tgoop.com/AlArom19/819
Last Update:
هل ينفع أتجوز شخص مش حلو أو مش متقبلة شكله؟
العريس لو صفته كويسة ومناسب دينا وخلقا واجتماعيا وعامة مناسب، بس مشكلته الوحيدة أنها مش متقبلاه شكليا، فنظريا المرأة مش بتهتم بجمال الرجل زي ما الرجل بيهتم بجمالها ولو البنت شخصيتها قوية وشايفة أنها ممكن تتنازل يبقى توافق عادي لو هي قادرة بعد كدة تعدي كلام الناس أو توقفهم عند حدهم.
لكن لو البنت تتأثر بأقل كلمة ولو حد قال لها : ازاي وافقت عليه؟ ... هو مش حلو ... أنت خسارة فيه ... فلان كان أجمل ... إلخ ...
وتلاقي نفسها تأثرت وبدأت تندم على اختيارها يبقى ساعتها مينفعش واحدة بالضعف ده تتجوز شخص مش وسيم لأنها هتنكد على نفسها وعليه عيشته وهتعيش في تعاسة وهتبقى حاسة أنها أعلى منه وهو أقل منها وأنها تنازل ووافقت عليه وضيعت فرص أحسن.
دي مينفعش تتجوز شخص مش متقبلة شكله لأنها هتظلم نفسها وهتظلم زوجها، وأكيد هتلاقي شخص هيعلق على شكل زوجها بتعليق مالوش لازمة.
لكن عامة بعد فترة من العيش سواء كان الزوج أو الزوجة قبيح أو وسيم كله بيتعود ومش بيبقى ملاحظ أي حاجة.
* الكلام هنا عن واحدة عاوزة تعرف تقبل بواحد مش مقبول شكليا ولا لا. لكن لو واحدة من الأول مقررة أن الجمال مهم بالنسبة لها هي حرة مالهاش علاقة بقوة الشخصية أو ضعفها.
BY الأرام
Share with your friend now:
tgoop.com/AlArom19/819