tgoop.com/Fadfadah98/3651
Last Update:
وعي العلاقات ❤️🔥
كتار سالوني السؤال دا .. كيف اقدر احدد صفات شريك حياتي؟؟؟؟ احددها كيف و اعمل شنو ؟؟؟
السؤال دا مهم شديد و اجابتو و فهمو بتحدد ليك مسارك الصحيح ف العلاقات يعني ح تعرفي تختاري صح 🥰
اذا قدرتي تحددي مواصفات شريك حياتك بدقه ف انتي ح تقدري بنسبة ٨٠% ترتبطي بالشريك الصحيح 😌✋
ح نجاوب علي السؤال دا ارفعو البوست و تاقي صحباتك و ح اعدل ليكم البوست تاني✋😌 ...
#تعديل
عشان تكوني عاوزه تتزوجي لازم تسألي نفسك سؤال
هل انا حاليا جاهزه للارتباط؟؟؟
ما ينفع تدوسي ساي قد تكوني انتي حاليا ما جاهزه (بقصد نفسيا) مرحله الارتباط دي مرحله مهمه شديد الانسان بحدد فيها مسارو لقدام يبقي لازم هو يكون جاهز ليها موش تجيهو عفوا ساي ..
اغلب البنات بدخلو ف علاقات عابره ساي علاقه ورا علاقه ورا علاقه لمن يستنزفو كل طاقتهم و مشاعرهم .. و اذا سالتها انتي عاوزه تتزوجي ليه ؟ عشان شنو؟ ما ح تجاوبك بصوره صحيحه لانو هي اساسا ما عارفه نفسها عاوزه تتزوج ليه
العجب لو سالتها عاوزه شريك حياه يكون كيف ؟ يعني مواصفاتو شنو ؟
الاجابات تختلف من واحده للتانيه في منها اجابات واعيه و صحيحه و في منها ناتجه عن قلة وعي...
خلينا نشوف امثله للأجابات دي
*عاوزاهو اسمر ملتحي 🐸
*عاوزاهو طويل عريض المنكبين عندو عضلات
*عاوزاهو مقرش و مرطب و امو ميته 😪🐸
..
اجابات لو جيتي عاينتي ليها بتلقيها مركزه علي حاجات هايفه و ما ااااساسيه 🤏🏻 .
اول بتركز علي الاساااسيات تاني بتجي تشوفي الثانويات
طيب نجي نجيب ورقه و قلم ... .. تقسميها علي جزئين يمن و ايسر
ف الجزء الايمن تكتبي الصفات الايجابيه . و الايسر تكتبي صفات سلبيه لا يمكن انك تتقبليها في شريك حياتك
زي الكذب و السكر و عدم الصلاه ...الخ
تكتبيها عشان اول من يجيك زول ليهو صفه سلبيه انتي كاتباها طوالي عقلك الباطن بنبهك تلقائيا ح ترفضي الزول دا
تجي تفصلي الصفات الايجابيه عموما
ركزي ف انك ح تكتبي صفاااات ف الشخصيه يعني ما تمسي تكتبي لي مقرش و امو ميته 😂 مقرش دي رزق و الرزق دا بروح و بجي يعني ما حاجه ثابته
تركزي ف صفات الطبع و هكذا لانها ثوابت
اساسا كل الصفات دي الاخلاق رقم ١
من اتاكم من ترضون دينه و خلقه فزوجوه
يعني الاخلاق رقم ١
تجي تفصلي باقي الصفات
مثلا الصفات الشكليه ... تكتبي بوضوح
( طويل . اسمر .. ذو شعر ناعم .. ملتحي الخ )
الصفات الاجتماعيه .
( محب ل اسرته . ذو علاقات كثيره /قليله ... يحب عمل الخير .. مخب للسفر و الرحلات .. بحب العزومات و اللمات ... بفضل البقاء ف البيت ... يعني بيتوتي او لا .. ...الخ
الصفات الشخصيه ..
( مرح .. جادي ..مفكر . عاطفي صريح /غامض...مسؤؤل. مغامر... مستقل... اتكالي ... حكيم...عفوي.. هادي ... ثرثار(كلامو كتير) ....الخ
*الصفات من ناحيه اسلوبه ف العلاقه ... يعني بتفضليهو يكون كيف تعاملو ف العلاقه معاك
- بعبر عن عواطفو و مشاعرو بطريقه لفظيه /فعل
_رومانسي زي الافلام /واقعي
_حسي لدرجه كبيره/بارد
_ شخص يقبل انصاف الحلول و تسويه الخلافات
_ما بقدر يبعد عنك/مرات بحتاج للوحده و العزله بعيد عنك
....الخ
انتي بتحددي الصفات العاوزاها في اي جانب
بتكتبي انتي عاوزه شنو بالضبط بتفضلي شنو . .
تخليها مكتوبه قدامك لانو علي اساسها انتي ح تهرفي تختاري كل م يجيك زول انتي بتقارني الصفات العندو ليها بالصفات الانتي كاتباها و تقدري تشوفي هو لياتو مدى متوافق 🤏🏻مع الصفات دي
طيب ح تعرفي كيف هو الشريك المناسب .
انتي ح تختي صفات مثاليه و طبعا ماف زول كامل اكيد ما ح تلقي كل الصفات دي كلها متوفره
ح نقول عليهو شريك مناسب لمن تلقي الصفات دي اتوفرت فيهو بنسبة ٨٠% ال ٢٠ % الباقيه دي هي مدي تقبلك لعيوبو عيوب انتي بتقدري تتعايشي معاها
يعني مثلا انتي لقيتي كل الصفات العاوزاها الشخصيه و الاجتماعيه و الروحيه بس من الناحيه الشكليه ما لقيتيهو مطابق معاها كلها ... كنتي عاوزه زول طويل لكن لقيتي قصير لكن فيهو باقي الصفات العاوزاها كلها
هنا انتي تقدري تتعايشي مع صفه القصر دي عادي
بس مثلا لقيتي كل الصفات العاوزاها بس فيهو عيب انو ما بصلي و ما متدين و بسحر و بسكر يعني عندو مشكله في الاخلاقيات
هنا لازم نقيف لانو الاخلاق هي العمود البتقوم عليهو العلاقه و نجاحها دي ما ممكن تتنازلي عنها عشان باقي الصفات متوفره و موجوده
العاوزه اقولو في اساااسيات ما ينفع تتنازلي عنها ✋🏻
في في صفات لو ما اتوفرت ما مشكله الحياه من دونها بتمشي و في صفات لا
اكتبي اي صفه عاوزاها و اتمني علي قدر م تتمني ❤️لانو ف الاخر ح تلقي العاوزاهو
و ما تنسي تختي النيه الصحصيحه من الارتباط و الزواج
انك عاوزه تحصني نفسك و عشان تحنبي زريه صالحه و تكوني اسره سعيده
BY It's Tanzeel ♡.
Share with your friend now:
tgoop.com/Fadfadah98/3651