tgoop.com/Fadfadah98/4052
Last Update:
سلسلة
#مودة_ورحمة❤️
الفصل (14)
#أبغض_الحلال_إلى_الله💔
📎واحِد من الأسباب الخلتني أكتب السلسلَة دي وأجمَع وأبحَث وألخِّص كان #الطلاق!
نسبَة الطلاق مؤخراً إتزايدت بشكل مرعِب ، والحاجة دي أنا لاحظتهَا في محيط (الحِلة) الصغير الحواليني قبل ما أعرف إنها مشكلَة عالميَة على كل المُستويات!
فحاولتَ أعرف السبب!
وبصراحة ما لقيت أي سَبب مُقنِع أكتر من الإختيار الغلَط من البدايَة💔 ، الواحِد ما بيآخُد مهلة كافيَة -فترة الخطوبة- علشَان يتأكد فعلياً إنو دا البني آدم الصاح المُناسِب ليهو ، أو في معظم الأحيان بكُون وَلَـه الحُب أكبر ستارَة حاجبة عن العيُوب ، مع إنو الحُب في المقام الأول لو ما كان فيهو تقبُّل للعيُوب فهو ما حب أكتر من إنو إعجاب أو نزوَة عابرَة!!
💗 بالنسبَة لي شايفة إنو كلّ علاقَة في الدنيا دي الشئ الوحِيد الممكن يخليهَا تواصِل لحدّ النهاية -ولحد ما بعد النهاية- ، أو بمعنى موازِي وقُود أي علاقة هو (مدى تحمُّل وتقبُّل الطرفين لعيُوب بعَض💕)!
بقُولوا ما أي زول بيتحمَّل عيوبَك إلا الزول البحبّك بجد❤ عشان كِدا بنلقى الأُمهَات على الأغلب من حيث المعيار دا هُم الزول البحبنَا رقم واحد!
📎كدي خلونا نعمل جولَة تاريخيَة كدا قبل ما نبدأ
#قبل_الإسلام |قبل البعثَة المُحمدِية|💬 :
المرأة كانت حقُوقها مهضُومة بالمعنى الحرفي، والحاجة دي ما كانت في الجزيرة العربيَة بس ، كانت على مستوى العالم وقتها..
الدول الأوروبية والغربية اليوم اللي بتنادِي حالياً بحق المُساواة بين الرجُل والمرأة ، وحقوق المرأة ، والنسوِية والـOpen Mind كانوا لأقرب وقِت عايشين حقبَة من كُتر الظُلم والجهل والضَباب اللي فيها سُميت (بالعصُور المُظلمة)
🔗الدِين المسيحي اللي كان فيهو تعاليِم سماوية تشبه تعاليم دِينا ، بعد عهد الملك قسطنطين تم تحرِيفو ونشأت فِكرة الثالوث الإستمرت لين اليُوم في الحتة دي.
🔻بَنصحكُم تقروا كِتَاب :
( أقوَمُ قِيلاً)
وكتاب ( تثرِيب) لسُلطان مُوسَى المُوسَى. متوفرات pdf.
🔗الديانَة اليهودية وصلت مرحلة من الإنحطاط العقلي والعبث بالحقائق والتلاعُب بالدين نسبةً لتأثرها بالمعتقدات المجاورة
🔗الإمبراطورية الرومانية والفارسية -المجوس- كانوا حاكمين العالم على مبدأ القهر والذل ، وكانوا غرقانين في الترَف والمجون والإنحطاط الأخلاقي وفيهم من الحُكام من كان شايف نفسو فوق البشر ومنزّه عن الخطأ ومن نسل الآلهة...وإلخ ، حتى في أفلام وثائقية كتيرة عن الحقبة دي عن الرومان والفُرس عُرضت لأكتر من مرّة في قناة الجزيرة الوثائقية وناتشونال جيوغرافيك.
📝بإختصار قبل البعثَة كانت الإنسانية تعيش مرحلة من أحطَّ مراحل التارِيخ البشري ، كانت الحياة عبارة عن فوضَى عارمة خاضِعة للأهواء والمُعتقدات الشخصيَة..
أما #المرأة 👠💄
فكانَت بتُدفن وهِي حيّة ، مجرّد ولادتها بل مجرّد وجودها كان عَار ، فيهم من بالَغ ورفعها لمرتبَة الآلهة -ڤينوس- ، وفيهم من كانت بالنسبة ليهو مجرد جسَد للمُتعة وفيهم كتير..
ما كان عندهَا حق في الميرَاث ، وما كان عندهَا قيمَة متوازنة وفعلِية .. عادي الواحد كان بيتزوّج 10 ، 11 ، 12... العدد كان مفتُوح!
وبالتالي أيضاً ما كان عندهَا حقوق فِي الطلاق.. يعنِي الواحد كان يطلقها متى ما شاء ويستردها متى ما شاء ، يطلقها 10 مرات ، 20 مرة ويرجعها لعصمتو بمزاجُو وهكذا للأبد!💔
#النكاح قبل الإسلام -في جزيرة العرب تحديداً- كان 4 أنواع حسبما ورد في حديث السيدة #عائشة :
⇦ نكاح زي نكاح اليُوم يخطبها من أهلها ويتزوجها.
⇦ نكاح الإستِبضاع ، ودا كان الراجل يقول لزوجتُو بعد تطهر من الحَيض أمشي لفلان وإستبضِعي منه "أحملِي منه" ولو تبيّن حملها يعاشرها بعد ذلك ، وبيعملوا كدا رغبةً في نجابة الولد.
⇦ يجتمعوا رَهط أقل من 10 ويدخلوا على المرأة كلهم!! ، وبعد تنجِب الولد تنسبُوا لأي واحد فيهم وبيقبلوا بدون إعتراض -مع إنو قد لا يكون ابنه!".
⇦البغايا ، ودا كان الواحدة بتعاشر ناس كتييير ، فإذا أنجبت ولد ، عندهم مرا اسمها (القافَة) بتعرِف الشبَه ، فأي زول تشبِّه بيهو الولد دا بينسب ليهو وبيبقى ولدو!
#حتى_جاء_الإسلام❤
{ومَا أرسَلنَاكَ إلَّا رَحمَةً للعَالَمِين}💕.
مش قال رحمةً للمسلمِين ، ولا قال رحمةً للعرَب ، لا .. قال للعالمِين ، المسلم فيهم والمُلحِد ، للغير مسلم وللكافِر ولكلُو!
المرأة بقى عندها قيمَة في الوجُود ولمجرّد إنو الواحد يربِي تلاتة بنات دا قد يكون سبب كافِي لدخولو الجنة-حسبما ورد في الحدِيث-
سمّاهم النبي عليه الصلاة والسَّلام {المُؤنِسَات الغالِيات💕}.
ووصّى بيهم {رِفقَاً بالقَوارِير}
ووصاهَا بحفظ نفسها لأنها مُش رخيصَة ، ومش تستاهل يطمع فيها الغاشِي والماشِي..
أجاز لهَا العمَل وطلب العلم..
بقى عندها حق في الميراث..
وبقَت تتزوج مُعززة مكرّمة ، ولها من الحقوق سواءً كان مادية أو جسدية أو غيرو مالم تكُن تحلم به..
BY It's Tanzeel ♡.
Share with your friend now:
tgoop.com/Fadfadah98/4052