tgoop.com/Fadfadah98/3151
Last Update:
= كيف أحقق التوازن في نفسي؟!
بمعني كيف احقق التوازن ف جميع جوانب حياتي بين نفسي و اهتمامتها و طموحاتها و بين علاقاتي مع اهلي و علاقاتي الاجتماعيه و هكذااا ...؟؟!
و التوازن ده طبعا اساس كل الحياه اذا ماف توازن تاكدي تماما حياتك ح تكون ملخبطه و اغلب مشاكلنا نحن البنات بسبب عدم التوازن ما بنعرف نوازن ف حياتنا دايما بنخلي جانب يلغي جانب تاني و عشان كدا بتحصل اللخبطة..
طبعا السؤال دا سالتني ليهو واحده ملهمه من خلال التعليقات ف البوستات الفاتت و لقيتو مهم شديد لازم نشرحو ف بوست منفصل 😍✌
البوست دا دسسسسم شديد و ح تلقي علاج ل مشاكل كتيره بتواجهك 😌 لو فوتيهو حقك راح، معلوماتو سمحة شديد.
----
#التوازن اساس الحياة اذا ما وازنتي في جميع جوانب حياتك، البحصل انو حياتك ح تتلخبطط و ما ح تعرفي نفسك عاوزه شنو و اهدافك شنو، و كتير من البنات الواحده بتكون عايشه ساي و ماشه ف الدنيا دي ساي بس ما عارفه روحها ما عارفه نفسها عاوزه شنو و اهدافها شنو ما عارفه بتحب شنو و بتكرهه شنو ...الخ + ما قادره تكون متوازنه ف علاقاتها الاجتماعيه او العاطفيه ...
و بتلقاها مهمله جانب عشان خاطر جانب تاني، مثلا عشان خاطر الجامعه مهمله اسرتها او نفسها ذاتو و مرات ربنا كمان ....
- لازم ف حياتك اول تحرصي انك توازني علاقتك مع ربنا لانو هي اساس التوازن كلوووو ، عافري عشان الحاجه دي شديد انو علاقتك مع ربنا تكون كويسه .
- الحاجه التانيه قسمي حياتك علي أولويات ..
اهتمامتك أولويات ،و طبعا اهتمامك بعلاقتك بربنا هي الTop نمبر 1 ف المقدمه ✌🏻
بعدها بجي اهتمامك بنفسك رقم ٢ من حيث الأولوية، يعني ما تعملي حاجه بدون رضاك علي حساب نفسك ما تجامل في دي نهااي !!!
بعدها بجي اهتمامك ب اسرتك و اهلك تاني اصحابك و هكذااا....
اما ف موضوع العلاقات العاطفيييه دا كووووم براهوووووو
يخوانا الواحده ترتبط او تتزوج تقوم تلغي كل اهتمامتها و تقعد قصاد الراجل بس ما فضل ليها الا تعبدو عباده🙂🙂🙂🙂💔💔 و دا الحاصل ف مجتمعناااا و كتير كمان
الواحده عشان خاطر راجلها تخلي الجامعه تقول ليك حماني القرايه 🙂 او تخلي الشغل بعد كانت زوله ناجحة ف شغلها تقول ليك راجلي بغير علي من الشغل😒 و العجب البتنسي صحباتها و اهتمامتها التانيييه و بس تبقي قصاد ترضي الراجل عشان يقول عليك واااو خطيره و بتحبيهو و بتسمعي كلامو 🙂
انتي كدا قاعده تخربي علاقتك بيدك
الراجل دايما بقا بحب المرة القويه و المستقلة و العندها احلام و اهداف و طموحاااات ، النوع الضعيف المنكسر دا صدقيني بعدي فتره و بزهج منك و ح يمشي يحب واحده تتحداهووو، دايما الراجل بحب الفريسة الصعبه، لانو بطبعو الصياد بحب التحدي .
انتي م تبقي ليهو مرأة ساهله و تتنازلي عن اهدافك و طموحااااتك ... اذا انتي عندك هدف اعمليهو اوعك تخافي من الراجل و احب اقول ليك راجل بحميك قرايتك و بحميك شغلك و بحميك النجاح و يقيف عقبه في طريقك دا ما بحبك !!!!
البحبك بدعمك و بساعدك انك تنجحي و تتطوري و تمشي ل قداممم خليكي مستقله بنفسك لانو نفسكككك ف المقاااام الاول ✌🏻...
نقطه سطر جديد .
- طيب بحصل كتير مرات الواحده بتكون جايطة، مؤذية راسها ف مليون حاجه ما عارفه تعمل فيهم شنو و لا عارفه تبدا كيف..
زي مثلا عندها كم مهمه لازم تنجزهم او عندها كم هدف عاوزه تحققهم..
هنا ف الحاله دي تجيب ورقه و قلم و تكتبهم كلهم و تبدا بالاهم ثم الاهم حسب الاولويات عندك تمام؟
زي مثلا انتي ممتحنه بعد اسبوعين ولا قريتي ولا شي و عاوزه تدخلي دوره تدريبيه نفسك من زمان تخشيها بس الدوره دي ح تاخد من زمنك و انتي بعدين ح تنعصري ف القرايه هنا ما تضغطي نفسك انتي تركزي ف امتحانك وتاجلي موضوع الدوره التدريبيه لمن تخلصي امتحانك ح تلقي فرصه تانيه اكيد بس الامتحان لو رسبتي ما بتلقي فرصه تانيه و الحاجه دي بتخصم منك...
و حاجات زي بتحصل كتير الشغله كلها انك ترتبي افكارك و تبدي بالاهم ثم الاهم ..
- الحاجه التانيه الحابه انبهه عليها انو عدم التوازن مرات بقودك للتعلق الزائد زي مثال المرة القصاد راجلها و بترضي راجلها ف اي شي عشان خايفه يخليها الزوله دي هنا متعلقه و التعلق دايما بفقدك الشي الانت متعلق بيهو، لانك ما متوازن و الحاجه دي ف الكون كدا أصلا، ربنا خلق الكون كلو متوازن.
زي مثلاً الحبوبات الزمان بقولو ليك " الكتييير مسيخ " انت اذا كترت ف الحاجه ايا كان نوعها ح تبقي ليك مسيخه و بدون معنى، و دا هنا مقصود بيهو انو الناس تتوازن ف حياتها عموماً.
-تتوازني ف علاقتك مع ربنا تكون فل. 👌
- مع نفسك تشوفي اهتمامتها شنو و تتطوريها و تدعميها و تحبيها و تحتويها و ما تجاملي علي حسابها.
- مع اهلك و اصحابك القراب ليك بحيث انك ما تقصري فيهم تقومي بواجباتك اتجاهمم
BY It's Tanzeel ♡.
Share with your friend now:
tgoop.com/Fadfadah98/3151