💛
▬▬▬▬▬▬▬▬▬▬▬▬▬

🕊  [  ዓ ይ ኖ ቼ ና ል ቤ ም   ]   🕊


▬▬▬▬▬▬   ♱    ▬▬▬▬▬▬

❝ እግዚአብሔርም አለው። በፊቴ የጸለይኸውን ጸሎትህንና ልመናህን ሰምቻለሁ ፤ ለዘላለምም ስሜ በዚያ ያድር ዘንድ ይህን የሠራኸውን ቤት ቀድሻለሁ ፤ ዓይኖቼና ልቤም በዘመኑ ሁሉ በዚያ ይሆናሉ። ❞ [ ፩ነገሥ.፱፥፫ ]


❝ ቤቴ የጸሎት ቤት ትባላለች ፥ ❞ [ ማቴ.፳፩፥፲፫ ]



🕊                      💖                    🕊

🕊

[  † እንኳን ለጻድቅና ሰማዕት አባ ቴዎድሮስ ዓመታዊ የዕረፍት በዓል በሰላም አደረሳችሁ፣ አደረሰን። †  ]

†  በስመ አብ ወወልድ ወመንፈስ ቅዱስ አሐዱ አምላክ አሜን! †

🕊   †  አባ ቴዎድሮስ  †    🕊

†  አባ ቴዎድሮስ በ4ኛው መቶ ክ/ዘመን የነበረ ግብፃዊ አባት ነው:: ተወልዶ ባደገባት የእስክንድርያ ከተማ ብሉያትንና ሐዲሳት በወቅቱ ከነበሩ አበው ሊቃውንት ተምሯል:: ጊዜው ምንም መናፍቃን የበዙበት ቢሆን በዛው ልክ እነ ቅዱስ እለ እስክንድሮስና ቅዱስ አትናቴዎስን የመሰሉ ቅዱሳን ሊቃውንት ነበሩና ከነሱ የሚገባውን ወስዷል::

አባ ቴዎድሮስ "አባ" ያሰኘው ሥራው:- ሲጀመር ገና በወጣትነቱ ድንግልናንና ምንኩስናን በመምረጡ ነበር:: ምንም እንኳ ሐብት ከእውቀት ጋር ቢስማማለትም ይሕ እርሱን ከምናኔ ሊያስቀረው አልቻለም:: ከከተማ ወጥቶ: በዓት ወስኖ በጾምና በጸሎት ተወሰነ::

በ፫፻፵ [340] ዎቹ ዓ/ም አካባቢ ግን በምዕመናን ላይ ከባድ ችግር ደረሰ:: የወቅቱ ነገሥታት በስመ ክርስቲያን አርዮሳውያን ነበሩና ሕዝቡን ማስገደድ: አንዳንዴም የአርዮስን እምነት ያልተቀበለውን ማስገደል ጀመሩ:: በዚህ ምክንያትም ታላቁ የኦርቶዶክስ ጠበቃ ቅዱስ አትናቴዎስን ከመንበሩ አሳደዱት:: በምትኩም አርዮሳዊ ሰው ዻዻስ ተብሎ ተሾመ:: ይህን ጊዜ ነው እንግዲህ እውነተኛ እረኛ ያስፈለገው::

በበዓቱ የነበረው አባ ቴዎድሮስ አላቅማማም:: ቤተ ክርስቲያን ትፈልገዋለችና መጻሕፍትን ገልጾ ከቦታ ቦታ እየተዘዋወረ ምዕመናንን ያጸናቸው ጀመር:: መናፍቃኑን ተከራክሮ ምላሽ በማሳጣት ሕዝቡን ከኑፋቄ በመጠበቅ የሠራው ሥራ ሐዋርያዊ ቢያሰኘውም ለአርዮሳዊው ዻዻስ [ጊዮርጊስ ይባላል] ሊዋጥለት አልቻለም:: በቁጣ ወታደሮችን ልኮ አባ ቴዎድሮስን ተቆጣው:: እንዳያስተምርም ገሰጸው:: አባ ቴዎድሮስ ግን እሺ ባለማለቱ ግርፋት ታዘዘበት::

