tgoop.com/FkamhSnanee3/22515
Last Update:
داخلنا بالنظرات الي ننتظرها
فجأه صوت المحاجر ( الزغاريط) بتعلى ودخلت انت يانديم ، نزلت نظري ثواني وصوتك خلاني ارفع نظري لك لقيتك واقف قدامي بكامل اناقتك وسامتك وانت عريس مختلفه عن وسامتك باقي الايام ..
نديم بإبتسامه : مااااشااااءالله ، من انتي ؟
نادين بخزا ( خجل) :انت داري من ؟
نديم بهمسسات مشاكسه من تحت الملامح الجديه شافها وقال : ررررررهيبه وقمرررريه حصنتي نفسش !
نادين بابتسامه خزا وبهمسات خفيفه : ايوه
نديم بيتفرررجها عيونها ، تسريحتها ، فستانها : خايف امرعش من الجمال هذا ..ماترحميش
نادين ابتسسسمت اكثر ونزلت راسها : بسسس يانديم لحد يسمعك..
نديم : يسمعو.. قد بيشوووفوني وداريين بجناني عليش
نديم : يسمعو.. قد بيشوووفوني وداريين بجناني عليش
يسرا قاطعتهم : ابي بيدخل نتصور كلنا تقطعو الترته وتروحو شقتكم
نديم مسك يد يسرا : خلي الترته بانقطعها انا وهي في بيتنا.. يسرا : طيب ياهور احنا بس عشان نصوركم.. نديم : ماعليششش من الصور ياجده.. اسررعي يلله قلي لابي يجي نتصور عشان نروح
يسرا شافت لنادين بابتسااامه تعب : الله يعينش عليه ولقانته
نديم لفت لنادين : انا اسخى اتليقن عليها ! بذمتش هذا الجمال حد يقدر يزعله ؟
يسرا ابتسسسمت : الله يحفظكم لبعض يارب ويبعد عنكم كل الحاسدين.. بعد التصوير والجو المرح الي كان موجود وزحمه البيت والازعاج.. بيسمعو الزفه لحالهم ويزفها فوق السسيارره
رايحين بيت احلامهم ... نادين : نددديم نقص صوت الزفه و سووق دلااا قواا .. نديم رااافع صووووته عشان صوت الزفه عالي : من الفرررحه خليني ازززفش .. نادين صاحت بخوووف :ندددديم خفف السرررعه !!!
.. الي مالحق يقرا يبدء والي نفسه يقرا ويحب الروايات منشنوا له ♡♡
نادين صاحت بخوووف : خفف السرررعه !!! نديم مسك بريك (دعس الفرامل ) : اووووف لطف الله.. نادين : الله يسامحك نشفت دمي
نديم لفت لها ومسك يدها: تخافي من السرعه ؟
نادين : سررعه بس ! كنا بانموت
نديم : بعد الشر عليش ، اصلا قربنا من البيت كنت اشتي اطير طيران..سلم الله وحفظني لان الملاك معي ..
نادين ابتسمت وكانني كنت في حلم كانت عيوني تلمع متفاجأه هو جنبي عادي مش خايفه من حد يشوفنا مع بعض !
احساس فضيع نهايه كل حب بالحلال..♡
نديم : ووصلنا ياااعروووسه حياش الله فوق العين والراس ادخلي برجلش اليمين ..
نادين ضحككككت ورفعت طرف فستانها: وها دخلت برجلي اليمين ..
نديم مسك يدها ودخل : تعالي ياقمر اعرفش على بيتش واول مكان ببدء به قدش داريه اني كبير بطن ..هذا المطبخ
نادين : الله..روووعه .لونه مش زي الصور
نديم : اين احلى الصور ولا الحقيقه !
نادين : اكيد دايما الحقيقه احلى
نديم طرح عينه بعينها وبنبره هادئه: مثلش ب الضبططط
نادين سحبت نظراتها منه ومشيت : وفين المجلس ؟
نديم وقف جنبها مسك يدها بيده وفتح بيده الثانيه الباب ، ولع اللمبه : وهذا المجلسس..
نادين : حلو حجمه عشان مايتعبني ف النظاف
نديم ضحك : ايوه شفتي كيف بتهمني راحتش
نادين ابتسمت له وبتتهرب من نظراته لها: وهذا مكان عادي للتلفزيون والجلسه !
نديم : ايوه ، وهذا الحمام.. نادين : واوو انت الي جهزت الشموع والورد والحركات هذه ؟
نديم : لا طبعا وين انا اليوم كله بنتعرس .. اعتقد يسرا وبنات خالتي وامي
نادين ابتسمت وبتتفرج حواليها ..
نديم شافها بتتفرج البيت: البيت عادو جديد عليش وغريب ،معش معش باتتعودي باقي غرفه النوم
نادين : يلا خاطرك ..بروح ...اهلي
قالو لي ممنوع اتاخر في بيت غريب..
نديم ضحككك : خاطررري هاا ، مشاكسه حتى وانتي عروسه !
نادين انحرجت وخدودها حمرت: نديم فتح باب الغرفه: وهذه الغرفه يا اميره
نادين شافت صورتهم حق العقد معلقه و ابتسمت بتتفرجها : ياااخطير ماقلت لي انك طبعت صورتنا
نديم : اوو .. والله مالي علم بها تصدقي ماجيت البيت من يومين ع ماجهزين البنات ورتبين هن..
نادين تلاشت ابتسامتها : اها
نديم : طيب خذي راحتش وتفرجي الغرفه وارتاحي امد ما ادي الشنط من السياره.. نادين هزيت راسي بمعنى تمام بابتسامه ،
واول ماخرج ، اخذت حريتي ف التصرف
(( تناولت زجاجه عطرك واستنشقت رائحتك ورجفت يداي رهبة وكأني طفله تعبث ب أدوات الغير ، اغمضت عيني لثواني وكأنك تسكن اعماقي بلا خجل بلا خوف ولا تردد ، احبك واحب اشيائك وكل مايرتبط بك )
نديم : ندوني .. دندن.. نادين طرحت العطر وقربت من الباب تشوفه بابتسامه
نديم : انتي جااايه بمعرض شنط !! منش صدددق هولا كلهن ..؟ نادين ضحكت : ايوه
نديم : ايش حصل عيغلقوا الاسواق او تكسيتي للعمر كله
نادين غلقت عيونها بدلع : زباااااج
نديم ساااكت وبيتأمل ملامحها.. نادين شافته بيتفرررجها وعينه مارمشت وهو منصدم فيها انحرجت من نظراته: مالك بتتفرجني
نديم :.طلعتي حلوووه احلى من اللثمه بكثير ..
و احلى مما وصفوش لي ، كانو يقولوا مش حاليه
نادين تغيرت ملامحها وبدهشه : منهم الي وصفوني وقالو مش حلوه؟
BY طنافـس🎻 وروايات 🇾🇪
Share with your friend now:
tgoop.com/FkamhSnanee3/22515