اريد اتبعها ما اعــرف بلاها
✍🏻نبضي حسين
ـــــــــــــــ😭ـــ😭ـــــــــــــــ
اذكر گعدتج يايــــمه الغروب
يخنگني الحزن وعيوني تجري
اجرن بالنفس والحيل مهدوم
و الأمي العزيزه تاه فكري
صعبه عيشتي بعد الحنينه
سمعي نحبتي وفديچ عمري
✍🏻 ام زينب الأسدي
ـــــــــــــــــ😭ـــ😭ـــــــــــــــــ
شلون لصار كلبچ عاف الحسين
وكل غصه اليغصها تطلع الروح
وبيتج كل ركــــن البي گعدتي
ينحـب نحبــتي ويزيـــدالنوح
اريـدچ يالـحنيـنه لا تبــعـديـن
تعـاي وطيبي يمه الجروح
✍🏻ام سجاد الشهيد
ــــــــــــــــــ😭😭ــــــــــــــــــ
ضل الفكر سارح والامل خاب
اعرف مــــا ترديلي يزهره
لوعنی الوكت والدهر هل جار
وجرحي بعـد عينچ لا مايبره
یلشلتي وانتي بعـــمر الورود
يغصن البان بالله شلون كسره
✍🏻ام رحمه
ــــــــــــــ😭😭ــــــــــــــــــ
تمت بعون الله تعالى بأقلام شاعرات رابطة ساقي عطاشى كربلاء (( عليه السلام))
https://www.tgoop.com/saghiatashaalkarbala
BY الشاعره زهره شريف عجيل الكناني اتشرف بكم. في قناتي
Share with your friend now:
tgoop.com/zahar124/2651