ወታደሮች እየተፈራረቁ ሲገርፉት ረድኤተ እግዚአብሔር ከእርሱ ጋር ነበርና ከዛ ሁሉ ግርፋት አንዲቷም አካሉ ላይ አላረፈችም:: በዚህ የተበሳጨው አርዮሳዊ ዻዻስ የአባ ቴዎድሮስን እጅና እግር ከፈረስ ጋሪ በኋላ አስረው በኮረኮንች መንገድ ላይ በፍጥነት እንዲያሮጧቸው አዘዘ::

ፈረሶቹ መሮጥ ሲጀምሩ የአባ ቴዎድሮስ አካሉ ይላላጥ ጀመር:: ትንሽ ቆይቶ ግን እጆቹ ተቆረጡ:: በኋላም ራሱ ከአንገቱ ተለይታ መንገድ ላይ ወደቀች:: አካሉ በሙሉ መሬት ላይ ተበታተነ:: እግዚአብሔር ቅድስት ነፍሱን ተቀብሎ አሳረጋት::

† ለቅዱሱም ፫ [ 3 ] አክሊል ከሰማይ ወርዶለታል :-

፩. ስለ ፍጹም ምናኔውና ድንግልናው
፪. ስለ ሐዋርያዊ የወንጌል አገልግሎቱ
፫. ስለ ሃይማኖቱ ደሙን አፍስሷልና
"እምአባልከ ተመቲራ ለእንተ ሠረረት ርዕስ:
እግዚአብሔር አስተቄጸላ በአክሊል ሠላስ" እንዳለ መጽሐፍ::
ምዕመናን ሥጋውን ሰብስበው በዝማሬና በማኅሌት በክብር ቀብረውታል::

† አምላካችን ከቅዱሱ በረከት ይክፈለን::

🕊

[  † ሰኔ ፮ [ 6 ] ቀን የሚከበሩ ዓመታዊ የቅዱሳን በዓላት  ]

፩. ቅዱስ አባ ቴዎድሮስ ሰማዕት
፪. አባ ገብረ ክርስቶስ
፫. ፵ "40" ሰማዕታት

[   † ወርሐዊ በዓላት    ]

፩. ቅድስት ደብረ ቁስቋም
፪. አባታችን አዳምና እናታችን ሔዋን
፫. አባታችን ኖኅና እናታችን ሐይከል
፬. ቅዱስ ኤልያስ ነቢይ
፭. ቅዱስ ባስልዮስ ዘቂሣርያ
፮. ቅዱስ ዮሴፍ አረጋዊ
፯. ቅድስት ሰሎሜ
፰. አባ አርከ ሥሉስ
፱. አባ ጽጌ ድንግል
፲. ቅድስት አርሴማ ድንግል

† " መልካሙን ገድል ተጋድያለሁ:: ሩጫውን ጨርሻለሁ:: ሃይማኖቴን ጠብቄአለሁ:: ወደ ፊት የጽድቅ አክሊል ተዘጋጅቶልኛል:: ይህንም ጻድቅ: ፈራጅ የሆነው ጌታ ያን ቀን ለእኔ ያሰረክባል:: ደግሞም መገለጡን ለሚወዱት ሁሉ እንጂ ለእኔ ብቻ አይደለም:: " † [፪ጢሞ.፬፥፯]  (4:7)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ  ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

  [   ጥበብ ለራሷ ቤት ሠራች !   ]

