tgoop.com/Advokat_Abdullayev/1623
Last Update:
Одил судлов: Судлов одил бўлармикан?
Бунақа суд жараёнини ёритмасак ҳеч бўлмас.
Шу кунларда ҳимоямиз остидаги Суннат Шомуродовга нисбатан бўлган жиноят иши Самарқанд вилоят суди Жиноят ишлари бўйича судлов ҳайъатида Илҳом Карабаев раислигида тафтиш тартибида кўриб чиқилмоқда.
Эътиборимизни тортган жиҳати шуки, ишни кўриш 2024 йил 16 май кунидан бошланган бўлса, мана 4-ой ҳамдирки, процесс давом этмоқда. Шунда таркиб ўзгаргандан кейинги жараёнларда эса атиги 4 нафар шахс сўроқ қилинди холос.
Ҳимоя томоннинг илтимосномасига кўра сўроқ қилиниши шарт бўлган, иш учун жуда ҳам аҳамиятли бўлган фактлардан хабардор 25 нафар шахсни сўроқ қилиниши эса негадир лозим топилмади.
Ҳақли савол: Унда тафтиш ўтказишдан маъно нима?
Ўзаро қариндошлик риштаси факти аниқланганлиги боис холислиги шубҳа остида қолаётган маърузачи судья З.Ибрагимовни рад этиш ҳақидаги илтимосномамиз эса бир дақиқа ўтар – ўтмас шунчалик тез рад қилиб юборилдики, оқибатда бутун таркибнинг холислигига нисбатан асосли шубҳамиз уйғонди.
Бундай мазмундаги илтимосномани рад этиш ҳақидаги ажрим алоҳида процессуал ҳужжат сифатида расмийлаштирилмаганлиги эса ҳаммасидан ўтиб тушди. Табиийки, суд жараёнида риояси қилинмаган бу тартиб кейинчалик “ўхшатиб” қўйилиши тайин. Буни қонун тилида сохтакорлик дейилади.
“Ўлган устига тепган” қилиб, раислик этувчини рад этиш тўғрисидаги илтимосномамиз ҳам худди шундай тезкор тарзда рад қилиб ташланди.
Бундай ҳолларда ҳимоямиз остидаги шахснинг адолатли суд шароитида суд қилинишига нисбатан бўлган процессуал ҳуқуқи тўлақонли таъминланиши хавф остида қолмоқда.
Воқеалар ривожини кузатайликчи...
👉@Advokat_Abdullayev
BY Advokat Abdullayev | Rasmiy
Share with your friend now:
tgoop.com/Advokat_Abdullayev/1623