tgoop.com/Advokat_Abdullayev/1646
Last Update:
Қонунийлик қани? Судья жавоб бериши керак
Ҳимоямиз остидаги Суннат Шомуродовга оид жиноят ишида судьялар томонидан “Фуқаровий ва сиёсий ҳуқуқлар тўғрисида”ги халқаро пактнинг бир қатор талаблари бузилди.
Пактнинг 14-моддаси 3-бандида ҳар бир киши ўзига қўйилган ҳар қандай айблов кўриб чиқилаётганда тўлиқ тенглик асосида камида 7 та кафолатлар таъминланиши ҳуқуқига эга эканлиги белгиланган.
Мазкур жиноят ишида ушбу банднинг “с” кичик банди талаби, яъни асоссиз ҳолда тўхтатиб турилмасдан ўз ишининг судда кўриб чиқилиши таъминланишига нисбатан бўлган ҳуқуқи бузилди. Чунки, тафтишда кўриш сунъий тарзда 4 ойга чўзилиб кетган.
Оқибатда ушбу банднинг “е” кичик банди талаби ҳам бузилди, яъни суд жараёнида кўрсатувлари текшириб кўрилиши керак бўлган бир қатор гувоҳлар сўроқ қилинмади.
Бу эса айни пайтда Конституциянинг 29-моддаси 3-қисми талабининг ҳам қўпол равишда бузилганлигини англатади.
Қонунийлик принципи бузилган ҳар бир ҳолат судьянинг жавобгарлигини келтириб чиқаради.
Суд қарорига эмас, таркибдаги судьяларнинг ҳаракатига Судьялар олий кенгаши тегишли ҳуқуқий баҳо бериши керак.
@Advokat_Abdullayev
BY Advokat Abdullayev | Rasmiy
Share with your friend now:
tgoop.com/Advokat_Abdullayev/1646