tgoop.com/FkamhSnanee3/22516
Last Update:
نديم بيغالطها : الي شافوش .. نادين : قصدك الي شافننني هن !
نديم : ناادين ، حاسبي على كلامش ، عادحنا عرسان !
نادين : وانت حاسب على كلامك.. لانه هذا الكلام يوجع.
نديم : المهم انش طلعتي احلى وحده شافتها عيوني.
نادين : وان شاءالله تدوم.
نديم :نادين انا احبششش
نادين : وانا احبك بس انا خايفه منك.. نديم : ورررجعنا ! حاسبي على كلامش عادحنا اول ليله
نادين نزلت نظراتها من عينه.. نديم اخذ نفس ومسك اصابعها :
يشتيلنا جلسه تعارف ببدء عن اهلي اما اهلكم يشتيلي ورقه.. نادين ابتسمت :باعرفك عليهم لما يجو الصباح.. نديم : ذلحين مش وقت حدددد ..اهم شي انا وانتي مع بعض وبس... بيت اهل نديم.. عمة نديم : كم عتغدوا؟
ام نديم : اهل العروسه واهلنا المقربين بس.. بنت عمة نديم بتمسح دموعها من اليصل : ماعد حد بيغدي وانتو غاووين تعب
يسرا : بس حسسسد لاتبكيششش ولا تزعلي عتتزوجي ..
بنت عمتها ( منال ): هنيت لش تعالي قصقصي البصل انتي وبعدا ليش ماتدوش طباخين قد الناس كلها بتدي طباخين.. يسرا : تعرفي امي موسوسين ومايعجبهم الا اكل البيت.. امها بهررت لها : عتشتغلين سكته او تخرجين
منال عوجت فمها : ضبح وزد راحو بيتهم كانو يجلسو هنا لما يتم العرس ويسيرو ..قد اسمها اول عروسه تدخل عندكم نحس بعرس شويه
يسرا : ان شاء الله في عرسش .. منال : اقربي اشاورش لو تشوفي امس ف الصاله....
يسرا بدهششششه : اماااانه ! ليش ماقلتي لي ؟؟
ام منال : قومي سيري يامنال اديلي طاسه اكبر..
منال غمزت ليسرا : بعدا شاكلمش .. يسرا : الله يخارجنا بس
يوم الجمعه الساعه 7 الصباح.. نديم فتح عيونه على صوت المنبه شافها صاحيه: صباح احلى ورده ف حياتي
نادين : صباح النور .. نديم : والسرور واحلى حبيبه ف حياتي شكلش مارقدتيش !
نادين : لا
نديم : طيب حاولي ترقدي شويه؟ لان الظهر رايحين الغدا في بيتنا
نادين : لا خلاص بنام بعدين .. اهلي جايين
نديم : ايووه ..طيب باروح ادخل الشنط من الباب
نادين : اوكي وانا بتجهز قبل مايجو
بيت اهل نديم.
ام نديم : سيري ابسري اخوش اسامه يقوم يشل الصبوح لبيت نديم..
يسرا : تمام قد قيمته من النوم .. بيت العرسان...
نديم : اووووف ايش الحلاوووه هذه !
نادين بتصلح مكياجها قدام المرايه بنظره غرور : انا حلوه بدون شي
نديم : ايش الشياكه من صباح الصبح
نادين بخزا : عيونك الحلوه
نديم : الي اختارتش انتي تكوني زوجتي من بين الكل
نادين ذكرت كلامه امس: الحمدلله اني طلعت حلوه
نديم : قمر ويارب يخليش لي
نادين : ومايحرمني منك
نديم : امين .الباب دق شكلهم وصلوا.
نادين وقفت ف المرايه اعدل مكياجي وارتب شعري بسرررعه عشان ابي واخوتي واعمامي واخوالي .. كنت حاسه نفسي اميره ف مملكتها ، أميره بحب نديم لي بنظراته واعجابه وحبه لي وقاطعني صوته لما دخل من الباب يقلي يلله ادخلي هم ف الديوان.. يعني عايش ف قلبي وعقلي وحولي يانديم .. مشيت معه ودخلت سلمت على اهلي حسيت باحساس غريب امس انا معهم ف بيتنا واليوم جو كزوار ف بيتي ..حضنت ابي واخوتي وكاني منهم شهر مش ليله.. بدأت عرفت نديم ع اخوالي واعمامي ووظايفهم استلمت منهم الطرح ( هدايا يوم الصباح ) ولما وصلت لهديه عمي كانت صندوقين مجوهرات قال : هذه مني وهذه من احمد .. كانت نظره نديم لي غريبه وفيها استفاهامات ،اخذتها وشكرته ووصلت معه شكري ل احمد على الهديه.. بعد ماخرجوا كانت نبرته متغير شويه
نديم : ايش معنى ابن عمش هذا من بين عيال عمش واخوالش ادا هديه ..
نادين فهمت انه غيره : لأنهم كلهم رسلوا لي هدايا
نادين فهمت انه غيره : لأنهم كلهم رسلوا لي هداياهم مع نسوانهم بس هو مرته مسافره..
نديم بنظره استغراب : بدله ذهب !!!
نادين بانت عليا ملامح الزعل : ايوه ايش فيها ..هو مرتاح ومدير بنك ..عادي.
نديم : لا مش عادي ، مشتيش تلتقي ب عيال عم وخال وخاله .. انا اغيررر عليش .
نادين : انا من فتره بعد المدرسه وماعد نجتمع ممنوع عندنا من بيتنا قبل ماتمنعني انت.. نديم : ردودش يانادين فيها نبره ماحبهاش غيريها.. نادين سكتت واستغربت تصرفه معي واسلوبه
((تعوذت الف مره من زعل يسكننا بعد حب ، من قساوة تجتاح قلوبنا بعد مودة ، من غضب بعد إبتسامة ، اعيذك ونفسي وحبنا من كل شر يدخل بيننا ))..
نديم : والله احبششش واغير عليششش من الهواء الطاير تعرفيني اربع سنوات .
نادين شافته وهزت راسها
نديم مسك يدها وباسها : صح او لا ؟
نادين : صح
نديم : تعالي نصتبح ..رسلولنا الصبوح واهلش ف الديوان.. نادين عيونها بتتغمض : مافيني من اكل اول ارقد شويه وبعدين باكل
نديم : انا بأكلش بيدي وبعدها نامي ولوقت مانروح بصحيش.
. نادين ابتسمت : طيب اذا انت بتاكلني ..موافقه (( أحبك عندما تبتسم، عندما تبدو حنونا ، أحب أن اكون طفله مدللة في حبك ، حتى وإن كنت غيورا بجنون اعشق اهتمامك بي)) .
نادين : نددديم ..ندددديم
نديم : زد شووويه خليني خمس دقايق
BY طنافـس🎻 وروايات 🇾🇪
Share with your friend now:
tgoop.com/FkamhSnanee3/22516