🕊                    💖                       🕊

❝ አብ በአካሉ ፍጹም አንድ ነው ፤ ወልድም በአካሉ ፍጹም አንድ ነው ፤ መንፈስ ቅዱስም በአካሉ ፍጹም አንድ ነው። እሊህ ሦስቱ እንደ መንግሥት መዐርግ አይደሉም። ባሕርያቸው አንድ ፣ አገዛዛቸው አንድ ፤ አምላክነታቸውም አንድ ነው እንጂ ፤ ሰማይን ምድርን ፤ ባሕርን በውስጣቸው ያለውን ሁሉ የፈጠረ እግዚአብሔር አንድ ነው። [ ዘፍ.፩፥፳ ። መዝ.፶[፵፱]፥፮ ፣ ሮሜ.፩፥፳ ]

በኋላ ዘመንም ገብርኤል መልአክ ወደ ንጽሕት ድንግል ማርያም በተላከ ጊዜ ጸጋ ክብርን የተመላሽ ድንግል እግዚአብሔር ከሥጋሽ ሥጋን ከነፍስሽ ነፍስን ነሥቶ ሰው ይሆናልና ፤ ክብር ላንቺ ይገባል ብሎ በነገራት ጊዜ ያንጊዜ ሳይወሰን በማይመረመር ግብር ያለዘርዐ ብእሲ በመስማት ብቻ ቃል በማሕፀኗ አደረ። [ሉቃ.፩፥፳፮—፴፱]

ጥበብ ለራሷ ቤት ሠራች ፤ በሰባት አዕማድም አጸናችው ተብሎ እንደ ተጻፈ ፤ ጥበብም የተባለ የእግዚአብሔር የባሕርይ ልጅ እግዚአብሔር ቃል ነው ፤ የሠራችው ቤት የተባለም ከድንግል ፈጥሮ የተዋሐደው ሥጋው ነው ፤ ይህም በነፍስ በሥጋ ፍጹም የሚሆን ትስብእቱ ነው። ሰባቱ አዕማድም ሰባቱ የሐዲስ ሕግ መጻሕፍት ናቸው ፤ ከዚያች ሰዓት ጀምሮ ክርስቶስ አምላክ ፤ ሰው በመባል ሳይለይ አንድ አካል አንድ ባሕርይ ሆነ። [ምሳ.፱፥፩ ። ማቴ.፲፩፥፳ ። ኤፌ.፫፥፲-፲፪ ] ❞

[    🕊   ቅዱስ ቄርሎስ   🕊     ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።


†                         †                         †
💖                     🕊                      💖

💛
▬▬▬▬▬▬▬▬▬▬▬▬▬

   [  ዛ ሬ ም ሽ ት !   ]  

♱ ♱ ♱ ♱ ♱ ♱ ♱

❝ ስለ ጽድቅ የሚሰደዱ ብፁዓን ናቸው ፥ መንግሥተ ሰማያት የእነርሱ ናትና። ❞ [ ማቴ.፭፥፲ ]

🕊                      💖                    🕊

- ስለ ሃይማኖታቸው ብለው ከሃገር ለተሰደዱት ወንድሞቻችን እፎይና ጰላድዮስ ድጋፍ

- በወንድማችን እፎይ የቲክ ቶክ ገጽ ላይ ልዩ መርሐ-ግብር ተዘጋጅቷል

- ዛሬ ምሽት 01:00 ላይ መላው ኦርቶዶክሳዊ እንዲገኝ ተጋብዟል።


🕊                      💖                    🕊

💛
▬▬▬▬▬▬▬▬▬▬▬▬▬

🕊       [   ምክረ ቅዱሳን   ]        🕊


▷    "  በ መ ከ ራ ስ ለ መ ጽ ና ት  " 

[   በሊቀ ዲያቆናት ሀቢብ ጊዮርጊስ  ]

[                       🕊                        ]

▬▬▬▬▬▬   ♱    ▬▬▬▬▬▬

❝ ወንድሞቼ ሆይ ፥ የእምነታችሁ መፈተን ትዕግሥትን እንዲያደርግላችሁ አውቃችሁ ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። ❞

[  ያዕ . ፩ ፥ ፩ - ፪  ]



