tgoop.com/zahar124/2654
Last Update:
.نوحیه للزهرا
=============
بلروايات. انكتبت الزهره غربيه بت نبينه
بلروايات. انسلب حگها وگيدو حيدر ولينه
سلبتها اهل السقيفه
حقها هلزهره العفيفه
بالروايات بالروايات
━━━━▣♦️▣━━━━
سامريهم خطب بيهم. شبو النار
حتی لوام الحسن موجوده بالدار
ريت هادي المصطفى ايشاهد الصار
وبالوصيه ريت ماقيد الكرار
انظلمت الزهره الزجيه
گوم. ياسيد البريه
بالروايات بالروايات
زهره الكناني😭✍🏼
━━━━▣♦️▣━━━━
مو روايه عدنا شاهد بالقضيه
حيدره مسلوب حقه من الدعيه
الزهره نادت حقي ضايع يالشفيه
سگطّو مني الحمل فوگ الوطيه
وين ابوالزهره یجیها
یشوف شنهو الصار بیها
بالروايات بالروايات
✍ ام حيدر العباديه
━━━━▣♦️▣━━━━
اتلوعت ويلي يطاها أم ابيها
لون تدري ابفاطمه أشمر عليها
تحچي وياهم وماسمعو حچيها
امتك نكرت يطه بت نبيها
ظلت الدمعه جریه
فاطمه سوده علیه
بالروايات بالروايات
✍🏼.هديل التميمي
━━━━▣♦️▣━━━━
حرمو الزهره ارثها. وين ابوها
مادره بيوم الوديعه يسطروها
ويلي من طاحت عله العتبه اضربوها
وبین بسمار وعتبك يعصروها
تصيح ماتلحگ عليه
عذبوني هل الرديه
بالروايات بالروايات
✍️الشاعره كريمه البوحلوه
━━━━▣♦️▣━━━━
حرگوا. الباب بحقدهم والضغينه
لارعوا حق الامام ولانبينه
عمر ٱمر عبده يصفعها بيمينه
وبالوصيه مقيد الضيغم ولينه
وسيفه بكرابه يوسفه
مارفع عالضلم چفه
بالروايات ..بالروايات
✍🏻العلويه ام مرتضى الموسوي
━━━━▣♦️▣━━━━
ابعرينه الاسد مايهجم عليهم
چان خله السيف يلعب لعب بيهم
علی لوماهلوصيه گام ليهم
چان لقنهم درس كسر اديهم
ولا گدر حد يتجسر
لاضلع لاعين يسطر
بالروايات ..بالروايات
✍🏻العلويه ام مرتضى الموسوي
━━━━▣♦️▣━━━━
تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع
تحت اشراف ..المیرزا ام لیلی الخاقانی
لانجيز حذف الاسماء✋
🙏🏻نسالكم الدعاء🙏🏻
https://www.tgoop.com/Kfeilzain
BY الشاعره زهره شريف عجيل الكناني اتشرف بكم. في قناتي
Share with your friend now:
tgoop.com/zahar124/2654