tgoop.com/zahar124/2656
Last Update:
بصولته لمن. نزل عباسها
بني اميه الظيغمي خلاسها
_____
من نزل. عباسها ذاك الشهم
اتراكضت من خوفها ذيج الزلم
بسيفه ذي الفقار ايكص روس الظلم
بسيفه صفه اهل الرديه انجاسها
زهره الكناني😭✍🏼
______
من نزل عباس زلزلهاالحرب
واصبحت كل الاعادي بالترب
وصّل للمايه ولكن ماشرب
صول بسيف الشهم نبراسها
✍️هدى المطر ام
محمد
__
يوم طب الحومه كظهم بالسره
شال قادتهم وطكهم بالثره
الزلم لبدت من شجاع الكنطره
من خزرته الكل تدنك راسها
بقلم العلويه ام رقيه
فيض الطف
___
يوم گضها للزلم ترجف رجف
إله أگطع روسها بالله يحلف
بيدي ماي العلگمي اغرف غرف
استحت منه كربله من داسها
✍🏻ام محمد باقر العبيد 🍃
______
الخيل ويه الزلم رجفهم رجف
مثل ملك الموت ظل يخطف خطف
حتارت الحومه شتوصفه بياوصف
حير العباس كل مقياسها
بقلم العلويه ام رقيه
فيض الطف😭✍🏼
___$$$
صال بيهم والجيوش اتطشرت
لمع سيفه والخيول اترادمت
منيدهم راياتهم كلها هوت
كطعت الفرسان حتى انفاسها....
✍️☘️ام فراس الساعدي ☘️
تمت باقلام شاعرات رابطة ساقي عطاشا كربلاء حقوق النشر محفوظه عند سيد الشهداء ع
https://www.tgoop.com/saghiatashaalkarbala
BY الشاعره زهره شريف عجيل الكناني اتشرف بكم. في قناتي
Share with your friend now:
tgoop.com/zahar124/2656