🕊                       💖                   🕊

▬▬▬▬▬▬  ♱  ▬▬▬▬▬▬

🕊   [  መ ካ ከ ለ ኛ !   ]   🕊

▬▬▬▬▬▬  ♱  ▬▬▬▬▬▬

❝ አንድ እግዚአብሔር አለና ፥ በእግዚአብሔርና በሰውም መካከል ያለው መካከለኛው ደግሞ አንድ አለ ፥ እርሱም ሰው የሆነ ክርስቶስ ኢየሱስ ነው ❞ [ ፩ጢሞ.፪፥፭ ]


🕊                      💖                    🕊

🕊

[ † እንኳን ለታላቁ ሊቅ ቅዱስ ያዕቆብ ዘሥሩግ ዓመታዊ የዕረፍት በዓል በሰላም አደረሳችሁ ፣ አደረሰን። † ]

† በስመ አብ ወወልድ ወመንፈስ ቅዱስ አሐዱ አምላክ አሜን! †


🕊  † ቅዱስ ያዕቆብ ዘሥሩግ †  🕊

† በቤተ ክርስቲያን ታሪክ በደራሲነታቸው : በወንጌል አገልግሎታቸውና በቅድስናቸው ከተመሠከረላቸው ዐበይት ሊቃውንት አንዱ ቅዱስ ያዕቆብ ዘሥሩግ ነው::

ሊቁ የተወለደው መጋቢት ፳፯ [27] ቀን በ፬፻፴፫ [433] ዓ/ም ሲሆን ሃገሩ ሶርያ ነው:: ወላጆቹ ክርስቲያኖች ለዚያውም አባቱ ሊቀ ካህናት ነበር:: ቅዱስ ያዕቆብ ገና በልጅነቱ ጀምሮ ጸጋ እግዚአብሔር የጠራው ነውና በብዙ ነገሩ የተለየ ነበር::

አንድ ቀን በዕለተ ሰንበት : ገና በ ፫ [3] ዓመቱ : እናቱ አቅፋ ወደ ቤተ መቅደስ ወሰደችው:: ምዕመናን ቅዱስ ሥጋውንና ክቡር ደሙን ሲቀበሉ ሕጻኑ ያዕቆብም ይቆርብ ዘንድ ቀረበ:: ሊቀ ዻዻሱ ደሙን በዕርፈ መስቀል ሊያቀብለው ሲል መልአኩ መጥቶ "በጽዋው ጋተው" አለው:: የጌታን ደም በጽዋ ቢጠጣ ምስጢር ተገለጸለትና "አንሰ እፈርሕ ሠለስተ ግብራተ - እኔስ ፫ [3] ነገሮች ያስፈሩኛል" ሲል አሰምቶ ተናገረ::

† ዻዻሱና ሕዝቡ ወደ ሕጻኑ ያዕቆብ ቀርበው "ምን ምን?" አሉት:: እርሱም :-

፩. ነፍሴ ከሥጋየ ስትለይ::
፪. ቅድመ እግዚአብሔር ለፍርድ ስቀርብ::
፫. ከፈጣሪየ የፍርድ ቃል ሲወጣ" አላቸው::
ያን ጊዜ ሕዝቡና ሊቀ ዻዻሳቱ "እግዚአብሔር በዚሕ ሕጻን አድሮ ዘለፈን" እያሉ ለንስሃ በቅተዋል::

ቅዱስ ያዕቆብ ፯ [7] ዓመት ሲሞላው ይማር ብለው ወደ ጉባዔ አስገቡት:: በ፭ [5] ዓመታት ብሉይ ከሐዲስ ጠንቅቆ በ፲፪ [12] ዓመቱ ሊቅ ሆኗል:: በዚህ ወቅት የነበሩ ታላላቅ ሊቃነ ዻዻሳት ወደ እርሱ ተሰበብስበው "እንግዳ ድርሰት ድረስልን:: አዲስ ምሥጢር ንገረን" አሉት:: እርሱ ግን ሲቻለው ስለ ትሕትና "አልችልም" አላቸው::

