tgoop.com/zxop1222/3510
Last Update:
قصيده ثكيله الى موسى ابن جعفر عليه السلام
اه وأويلاه .... بالسجن احاه
موسى ابن جعفر
بالسجن سموه ... ويلي مارحموه
موسى ابن جعفر ~
بالسجن ويلي موتته واهله بعيدين
خل يحضر ابنه ويدفنه مكيديله اليدين
مهضوم ضل الوحده بسجن وسنين
بالحزن والجور ... دلاله مفطور
موسى ابن جعفر
ام سلام
➖➖➖➖➖➖
مهظوم ضل الوحده مايمه الاحباب
ويريد أهله وعزوته وعيونه عالباب
ويلي عله حاله شكد صعب والچبد منصاب
زنجيل بيديه ... منهو اليتجيه
موسى ابن جعفر
ام ✍️ علي الموسوي
➖➖➖➖➖➖
مسموم جبد أبو الرضا ومايكدر يكوم
سمه اللعين الطاغية ومات مسموم
عدوان ماعدهم رحم وسمو المظلوم
حماميل شالوه
ع الجسر خلوه
موسى ابن جعفر
✍️خادمة الإمام الحسين عليه السلام أم سيف المحمداوية
➖➖➖➖➖➖
مسموم ضل وحده يون ومكيدينه
والسم فطرها جبدته اوزايدونينه
مولانا من هذا الجرا الله يعينه
اوبسجن وحده
اوممرود جبده
موسى ابن جعفر
ام مرتضى الحواسي
➖➖➖➖➖➖
بعاد عنه كل هله محد حضر ليه
من غمض عيون الولي من مدد ايديه
ثكل الحديد الورماه وحيل ماذيه
مايمه الاولاد...
ساعة الميعاد ...
موسى ابن جعفر
✍️ ام حسين العامري
➖➖➖➖➖➖
آه للغريب او غصته هلن يالعيون
تحضر احبابه او شيعته النعشه يشيلون
حال الغريب عله جسر يمهم يشوفون
صيحوا يمسموم ٠٠٠ شطلبك الكوم
موسى ابن جعفر
العلويه ام ناصر الياسري
➖➖➖➖➖➖
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له
https://www.tgoop.com/zxop1222
BY خادمة الحسين أم علي الموسوي
Share with your friend now:
tgoop.com/zxop1222/3510