آنـها أنـا 💞

لمّا أول ماوصل خبر وفاة زوج اختي و هيّ عندنا وقتها كنت صغيره بس شُفت كل عيلتي في حالة من الفوضى و الصدمة و التوتر كان كُل واحد فيهم يجي يشوفها من بعيد و يرجع لمكانه كُل واحد فيهم مش عارف كيف يقوللها ، كانت مقعمزه بيناتنا تحكي و تضحك و فجأة انقلبت ضحكتها لإنهيار و بكى

لما مرض بابا لفترة من الوقت و كان كل شوي يتعب و يقعد فـ المُستشفى أيام ، مافكرتش ولا ثانيه إن ممكن يفارق الحياة ، يوم اللي توفى كان متمدد في الصاله و فجأة امي طلعت من عنده و ملامح وجهها ماتتفسرش و بدت الحركة فـ حوشنا غريبه لقيت خوتي و عمامي داخلين الصالة و مسكرين الباب و لما فتحت الباب و لقيت وجها مغطي بالشرشاف قعدت الصوره هادي مش مفارقه ذهني حسيت بـقلبي وقف و الدنيا كلها وقفت

لمّا مرضت بنت خوي و اضطرينا نمشو بيها لتونس و قعدت فـ المستشفى اكتر من اسبوعين فـ اخر يوم ليها مشيتلها و قعدت معاها اليوم كله قعدت تحكيلي ع الناس كلها و تقولي نبي نروح لحوشنا ، روحت من عندها فـ الليل للسكن اللي قريب من المصحه مانعرفش كيف رقدت هاديك الليله بس نضت على كلمة البقاء و الدوام لله وحده اول ماسمعت هالجمله لقيت روحي لابسه عبايتي و نجري للمصحه وصلت لقيت صوت امها طالع لبرا خطواتي ثقلو هلبه وصلتها و انى حاطه يدي على قلبي و منهاره ولا نقدر نوصف بشاعة الشعور

لمّا قعدت هاديكا الليله نايضه و مش مطمنه و قلبي حاسه بيه جبل بين ضلوعي و نتصل بصاحباتي نبكي و نقولهم مش متريحه قلبي بيتفجر لما جى الصُبح مقعمزه و شاده هاتفي فتحت الفيسبوك اول منشور يطلعلي فيه صورة خطيبي ماقدرتش نقرا الكلام نزلت لأخر المنشور و لقيت كاتبين الله يرحمك و يغفرلك ، قعدت نرعش عطيت الهاتف لخوي نقوله هذا شنوو !! عطاني بظهره و ماردش عليا بحرف ، الدنيا ظلمت عليا من وقتها و لعند هاللحظه ، عيطت بكيت و درت اللي مايديره غير الجاهل انعمى على قلبي و ركبت فـيا نار ماتنطفاش العمر كله …


مواقف الفقد مشاهد الفقد شُعور الفقد صدمته و ناره و مرارته و غصته و لوعته و حُزنه و ألمه و جرحه ، الفراغ اللي مابعد الفقد الوحدة ، النقصان الانطفاء ، الضياع ، الانكسار ، انعدام الرغبه فالحياة ، فقدان الشغف و الحب و الامل ، كُل هالاشياء مش ممكن يحسها إلا اللي فقد عزيز على قلبه ، كل فقد هين إلا فقد الموت ، ربِ مايبتليكم بالموت ربِ مايفرقكم على احبابكم

www.tgoop.com/BHBH2002/2928

308 viewsMay 17, 2023 at 22:58

لمّا أول ماوصل خبر وفاة زوج اختي و هيّ عندنا وقتها كنت صغيره بس شُفت كل عيلتي في حالة من الفوضى و الصدمة و التوتر كان كُل واحد فيهم يجي يشوفها من بعيد و يرجع لمكانه كُل واحد فيهم مش عارف كيف يقوللها ، كانت مقعمزه بيناتنا تحكي و تضحك و فجأة انقلبت ضحكتها لإنهيار و بكى

لما مرض بابا لفترة من الوقت و كان كل شوي يتعب و يقعد فـ المُستشفى أيام ، مافكرتش ولا ثانيه إن ممكن يفارق الحياة ، يوم اللي توفى كان متمدد في الصاله و فجأة امي طلعت من عنده و ملامح وجهها ماتتفسرش و بدت الحركة فـ حوشنا غريبه لقيت خوتي و عمامي داخلين الصالة و مسكرين الباب و لما فتحت الباب و لقيت وجها مغطي بالشرشاف قعدت الصوره هادي مش مفارقه ذهني حسيت بـقلبي وقف و الدنيا كلها وقفت

لمّا مرضت بنت خوي و اضطرينا نمشو بيها لتونس و قعدت فـ المستشفى اكتر من اسبوعين فـ اخر يوم ليها مشيتلها و قعدت معاها اليوم كله قعدت تحكيلي ع الناس كلها و تقولي نبي نروح لحوشنا ، روحت من عندها فـ الليل للسكن اللي قريب من المصحه مانعرفش كيف رقدت هاديك الليله بس نضت على كلمة البقاء و الدوام لله وحده اول ماسمعت هالجمله لقيت روحي لابسه عبايتي و نجري للمصحه وصلت لقيت صوت امها طالع لبرا خطواتي ثقلو هلبه وصلتها و انى حاطه يدي على قلبي و منهاره ولا نقدر نوصف بشاعة الشعور

لمّا قعدت هاديكا الليله نايضه و مش مطمنه و قلبي حاسه بيه جبل بين ضلوعي و نتصل بصاحباتي نبكي و نقولهم مش متريحه قلبي بيتفجر لما جى الصُبح مقعمزه و شاده هاتفي فتحت الفيسبوك اول منشور يطلعلي فيه صورة خطيبي ماقدرتش نقرا الكلام نزلت لأخر المنشور و لقيت كاتبين الله يرحمك و يغفرلك ، قعدت نرعش عطيت الهاتف لخوي نقوله هذا شنوو !! عطاني بظهره و ماردش عليا بحرف ، الدنيا ظلمت عليا من وقتها و لعند هاللحظه ، عيطت بكيت و درت اللي مايديره غير الجاهل انعمى على قلبي و ركبت فـيا نار ماتنطفاش العمر كله …


مواقف الفقد مشاهد الفقد شُعور الفقد صدمته و ناره و مرارته و غصته و لوعته و حُزنه و ألمه و جرحه ، الفراغ اللي مابعد الفقد الوحدة ، النقصان الانطفاء ، الضياع ، الانكسار ، انعدام الرغبه فالحياة ، فقدان الشغف و الحب و الامل ، كُل هالاشياء مش ممكن يحسها إلا اللي فقد عزيز على قلبه ، كل فقد هين إلا فقد الموت ، ربِ مايبتليكم بالموت ربِ مايفرقكم على احبابكم

BY آنـها أنـا 💞