"እንግዲያውስ ትንቢተ ሕዝቅኤልን ተርጉምልን" ቢሉት ባጭር ታጥቆ አመሥጥሮላቸው ተደስተዋል:: ፈጣሪንም አመስግነዋል::

ቅዱስ ያዕቆብ ከዚህ በኋላ ወደ ገዳም ገብቶ ትሕርምተ አበውን : ዕጸበ ገዳምን : ሕይወተ ቅዱሳንን በተግባር ተምሯል:: በድንግልናው ጸንቶ : ጾምና ጸሎትን እያዘወተረ ኑሯል:: በፈቃደ እግዚአብሔር የሥሩግ [በኤፍራጥስና ጤግሮስ ወንዞች መካከል የምትገኝ የሶርያ ግዛት ናት] ኤዺስ ቆዾስ ሆኖ ተሹሟል::

† በዘመኑም :-

፩. የ፬፻፶፩ [451] ን የኬልቄዶን ጉባኤ አውግዟል::
፪. ብዙ መናፍቃንን ተከራክሮ ምላሽ አሳጥቷል::
፫. በወንጌል አገልግሎት መልካም እረኝነቱን አሳይቷል::
4፬. ዛሬ የምንገለገልበትን መጽሐፈ ቅዳሴውን ጨምሮ በርካታ መንፈሳዊ ድርሰቶችን ደርሷል::

በመጨረሻም ከብዙ የተጋድሎና የቅድስና ዓመታት በኋላ በተወለደ በ፸፪ [72] ዓመቱ በ፭፻፭ [505] ዓ/ም በዚሕች ቀን አርፏል:: አንዳንድ ምንጮች ደግሞ ሰኔ ፳፯ [27] ቀን እንዳረፈ ይናገራሉ:: ቅዱስ ያዕቆብ ዘሥሩግ ለቤተ ክርስቲያን የቁርጥ ቀን ተወዳጅ ልጇ ነውና በእጅጉ ታከብረዋለች::

† አምላከ ቅዱሳን ከታላቁ ሊቅ በረከት ይክፈለን::

🕊

[ † ሰኔ ፯ [ 7 ] ቀን የሚከበሩ ዓመታዊ የቅዱሳን በዓላት ]

፩. ቅዱስ ያዕቆብ ዘሥሩግ
፪. ቅዱስ : ቡሩክና አሸናፊ አባ አበስኪሮን [ታላቅ ሰማዕትና ባለ ብዙ ተአምራት ነው]
፫. ፲፮ ሺህ "16,000" ሰማዕታት [በአንድ ቀን የተገደሉ]
፬. የእመቤታችን ቤተ ክርስቲያን የተከፈተበት በዓል (ከ1ሺ ዓመታት በፊት ምስር [CAIRO] ውስጥ]

[ † ወርሐዊ በዓላት ]

፩. ሥሉስ ቅዱስ [ አብ ወወልድ ወመንፈስ ቅዱስ ]
፪. አባ ጊዮርጊስ ዘጋስጫ
፫. አባ ሲኖዳ [ የባሕታውያን አለቃ ]
፬. አባ ዳንኤል ዘገዳመ ሲሐት
፭. አባ ባውላ ገዳማዊ
፮. ቅዱስ አትናቴዎስ ሐዋርያዊ
፯. ቅዱስ አግናጥዮስ [ ለአንበሳ የተሰጠ ]

† " ይሕንን እዘዝና አስተምር :: በቃልና በኑሮ : በፍቅርም : በእምነትም : በንጽህናም ለሚያምኑቱ ምሳሌ ሁን እንጂ ማንም ታናሽነትህን አይናቀው:: እስክመጣ ድረስ ለማንበብና ለመምከር : ለማስተማርም ተጠንቀቅ:: " † [፩ጢሞ.፬፥፲፩] (4:11)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ  ]

         †              †               †
▬▬▬▬▬ ▬▬▬ ▬▬▬▬▬
💖                   🕊                    💖