tgoop.com/zahar124/2659
Last Update:
الوزن ميمر
كسرولي ظلعي يانبينه الهادي
بويه تعال اوشوف بيه اشسادي
____
الجاهليه عادت بهذا اليوم
بامر ابوحصفه تجمعت هاي الگوم
حيدرولينه بالوصيه ملزوم
بسمارهم صاب الظلع بفادي
زهره الكناني😭
_____
يابويه ظلموني وهجمو على الدار
وجمعو حطبهم واشعلوها بلنار
يدرون بيه بت نبي المختار
الحك اليه بصوتي كمت انادي
ام عمار الصائغ😭
______
بصوتي انادي داري لطبوها
فاطمه بنت الهادي وتعرفوها
دفعوا عليها الباب وسبوها
صار الحزن والنوح بويه زادي
✍🏻ام محمد باقر العبيد😭
———————————
من دفعته الملعون ضلعي اتكسر
وظليت خلف الباب انهض مگدر
امگيد الوالي بالوصيه حيدر
*تتصارخ اگبالي غدت اولادي*
*الشاعرة ام يحيي العبودي*
———————————
بويه دخلو فجأه عليه الأغراب
من شفتهم بويه لذت ورا الباب
عصروني عصره ومحسن طاح بالعتاب
طول الليالي صار النوم سهادي
✍️فاطمه المطر أم زاهر
———————————
ماچني بنت طه النبي المختار
شعلو موگدهم وحرگو الدار
شبت بيه النار ونبت بسمار
تبچي زينب ويابويه اتنادي
*✍🏻 خ_ألحُســـــينيه*
___
*تـــمت بــــعون
اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن*عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ*🙏ــــرررها
https://www.tgoop.com/joinchat-AAAAAFDeD-8dIUKfF2UaBA
BY الشاعره زهره شريف عجيل الكناني اتشرف بكم. في قناتي
Share with your friend now:
tgoop.com/zahar124/2659