tgoop.com/AOKA_Surxondaryo/13558
Last Update:
Трансафғон темирйўли қурилиши 2025 йилда бошланиши режалаштирилмоқда
Транспорт вазири Илҳом Маҳкамов Ўзбекистон – Афғонистон – Покистон Трансафғон темирйўли қурилиши 2025 йилда бошланиши режалаштирилаётганини маълум қилди.
2021 йил феврал ойида Ўзбекистон, Афғонистон ва Покистон Тошкентда “Термиз – Мозори Шариф – Кобул – Пешовар” темирйўли қурилиши бўйича йўл харитасини имзолаган эди. Лойиҳани май ойида тайёрлаш ва йўл қурилишини 2021 йил сентябр ойида бошлаш режалаштирилганди. Аммо Афғонистонда ҳокимият алмашгани уни секинлаштирди. Бироқ декабрда Афғонистон муваққат ҳукумати унга қўшилди.
Лойиҳа 4,8 миллиард доллардан 6 миллиард долларгача баҳоланмоқда. У йилига 20 миллион тоннагача юк ташиш имкониятига эга 573 км узунликдаги магистрал қуришни назарда тутади. Янги транспорт йўлаги Европа Иттифоқи, Россия, Ўзбекистон, Афғонистон, Покистон, Ҳиндистон ва ундан кейин Жануби-Шарқий Осиё давлатларини боғлаши керак.
🌐 https://www.tgoop.com/AOKA_Surxondaryo
BY АОКА | Сурхондарё
Share with your friend now:
tgoop.com/AOKA_Surxondaryo/13558