tgoop.com/Barno_Otinoyimiz/10150
Last Update:
#ПРЕМЬЕРА
🔥Яхшиям сиз борсиз, яхшиям Она...
Нега маҳзунман-а, нега маҳзунман,
Нега дунёни деб ёняпман яна...
Ташвишлар тугамас, лек олам аро,
Яхшиям сиз борсиз, яхшиям Она...
Сизга суянаман умр йўлимда,
Борсизки омадлар турар қўлимда,
Мехрингиз айланар ўнгу сўлимда,
Яхшиям сиз борсиз, яхшиям Она...
Дардларим англайсиз сўзламасимдан,
Омадлар тилайсиз кўзламасимдан,
Хабарингиз бора ҳар нафасимдан,
Яхшиям сиз борсиз, яхшиям Она...
Қанийди ўхшаса аёлим сизга,
Бир олам завқ берди камолим сизга,
Зарра келмади-а малолим сизга,
Яхшиям сиз борсиз, яхшиям Она...
Мехри юлдузларни ёндирганимсиз,
Софдиллик сувига қондирганимсиз,
Ёмонлик йўлидан тондирганимсиз,
Яхшиям сиз борсиз, яхшиям Она...
Зўр шоир эмасман оддийдир сўзим,
Зўрликка ҳам ҳали етмайди кўзим,
Улғайиб қолмадим ўзимдан ўзим,
Яхшиям сиз борсиз, яхшиям Она...
📝 Муаллиф: Зоҳид Зиё (Senyor)
@Barno_Otinoyimiz🌹
BY Barno Otinoyimiz🌸
Share with your friend now:
tgoop.com/Barno_Otinoyimiz/10150