tgoop.com/zhrhzahraa/8576
Last Update:
قصيده للزهراء عليها السلام
😭😭😭😭😭
حگها العيون تناشد حگها العيون
ويــن تـردون بنعشـها وين تردون
هاي امي الغاليه...الداربعدج خاليه
حگــها العيون تـناشد حگـها العيون
😭😭😭😭😭
يمه متعلمه على شوفج ليل ونهار
انه ادري الوكت قاسي وبيج غدار
يـمه تتباجـه اخـوتي اصغار وكـبار
وين يمه بهل السفر
گـلبي دلالـه انفطر
حگــها العيون تـناشد حگـها العيون
✍ام حيدر العباديه عماره
___
اشگدصعب فرگاچ یمه يهَدم الحیل
لـيلي ونـهـاری انـوحن یشـهد اللـیل
لوذکرت اسمچ یزهره ادموعی اتسیل
روحی عـذبها الـدهر
اعیونی ذبلهه السهر
حگــها العيون تـناشد حگـها العيون
✍🏻....یسرا الموسوی
ـــــــــــــــــــــــــــــــ
الفرگه يــايمه طويله وتهـد حيلي
ابقـه انـاطـر جـيتچ سهرانــه ليلي
هــسه أگـولن ترجع ويفــرح دليلي
لاتطــولـيــن الغيـــاب
والگلب من عندي شاب
حگــها العيون تـناشد حگـها العيون
✍إم حيدر العبادي ناصريه
ــــــــــــــــــــــــــــــــــــ
زغيره وبعـوز المحـنه شلون بيه
بعـد يـاهـو يالحنيـنه يحـن عليه
فيتـج يـاهـو اليسـدها يالزجـيه
لايـجه روحي عليــج
جان لو بيدي اشتريج
حگــها العيون تـناشد حگـها العيون
✍ام عباس السكيني
ـــــــــــــــــــــــــــــــــ
وين تردون ابنعشها شمعـة البيت
امقرحه اجفوني لاجلها دمه هليت
ريتني اوياها ادفنوني انـه ياريت
لاتــروحـين القبـر
يمه مـااريده العمر
حگــها العيون تـناشد حگـها العيون
✍🏻سلمى أم جعفر
ــــــــــــــــــــــــــــــــــ
حــگها العــيون ييـمه لـو تصب دوم
روحي متلوعه عليج ودمعي مسجوم
والگــلب نـيرانــه تسعـر بقــت لليـوم
عليج عيني ساهرت
والگلب مـني نهبت
حگــها العيون تـناشد حگـها العيون
✍ام احمد خادمة العقيله الهاشميه
ـــــــــــــــــــــــــــــ
*تمت بعون الله تعالى باقلام*
*شاعرات اهل البیت عليهم السلام في رابطة دموع العقیله عليها السلام*
*لانجيز حذف الاسماء*
*نسالكم الدعاء*🤲
https://www.tgoop.com/+Xi0rHVtPICxmMDgy
BY ٲحزان الزهراء للخادمه ام رقيه
Share with your friend now:
tgoop.com/zhrhzahraa/8576